ਪਿਛਲੇ ਦਿਨੀਂ ਸਾਊਥ ਫਿਲਮ ਇੰਡਸਟਰੀ ਦੇ ਸੁਪਰਸਟਾਰ ਰਜਨੀਕਾਂਤ ਦੀ ਬੇਟੀ ਐਸ਼ਵਰਿਆ ਰਜਨੀਕਾਂਤ ਦੇ ਘਰੋਂ ਗਹਿਣੇ ਚੋਰੀ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਸੀ। ਚੋਰੀ ਤੋਂ ਬਾਅਦ ਚੇਨਈ ਪੁਲਿਸ ਜਾਂਚ ਵਿੱਚ ਜੁੱਟ ਗਈ ਸੀ, ਜਿਸ ਤੋਂ ਬਾਅਦ ਇਸ ਮਾਮਲੇ ਵਿੱਚ ਨਵਾਂ ਅਪਡੇਟ ਸਾਹਮਣੇ ਆਇਆ ਹੈ। ਐਸ਼ਵਰਿਆ ਰਜਨੀਕਾਂਤ ਨੇ ਚੋਰੀ ਦੇ ਮਾਮਲੇ ਵਿੱਚ ਐਫਆਈਆਰ ਦਰਜ ਕਰਵਾਈ ਸੀ। ਉਸ ਨੇ ਆਪਣੀ ਸ਼ਿਕਾਇਤ ਵਿੱਚ ਕਿਹਾ ਕਿ ਸੋਨੇ ਅਤੇ ਹੀਰੇ ਦੇ ਗਹਿਣੇ ਗਾਇਬ ਹੋ ਗਏ ਸਨ। ਇਸ ਦੇ ਨਾਲ ਹੀ ਘਰ ਦੇ ਕੁਝ ਹੋਰ ਗਹਿਣੇ ਵੀ ਚੋਰੀ ਹੋ ਗਏ ਹਨ। ਇਸ ਮਾਮਲੇ ‘ਚ ਉਸ ਨੂੰ ਆਪਣੇ ਘਰ ਦੇ ਨੌਕਰਾਂ ‘ਤੇ ਸ਼ੱਕ ਹੋਇਆ, ਜਿਸ ਤੋਂ ਬਾਅਦ ਚੇਨਈ ਪੁਲਸ ਨੇ ਗਹਿਣੇ ਚੋਰੀ ਦੇ ਮਾਮਲੇ ‘ਚ ਐਸ਼ਵਰਿਆ ਦੀ ਨੌਕਰਾਣੀ ਈਸ਼ਵਰੀ ਅਤੇ ਉਸ ਦੇ ਡਰਾਈਵਰ ਵੈਂਕਟੇਸ਼ਨ ਨੂੰ ਗ੍ਰਿਫਤਾਰ ਕਰ ਲਿਆ।
ਦਰਅਸਲ, ਐਸ਼ਵਰਿਆ ਰਜਨੀਕਾਂਤ ਦੀ ਨੌਕਰਾਣੀ ਅਤੇ ਕਾਰ ਡਰਾਈਵਰ ਨੂੰ ਮੰਗਲਵਾਰ ਨੂੰ ਮਸ਼ਹੂਰ ਹਸਤੀ ਦੇ ਘਰ ਤੋਂ ਸੋਨੇ ਅਤੇ ਹੀਰੇ ਦੇ ਗਹਿਣੇ ਚੋਰੀ ਕਰਨ ਦੇ ਦੋਸ਼ ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਸੀ। ਡਰਾਈਵਰ ਵੈਂਕਟੇਸ਼ਨ ਦੇ ਕਹਿਣ ‘ਤੇ ਨੌਕਰਾਣੀ ਈਸ਼ਵਰੀ ਨੇ ਕਰੀਬ 100 ਤੋਲੇ ਸੋਨੇ ਦੇ ਗਹਿਣੇ, 30 ਗ੍ਰਾਮ ਹੀਰੇ ਦੇ ਗਹਿਣੇ ਅਤੇ ਚਾਰ ਕਿਲੋ ਚਾਂਦੀ ਦੇ ਗਹਿਣੇ ਚੋਰੀ ਕਰ ਲਏ। 18 ਸਾਲਾਂ ਤੋਂ ਨੌਕਰਾਣੀ ਦਾ ਕੰਮ ਕਰਨ ਵਾਲੀ ਈਸ਼ਵਰੀ ਨੂੰ ਐਸ਼ਵਰਿਆ ਰਜਨੀਕਾਂਤ ਦੇ ਘਰ ਦਾ ਪਤਾ ਸੀ ਅਤੇ ਕਈ ਵਾਰ ਲਾਕਰ ਖੋਲ੍ਹ ਕੇ ਚੋਰੀ ਕੀਤੀ।
ਐਸ਼ਵਰਿਆ ਦੀ ਨੌਕਰਾਣੀ ਇਸ਼ਵਰੀ ਪਿਛਲੇ 18 ਸਾਲਾਂ ਤੋਂ ਉਸ ਦੇ ਘਰ ਕੰਮ ਕਰ ਰਹੀ ਸੀ, ਜਿਸ ਕਾਰਨ ਉਸ ਨੂੰ ਘਰ ਦੇ ਹਰ ਕੋਨੇ ਦੀ ਪੂਰੀ ਜਾਣਕਾਰੀ ਸੀ। ਨਾਲ ਹੀ ਉਸ ਕੋਲ ਲਾਕਰ ਦੀਆਂ ਚਾਬੀਆਂ ਅਤੇ ਗਹਿਣਿਆਂ ਬਾਰੇ ਵੀ ਜਾਣਕਾਰੀ ਸੀ। ਈਸ਼ਵਰੀ ਨੇ ਦੱਸਿਆ ਕਿ ਉਸ ਨੇ ਗਹਿਣੇ ਚੋਰੀ ਕਰਕੇ ਵੇਚ ਦਿੱਤੇ ਸਨ ਅਤੇ ਇਸ ਤੋਂ ਘਰ ਖਰੀਦ ਲਿਆ ਸੀ। ਪੁਲਸ ਦਾ ਕਹਿਣਾ ਹੈ ਕਿ ਲਾਕਰ ‘ਚੋਂ ਇਕ-ਇਕ ਕਰਕੇ ਗਹਿਣੇ ਚੋਰੀ ਕੀਤੇ ਗਏ ਹਨ।
