ਬਾਲੀਵੁੱਡ ਦੀ ਸਫਲ ਅਭਿਨੇਤਰੀ ਆਲੀਆ ਭੱਟ ਦੀ ਵੱਡੀ ਭੈਣ ਸ਼ਾਹੀਨ ਭੱਟ 28 ਨਵੰਬਰ ਨੂੰ 34 ਸਾਲ ਦੀ ਹੋ ਗਈ ਹੈ। ਆਲੀਆ ਭੱਟ ਨੇ ਇਸ ਖਾਸ ਮੌਕੇ ‘ਤੇ ਆਪਣੀ ਭੈਣ ਨੂੰ ਸ਼ੁਭਕਾਮਨਾਵਾਂ ਦਿੱਤੀਆਂ ਹਨ। ਆਲੀਆ ਨੇ ਇਕ ਇੰਸਟਾਗ੍ਰਾਮ ਪੋਸਟ ਰਾਹੀਂ ਸ਼ਾਹੀਨ ਨੂੰ ਜਨਮਦਿਨ ਦੀ ਵਧਾਈ ਦਿੱਤੀ ਹੈ। ਉਸ ਨੇ ਇੰਸਟਾਗ੍ਰਾਮ ‘ਤੇ ਆਪਣੀ ਭੈਣ ਲਈ ਇਕ ਨੋਟ ਲਿਖਿਆ ਹੈ ਅਤੇ ਉਸ ਨਾਲ ਆਪਣੀ ਦੋ ਤਸਵੀਰਾਂ ਵੀ ਸਾਂਝੀਆ ਕੀਤੀਆ ਹਨ। ਆਲੀਆ ਭੱਟ ਨੇ ਭੈਣ ਸ਼ਾਹੀਨ ਭੱਟ ਨੂੰ ਜਨਮਦਿਨ ‘ਤੇ ਸ਼ੁਭਕਾਮਨਾਵਾਂ ਦਿੰਦੇ ਹੋਏ ਕਿਹਾ- ਮੇਰੀ ਹੁਣ ਤੱਕ ਦੀ ਸਭ ਤੋਂ ਵਧੀਆ ਇਨਸਾਨ ਨੂੰ ਜਨਮਦਿਨ ਦੀ ਮੁਬਾਰਕ,ਮੇਰੀ ਸਵੀਟੀ ਮਈ ਤੁਹਾਨੂੰ ਬਹੁਤ ਪਿਆਰ ਕਰਦੀ ਹਾਂ,ਮੈਂ ਇਸ ਨੂੰ ਸ਼ਬਦਾਂ ‘ਚ ਬਿਆਨ ਨਹੀਂ ਕਰ ਸਕਦੀ,ਔਕੇ ਬਾਏ ਇੱਕ ਘੰਟੇ ਬਾਅਦ ਕਾਲ ਕਾਰੁਗੀ,ਇਸ ਕੈਪਸ਼ਨ ਚ ਆਲੀਆ ਨੇ ਰੋਣ ਵਾਲੇ ਇਮੋਜੀ ਵੀ ਬਣਾਏ ਹਨ। ਗੌਰਤਲਬ ਹੈ ਕਿ ਆਲੀਆ ਭੱਟ ਦੀ ਭੈਣ ਸ਼ਾਹੀਨ ਇੱਕ ਲੇਖਿਕਾ ਹੈ। ਉਸਨੇ ਮਾਨਸਿਕ ਸਿਹਤ ‘ਤੇ ਇੱਕ ਕਿਤਾਬ ਲਿਖੀ ਹੈ।
ਸ਼ਾਹੀਨ ਮਹੇਸ਼ ਭੱਟ ਦੀ ਦੂਜੀ ਪਤਨੀ ਅਤੇ ਅਦਾਕਾਰਾ ਸੋਨੀ ਰਾਜ਼ਦਾਨ ਦੀ ਵੱਡੀ ਬੇਟੀ ਹੈ। ਉਹ ਫਿਲਮਾਂ ਤੋਂ ਦੂਰ ਰਹਿੰਦੀ ਹੈ, ਪਰ ਅਕਸਰ ਆਲੀਆ ਨਾਲ ਪਾਰਟੀਆਂ ਜਾਂ ਛੁੱਟੀਆਂ ‘ਤੇ ਨਜ਼ਰ ਆਉਂਦੀ ਹੈ। ਇਸ ਤੋਂ ਇਲਾਵਾ ਤੁਹਾਨੂੰ ਦੱਸ ਦਈਏ ਕਿ ਆਲੀਆ ਭੱਟ ਅਤੇ ਰਣਬੀਰ ਕਪੂਰ ਦਾ ਵਿਆਹ 14 ਅਪ੍ਰੈਲ 2022 ਨੂੰ ਹੋਇਆ ਸੀ ਅਤੇ ਆਲੀਆ ਨੇ 27 ਜੂਨ 2022 ਨੂੰ ਇੱਕ ਸੋਨੋਗ੍ਰਾਫੀ ਤਸਵੀਰ ਨਾਲ ਆਪਣੀ ਗਰਭਵਤੀ ਹੋਣ ਦਾ ਐਲਾਨ ਕੀਤਾ ਸੀ। ਇਸ ਸਾਲ 6 ਨਵੰਬਰ 2022 ਨੂੰ ਉਨ੍ਹਾਂ ਨੇ ਆਪਣੀ ਬੇਟੀ ਰਾਹਾ ਕਪੂਰ ਦਾ ਸਵਾਗਤ ਕੀਤਾ।
