ਨਵੀਂ ਦਿੱਲੀ: ਬਾਲੀਵੁੱਡ ਅਭਿਨੇਤਾ ਆਰੀਆ ਬੱਬਰ ਦਿੱਗਜ ਅਭਿਨੇਤਾ ਰਾਜ ਬੱਬਰ ਦੇ ਬੇਟੇ ਹਨ। ਅੱਜ ਆਰੀਆ ਬੱਬਰ 24 ਮਈ 2022 ਨੂੰ ਆਪਣਾ 41ਵਾਂ ਜਨਮ ਦਿਨ (ਆਰਿਆ ਬੱਬਰ ਜਨਮ ਦਿਨ) ਮਨਾ ਰਿਹਾ ਹੈ। ਉਨ੍ਹਾਂ ਨੇ 2002 ‘ਚ ‘ਅਬ ਕੇ ਬਰਸ’ ਨਾਲ ਡੈਬਿਊ ਕੀਤਾ ਸੀ। ਅੱਜ ਅਭਿਨੇਤਾ ਦੇ ਜਨਮਦਿਨ ‘ਤੇ ਤੁਹਾਨੂੰ ਉਨ੍ਹਾਂ ਦੇ ਬਾਰੇ ਕੁਝ ਦਿਲਚਸਪ ਗੱਲਾਂ ਦੱਸਣ ਜਾ ਰਹੇ ਹਾਂ । ਫਿਲਮ ‘ਅਬ ਕੇ ਬਰਸ’ ‘ਚ ਅੰਮ੍ਰਿਤਾ ਰਾਓ ਆਰੀਆ ਬੱਬਰ ਦੇ ਨਾਲ ਸੀ। ਆਰੀਆ ਬੱਬਰ ਨੇ ਇਸ ਫਿਲਮ ਤੋਂ ਇਲਾਵਾ ਕਈ ਹਿੰਦੀ ਫਿਲਮਾਂ ਵਿੱਚ ਕੰਮ ਕੀਤਾ। ਪਰ ਉਸ ਦੀਆਂ ਫਿਲਮਾਂ ਬਾਕਸ ਆਫਿਸ ‘ਤੇ ਕੁਝ ਖਾਸ ਕਮਾਲ ਨਹੀਂ ਦਿਖਾ ਸਕੀਆਂ। ਲੀਡ ਐਕਟਰ ਤੋਂ ਇਲਾਵਾ ਆਰੀਆ ਨੇ ਕਈ ਫਿਲਮਾਂ ‘ਚ ਸਹਾਇਕ ਅਦਾਕਾਰ ਵਜੋਂ ਵੀ ਕੰਮ ਕੀਤਾ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਆਰੀਆ ਬੱਬਰ ਭਾਵੇਂ ਐਕਟਿੰਗ ਦੀ ਦੁਨੀਆ ‘ਚ ਆਪਣੀ ਪਛਾਣ ਬਣਾਉਣ ਲਈ ਸੰਘਰਸ਼ ਕਰ ਰਹੇ ਹਨ ਪਰ ਉਨ੍ਹਾਂ ਨੂੰ ਲਿਖਣ ਦਾ ਬਹੁਤ ਸ਼ੌਕ ਹੈ। ਉਸ ਨੇ ‘ਪੁਸ਼ਪਕ ਵਿਮਨ’ ਨਾਂ ਦੀ ਕਾਮੇਡੀ ਪੁਸਤਕ ਵੀ ਲਿਖੀ ਹੈ, ਜਿਸ ਨੂੰ ਕਾਫੀ ਪਸੰਦ ਵੀ ਕੀਤਾ ਗਿਆ ਸੀ। ਆਰਿਆ ਬੱਬਰ ਨੇ ਸਲਮਾਨ ਖ਼ਾਨ ਦੀ ਫ਼ਿਲਮ ਰੈੱਡੀ ਵਿੱਚ ਕੰਮ ਕੀਤਾ ਇਸ ਤੋਂ ਇਲਾਵਾ ਉਹਨਾਂ ਨੇ ਜੋਕਰ, ਮਟਰੂ ਕੀ ਬਿਜਲੀ ਕਾ ਮਨਟੋਲਾ, ਚਾਕ ਐਂਡ ਡਸਟਰ ਵਿੱਚ ਕੰਮ ਕੀਤਾ । ਪਰ ਇਸ ਦੇ ਬਾਵਜੂਦ ਉਹਨਾਂ ਨੂੰ ਖ਼ਾਸ ਸਫਲਤਾ ਹਾਸਲ ਨਹੀਂ ਹੋਈ । ਇਸ ਤੋਂ ਬਾਅਦ ਉਹਨਾਂ ਨੇ ਪਾਲੀਵੁੱਡ ਵੱਲ ਰੁਖ ਕੀਤਾ ।’ਯਾਰ ਅਣਮੁੱਲੇ, ‘ਜੱਟਸ ਇਨ ਗੋਲਮਾਲ’, ‘ਵਿਰਸਾ’, ‘ਹੀਰ ਐਂਡ ਹੀਰੋ’, ‘ਨੌਟੀ ਜੱਟਸ’ ਵਰਗੀਆਂ ਫਿਲਮਾਂ ਨਾਲ ਆਰਿਆ ਬੱਬਰ ਨੇ ਦਰਸ਼ਕਾਂ ਦੇ ਦਿਲਾਂ ‘ਚ ਖਾਸ ਜਗ੍ਹਾ ਬਣਾਈ ।
