ਇੰਨ੍ਹੀ ਦਿਨੀਂ ਇਕ ਅਫਗਾਨ ਸ਼ਰਨਾਰਥੀ ਦੀ ਕਈ ਸਾਲ ਪੁਰਾਣੀ ਫੋਟੋ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ। ਇਹ ਫੋਟੋ ਦੁਨੀਆ ਦੇ ਮਸ਼ਹੂਰ ਫੋਟੋਗ੍ਰਾਫਰ ਸਟੀਵ ਮੈਕਕਰੀ ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ਤੇ ਸਾਂਝੀ ਕੀਤੀ ਹੈ। ਇਸ ਤਸਵੀਰ ਦੇ ਸਾਹਮਣੇ ਆਉਂਦੇ ਹੀ ਇੰਟਰਨੈੱਟ ‘ਤੇ ਇਕ ਵਾਰ ਫਿਰ ਅਜਿਹੀ ਹਲਚਲ ਮਚ ਗਈ ਹੈ ਕਿ ਤਸਵੀਰ ‘ਚ ਦਿਖਾਈ ਦੇਣ ਵਾਲੇ ਵਿਅਕਤੀ ਬਾਲੀਵੁੱਡ ਐਕਟਰ ਅਮਿਤਾਭ ਬੱਚਨ ਹਨ।
ਅਫਗਾਨ ਸ਼ਰਨਾਰਥੀ ਦੀ ਇਹ ਤਸਵੀਰ ਇੰਨੀ ਦਮਦਾਰ ਹੈ ਕਿ ਤੁਸੀਂ ਇਸ ਨੂੰ ਦੇਖ ਕੇ ਨਜ਼ਰਾਂ ਨਹੀਂ ਹਟਾ ਸਕੋਗੇ। ਫੋਟੋ ‘ਚ ਨਜ਼ਰ ਆ ਰਹੇ ਵਿਅਕਤੀ ਨੇ ਸਿਰ ‘ਤੇ ਇਸ ਤਰ੍ਹਾਂ ਪੱਗ ਬੰਨ੍ਹੀ ਹੋਈ ਹੈ ਕਿ ਉਸ ਦੀ ਫੋਟੋ ਵਿਚ ਜਾਨ ਪੈ ਜਾਏ। ਵਿਅਕਤੀ ਦੀ ਇਕ ਅੱਖ ਪਗੜੀ ਨਾਲ ਢੱਕੀ ਹੋਈ ਹੈ ਜਦਕਿ ਦੂਜੀ ਤੇ ਚਸ਼ਮਾ ਹੈ ਜੇਕਰ ਤੁਹਾਨੂੰ ਯਾਦ ਹੋਵੇ ਤਾਂ ਕੁਝ ਸਾਲ ਪਹਿਲਾਂ ਸਾਲ 2018 ‘ਚ ਇਹੀ ਤਸਵੀਰ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਈ ਸੀ। ਉਸ ਸਮੇਂ ਇਸ ਫੋਟੋ ਨੂੰ ਦੇਖ ਕੇ ਲੋਕਾਂ ਨੇ ਦਾਅਵਾ ਕੀਤਾ ਸੀ ਕਿ ਇਹ ਤਸਵੀਰ ਅਮਿਤਾਭ ਦੀ ਹੀ ਹੈ।
ਪਰ ਦੱਸ ਦਈਏ ਕਿ ਇਹ ਵਾਇਰਲ ਫੋਟੋ ਨਾ ਤਾਂ ਅਮਿਤਾਭ ਦੀ ਅਗਲੀ ਫਿਲਮ ਦਾ ਲੁੱਕ ਹੈ ਅਤੇ ਨਾ ਹੀ ਫਿਲਮ ‘ਠਗਸ ਆਫ ਹਿੰਦੋਸਤਾਨ’ ਦੇ ਕਿਸੇ ਸੀਨ ਦੀ ਹੈ। ਫੋਟੋ ਦੇ ਕੈਪਸ਼ਨ ‘ਚ ਫੋਟੋਗ੍ਰਾਫਰ ਨੇ ਦੱਸਿਆ ਹੈ ਕਿ ਇਹ ਤਸਵੀਰ ਇਕ ਅਫਗਾਨ ਸ਼ਰਨਾਰਥੀ ਦੀ ਹੈ, ਜੋ ਕਿ ਪਾਕਿਸਤਾਨ ‘ਚ ਰਹਿੰਦਾ ਹੈ।
