ਹਰਿਆਣਾ ਸਕੂਲ ਸਿੱਖਿਆ ਬੋਰਡ (HBSE) ਨੇ 10ਵੀਂ ਦਾ ਨਤੀਜਾ ਜਾਰੀ ਕਰ ਦਿੱਤਾ ਹੈ। ਇਸ ਵਿੱਚ 65.43 ਫੀਸਦੀ ਬੱਚੇ ਪਾਸ ਹੋਏ ਹਨ। 2 ਲੜਕੀਆਂ ਅਤੇ 1 ਲੜਕੇ ਨੇ 500 ਵਿੱਚੋਂ 498 ਅੰਕ ਲੈ ਕੇ ਪ੍ਰੀਖਿਆ ਵਿੱਚ ਟਾਪ ਕੀਤਾ ਹੈ। ਬੋਰਡ ਦੇ ਚੇਅਰਮੈਨ ਡਾ.ਵੀ.ਪੀ.ਯਾਦਵ ਨੇ ਦੱਸਿਆ ਕਿ ਦਸਵੀਂ ਦੀ ਪ੍ਰੀਖਿਆ ਵਿੱਚ ਕੁੱਲ 2 ਲੱਖ 86 ਹਜ਼ਾਰ 425 ਬੱਚੇ ਬੈਠੇ ਸਨ। ਇਨ੍ਹਾਂ ਵਿੱਚੋਂ 1 ਲੱਖ 87 ਹਜ਼ਾਰ 401 ਪਾਸ ਹੋਏ। ਇਸ ਵਿੱਚ 69.81% ਵਿਦਿਆਰਥਣਾਂ ਪਾਸ ਹੋਈਆਂ। ਵਿਦਿਆਰਥੀਆਂ ਦੀ ਪਾਸ ਪ੍ਰਤੀਸ਼ਤਤਾ 61.41 ਰਹੀ ਹੈ। ਲੜਕਿਆਂ ਦੇ ਮੁਕਾਬਲੇ 8.40% ਵੱਧ ਵਿਦਿਆਰਥਣਾਂ ਪਾਸ ਹੋਈਆਂ ਅਤੇ 37 ਹਜ਼ਾਰ 342 ਉਮੀਦਵਾਰਾਂ ਦਾ ਕੰਪਾਰਟਮੈਂਟ ਆਇਆ ਹੈ। 61 ਹਜ਼ਾਰ 682 ਬੱਚੇ ਫੇਲ੍ਹ ਹੋਏ ਹਨ।
ਵਿਦਿਆਰਥੀ ਆਪਣਾ ਨਤੀਜਾ HBSE ਦੀ ਅਧਿਕਾਰਤ ਵੈੱਬਸਾਈਟ bseh.org.in ‘ਤੇ ਦੇਖ ਸਕਦੇ ਹਨ। ਹਰਿਆਣਾ ਬੋਰਡ ਦੇ 10ਵੀਂ ਜਮਾਤ ਦੇ ਨਤੀਜੇ ਵੇਖਣ ਲਈ ਵਿਦਿਆਰਥੀਆਂ ਨੂੰ ਕੁਝ ਹੋਰ ਜ਼ਰੂਰੀ ਵੇਰਵਿਆਂ ਦੇ ਨਾਲ ਆਪਣਾ ਰੋਲ ਨੰਬਰ ਦਰਜ ਕਰਨ ਦੀ ਲੋੜ ਹੁੰਦੀ ਹੈ। ਵਿਦਿਆਰਥੀ ਅਧਿਕਾਰਤ ਵੈੱਬਸਾਈਟਾਂ ‘ਤੇ ਆਪਣੇ ਅੰਕ ਚੈੱਕ ਕਰ ਸਕਦੇ ਹਨ-ਜਿਵੇ ਕਿ bsehexam.org ਅਤੇ bseh.org.in
ਐਸਐਮਐਸ ਦੁਆਰਾ ਕਿਵੇਂ ਜਾਂਚ ਕਰੀਏ?
ਆਪਣੇ ਮੋਬਾਈਲ ‘ਤੇ SMS ਰਾਹੀਂ BSEH 10ਵੀਂ ਦਾ ਨਤੀਜਾ 2023 ਪ੍ਰਾਪਤ ਕਰਨ ਲਈ, ਇੱਕ ਨਵਾਂ ਸੁਨੇਹਾ ਬਾਕਸ ਖੋਲ੍ਹੋ, ‘RESULTHB10’ ਟਾਈਪ ਕਰੋ ਅਤੇ ਇਸਨੂੰ 56263 ‘ਤੇ ਭੇਜੋ।