ਅਦਾਕਾਰ ਗੌਹਰ ਖਾਨ ਕਾਫ਼ੀ ਸੁਰਖਿਆ ’ਚ ਰਹਿੰਦੀ ਹੈ। ਉਨ੍ਹਾਂ ਨੇ ਆਪਣੇ ਪ੍ਰਸ਼ੰਸਕਾਂ ਨਾਲ ਅਜਿਹੀ ਖੁਸ਼ਖ਼ਬਰੀ ਸਾਂਝੀ ਕੀਤੀ ਹੈ, ਜਿਸ ਨੂੰ ਸੁਣ ਕੇ ਪ੍ਰਸ਼ੰਸਕ ਕਾਫ਼ੀ ਖੁਸ਼ ਹਨ। ਅਦਾਕਾਰ ਨੇ ਦੱਸਿਆ ਕਿ ਉਹ ਮਾਂ ਬਣਨ ਜਾ ਰਹੀ ਹੈ। ਉਨਾਂ ਨੇ ਇਸ ਖੁਸ਼ਖਬਰੀ ਦੀ ਵੀਡੀਓ ਆਪਣੇ ਇੰਸਟਾਗ੍ਰਾਮ ’ਤੇ ਸ਼ੇਅਰ ਕੀਤੀ ਹੈ। ਆਦਾਕਾਰ ਨੇ ਆਪਣੇ ਪਤੀ ਜ਼ੈਦ ਦਰਬਾਰ ਨੂੰ ਟੈਗ ਕਰਦੇ ਹੋਏ ਸੋਸ਼ਲ ਮੀਡੀਆ ’ਤੇ ਇੱਕ ਐਨੀਮੇਟਡ ਵੀਡੀਓ ਸ਼ੇਅਰ ਕੀਤੀ ਹੈ। ਇਸ ਵੀਡੀਓ ’ਤੇ ਲਿਖਿਆ ਹੋਇਆ ਹੈ ਕਿ, ਜਦੋ Z ਅਤੇ G ਮਿਲੇ ਅਸੀਂ ਇੱਕ ਤੋਂ ਦੋ ਹੋ ਗਏ ਸੀ ਅਤੇ ਹੁਣ ਅਸੀਂ 3 ਹੋਣ ਜਾ ਰਹੇ ਹਾਂ। ਇਸ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਗੌਹਰ ਖਾਨ ਨੇ ਲਿਖਿਆ, ‘ਤੁਹਾਡੇ ਪਿਆਰ ਅਤੇ ਆਸ਼ੀਰਵਾਦ ਦੀ ਲੋੜ ਹੈ।’ ਗੌਹਰ ਦੀ ਇਸ ਪੋਸਟ ’ਤੇ ਪ੍ਰਸ਼ੰਸਕਾਂ ਦੇ ਨਾਲ-ਨਾਲ ਕਲਾਕਾਰ ਵੀ ਵਧਾਈਆਂ ਦੇ ਰਹੇ ਹਨ।
ਦੱਸ ਦਈਏ ਕਿ ਗੌਹਰ ਖਾਨ ਅਤੇ ਜ਼ੈਦ ਦਾ ਵਿਆਹ ਸਾਲ 2020 ’ਚ ਹੋਇਆ ਸੀ। ਦੋਵਾਂ ਦੀ ਮੁਲਾਕਾਤ ਲਾਕਡਾਊਨ ਦੌਰਾਨ ਹੋਈ ਸੀ। ਗੌਹਰ ਖਾਨ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਗੌਹਰ ਖਾਨ ਇਨ੍ਹੀ ਦਿਨੀਂ ਛੋਟੇ ਪਰਦੇ ਨੂੰ ਛੱਡ ਕੇ ਵੈੱਬ ਅਤੇ OTT ਪਲੇਟਫਾਰਮ ’ਤੇ ਧੂਮ ਮਚਾ ਰਹੀ ਹੈ। ਉਹ ਕਈ ਟੀਵੀ ਸ਼ੋਅਜ਼ ’ਚ ਵੀ ਕੰਮ ਕਰ ਚੁੱਕੀ ਹੈ।
