ਭੱਟ ਪਰਿਵਾਰ ‘ਤੇ ਦੁੱਖਾਂ ਦਾ ਪਹਾੜ ਟੁੱਟ ਗਿਆ ਹੈ। ਆਲੀਆ ਭੱਟ ਦੇ ਨਾਨਾ ਅਤੇ ਸੋਨੀ ਰਾਜ਼ਦਾਨ ਦੇ ਪਿਤਾ ਨਰਿੰਦਰ ਨਾਥ ਰਾਜ਼ਦਾਨ ਦਾ 93 ਸਾਲ ਦੀ ਉਮਰ ਵਿੱਚ ਦਿਹਾਂਤ ਹੋ ਗਿਆ ਹੈ। ਅਦਾਕਾਰਾ ਨੇ ਇੰਸਟਾਗ੍ਰਾਮ ‘ਤੇ ਇਕ ਲੰਬੀ ਪੋਸਟ ਸਾਂਝੀ ਕਰ ਇਹ ਜਾਣਕਾਰੀ ਦਿੱਤੀ ਹੈ।
ਇਸ ਪੋਸਟ ‘ਚ ਆਲੀਆ ਨੇ ਲਿਖਿਆ- ‘ਮੇਰੇ ਨਾਨਾ… ਮੇਰੇ ਹੀਰੋ… 93 ਸਾਲ ਦੀ ਉਮਰ ਤੱਕ ਗੋਲਫ ਖੇਡਿਆ, ਕੰਮ ਕੀਤਾ। ਵਧੀਆ ਆਮਲੇਟ ਬਣਾਉਂਦੇ। ਆਪਣੀ ਧੀ ਦੇ ਬੱਚਿਆਂ ਦੇ ਬੱਚਿਆਂ ਨਾਲ ਬਹੁਤ ਖੇਡੇ। ਮੈਨੂੰ ਉਨ੍ਹਾਂ ਦਾ ਕ੍ਰਿਕੇਟ ਖੇਡਣਾ, ਸਕੈਚ ਕਰਨਾ ਬਹੁਤ ਪਸੰਦ ਸੀ। ਮੇਰੇ ਪਿਆਰੇ ਨਾਨਾ ਜੋ ਆਪਣੇ ਪਰਿਵਾਰ ਨੂੰ ਬਹੁਤ ਪਿਆਰ ਕਰਦੇ ਸਨ ਅਤੇ ਆਖਰੀ ਪਲਾਂ ਤੱਕ ਆਪਣੀ ਜ਼ਿੰਦਗੀ ਨੂੰ ਪਿਆਰ ਕਰਦੇ ਸਨ।”
ਆਲੀਆ ਭੱਟ ਦੀ ਮਾਂ ਸੋਨੀ ਰਾਜ਼ਦਾਨ ਨੇ ਵੀ ਆਪਣੇ ਪਿਤਾ ਦੀ ਫੋਟੋ ਇੰਸਟਾਗ੍ਰਾਮ ‘ਤੇ ਸ਼ੇਅਰ ਕੀਤੀ ਅਤੇ ਆਪਣੇ ਦਿਲ ਦੀ ਗੱਲ ਕਹੀ। ਸੋਨੀ ਰਾਜ਼ਦਾਨ ਅਤੇ ਆਲੀਆ ਦੀ ਇਸ ਪੋਸਟ ‘ਤੇ ਸਾਰੇ ਸੈਲੇਬਸ ਲਗਾਤਾਰ ਨਰਿੰਦਰ ਨਾਥ ਰਾਜ਼ਦਾਨ ਦੀ ਮੌਤ ‘ਤੇ ਸੋਗ ਜਤਾਉਂਦੇ ਹੋਏ ਨਮ ਅੱਖਾਂ ਨਾਲ ਸ਼ਰਧਾਂਜਲੀ ਦੇ ਰਹੇ ਹਨ।