ਅਭਿਨੇਤਾ ਵਰੁਣ ਧਵਨ, ਕਿਆਰਾ ਅਡਵਾਨੀ, ਨੀਤੂ ਕਪੂਰ, ਅਨਿਲ ਕਪੂਰ ਅਤੇ ਮਨੀਸ਼ ਪਾਲ ਦੀ ਫਿਲਮ ‘ਜੁਗ ਜੁਗ ਜੀਓ’ ਰਿਲੀਜ਼ ਹੋ ਚੁੱਕੀ ਹੈ। ਕਰਨ ਜੌਹਰ ਦੇ ਪ੍ਰੋਡਕਸ਼ਨ ਹਾਊਸ ‘ਚ ਬਣੀ ‘ਜੁਗ ਜੁਗ ਜੀਓ’ ‘ਤੇ ਅਕਸ਼ੈ ਕੁਮਾਰ ਦਾ ਰਿਐਕਸ਼ਨ ਵੀ ਸਾਹਮਣੇ ਆਇਆ ਹੈ। ਦਰਅਸਲ ਅਕਸ਼ੇ ਕੁਮਾਰ ਨੇ ‘ਜੁਗ ਜੁਗ ਜੀਓ’ ਦੀ ਟੀਮ ਨੂੰ ਸ਼ੁੱਭ ਕਾਮਨਾਵਾਂ ਭੇਜੀਆਂ ਹਨ ਅਤੇ ਇੱਕ ਕਿਊਟ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ ‘ਚ ਉਹ ਵੀ ਫਿਲਮ ਦੇ ਰੰਗ ‘ਚ ਨਜ਼ਰ ਆ ਰਹੇ ਹਨ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਵਰੁਣ ਧਵਨ ਦੀ ਫਿਲਮ ਬਾਰੇ ਅਕਸ਼ੇ ਕੁਮਾਰ ਦਾ ਕੀ ਕਹਿਣਾ ਹੈ? ਅਕਸ਼ੇ ਕੁਮਾਰ ਨੇ ‘ਜੁਗ ਜੁਗ ਜੀਓ’ ਟੀਮ ਨੂੰ ਸ਼ੁੱਭਕਾਮਨਾਵਾਂ ਭੇਜਦੇ ਹੋਏ ਇੱਕ ਵੀਡੀਓ ਸ਼ੇਅਰ ਕੀਤਾ ਹੈ।
ਇਸ ਵੀਡੀਓ ‘ਚ ਉਹ ਕਹਿੰਦੇ ਹਨ, ਅੱਜ ਸ਼ੁੱਕਰਵਾਰ ਯਾਨੀ ਕਿ ਥੀਏਟਰ ਜਾਣ ਦਾ ਦਿਨ ਹੈ ਅਤੇ ਇਸ ਸ਼ੁੱਕਰਵਾਰ ਨੂੰ ਇਕ ਬਹੁਤ ਹੀ ਵਧੀਆ ਫਿਲਮ ‘ਜੁਗ ਜੁਗ ਜੀਓ’ ਰਿਲੀਜ਼ ਹੋਈ ਹੈ। ਇਸ ਵਿੱਚ ਅਨਿਲ ਕਪੂਰ, ਨੀਤੂ ਕਪੂਰ, ਵਰੁਣ ਧਵਨ, ਕਿਆਰਾ ਅਡਵਾਨੀ, ਕਰਨ ਜੌਹਰ ਅਤੇ ਅਪੂਰਵਾ ਮਹਿਤਾ ਵਰਗੇ ਕਲਾਕਾਰ ਵੀ ਇੱਕ ਤੋਂ ਵੱਧ ਕੇ ਇੱਕ ਹਨ। ਇਸ ਨੂੰ ਮੇਰੇ ਖਾਸ ਦੋਸਤ ਰਾਜ ਮਹਿਤਾ ਨੇ ਬਣਾਇਆ ਹੈ। ਸਾਰੇ ਦੋਸਤਾਂ ਨੂੰ ‘ਜੁਗ ਜੁਗ ਜੀਓ’ ਦੀ ਵਧਾਈ ਹੋਵੇ। ‘ਜੁਗ ਜੁਗ ਜੀਓ’ ਦੇ ਨਿਰਦੇਸ਼ਕ ਰਾਜ ਮਹਿਤਾ ਹਨ। ਅਕਸ਼ੇ ਕੁਮਾਰ ਨੇ ਰਾਜ ਨਾਲ ਗੁਡ ਨਿਊਜ਼ ‘ਚ ਕੰਮ ਕੀਤਾ ਹੈ। ਗੁੱਡ ਨਿਊਜ਼ ‘ਚ ਅਕਸ਼ੇ ਕੁਮਾਰ ਤੋਂ ਇਲਾਵਾ ਦਿਲਜੀਤ ਦੋਸਾਂਝ, ਕਰੀਨਾ ਕਪੂਰ ਅਤੇ ਕਿਆਰਾ ਅਡਵਾਨੀ ਨਜ਼ਰ ਆਏ ਸਨ। ਫਿਲਮ ਨੇ ਬਾਕਸ ਆਫਿਸ ‘ਤੇ ਸ਼ਾਨਦਾਰ ਕਾਰੋਬਾਰ ਕੀਤਾ ਅਤੇ ਸੁਪਰਹਿੱਟ ਸਾਬਤ ਹੋਈ।
