ਅਜੇ ਦੇਵਗਨ ਹਿੰਦੀ ਸਿਨੇਮਾ ਦਾ ਇੱਕ ਦਿੱਗਜ ਅਦਾਕਾਰ ਹੈ। ਉਹ ਆਪਣੀ ਸ਼ਾਨਦਾਰ ਅਦਾਕਾਰੀ ਨਾਲ ਸਾਰਿਆਂ ਦਾ ਦਿਲ ਜਿੱਤ ਲੈਂਦਾ ਹੈ। ਪਿਛਲੇ ਸਾਲ ਰਿਲੀਜ਼ ਹੋਈ ਫਿਲਮ ‘ਦ੍ਰਿਸ਼ਯਮ’ ‘ਚ ਅਭਿਨੇਤਾ ਨੇ ਸ਼ਾਨਦਾਰ ਐਕਟਿੰਗ ਰਾਹੀਂ ਧੂਮ ਮਚਾਈ ਸੀ। ਉਹ ਫਿਲਮ ਸੁਪਰਹਿੱਟ ਸਾਬਤ ਹੋਈ। ਹੁਣ ਇੱਕ ਵਾਰ ਫਿਰ ਉਹ ਇੱਕ ਧਮਾਕੇਦਾਰ ਫਿਲਮ ਭੋਲਾ ਨਾਲ ਤਿਆਰ ਹੈ। ਅਜੇ ਦੇਵਗਨ ਸਟਾਰਰ ਫਿਲਮ ਭੋਲਾ ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ। ਟ੍ਰੇਲਰ ‘ਚ ਅਜੇ ਦੇਵਗਨ ਅਤੇ ਤੱਬੂ ਦੀ ਧਾਂਸੂ ਐਕਟਿੰਗ ਦੇਖਣ ਨੂੰ ਮਿਲੀ ਹੈ। ਮਾਰਚ ਦੇ ਅੰਤ ‘ਚ ਅਜੇ ਦੇਵਗਨ ਫਿਲਮ ‘ਭੋਲਾ’ ‘ਚ ਧਮਾਲਾਂ ਪਾਉਂਦੇ ਨਜ਼ਰ ਆਉਣਗੇ।
6 ਮਾਰਚ ਸੋਮਵਾਰ ਨੂੰ ਅਜੇ ਦੇਵਗਨ ਦੀ ਫਿਲਮ ‘ਭੋਲਾ’ ਦਾ 3ਡੀ ‘ਚ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ, ਜੋ ਪ੍ਰਸ਼ੰਸਕਾਂ ਦੇ ਦਿਲਾਂ ਦੀ ਧੜਕਣ ਵਧਾਉਣ ਵਾਲਾ ਹੈ। ਇਸ ਫਿਲਮ ‘ਚ ਅਜੇ ਦੇਵਗਨ ਤੋਂ ਇਲਾਵਾ ਬੀ-ਟਾਊਨ ਦੀ ਸੁਪਰਸਟਾਰ ਤੱਬੂ ਮੁੱਖ ਭੂਮਿਕਾ ‘ਚ ਨਜ਼ਰ ਆ ਰਹੀ ਹੈ। ਤੱਬੂ ਨੇ ਆਪਣੀ ਧਾਂਸੂ ਐਕਟਿੰਗ ਨਾਲ ਧਮਾਲ ਮਚਾ ਦਿੱਤੀ ਹੈ। ‘ਭੋਲਾ’ ‘ਚ ਤੱਬੂ ਨੇ ਇਕ ਪੁਲਸ ਕਰਮਚਾਰੀ ਦਾ ਕਿਰਦਾਰ ਨਿਭਾਇਆ ਹੈ, ਜਦਕਿ ਅਜੇ ਦੇਵਗਨ ਇਕ ਕੈਦੀ ਦਾ ਕਿਰਦਾਰ ਨਿਭਾਅ ਰਹੇ ਹਨ। ਦੀਪਕ ਡੋਬਰਿਆਲ ਨੈਗੇਟਿਵ ਰੋਲ ‘ਚ ਨਜ਼ਰ ਆਉਣਗੇ। ਭੋਲਾ ਫਿਲਮ ਦੀ ਕਹਾਣੀ ਡਰੱਗ ਮਾਫੀਆ ਦੇ ਆਲੇ-ਦੁਆਲੇ ਘੁੰਮਦੀ ਨਜ਼ਰ ਆ ਰਹੀ ਹੈ। ਇਸ ਫਿਲਮ ‘ਚ ਪਿਓ-ਧੀ ਦੀ ਬਾਂਡਿੰਗ ਵੀ ਦੇਖਣ ਨੂੰ ਮਿਲੇਗੀ।
