ਏਸ਼ੀਆ ਦੇ ਸਭ ਤੋਂ ਅਮੀਰ ਕਾਰੋਬਾਰੀ ਮੁਕੇਸ਼ ਅੰਬਾਨੀ ਦੇ ਛੋਟੇ ਬੇਟੇ ਅਨੰਤ ਅੰਬਾਨੀ ਅੱਜ ਰਾਧਿਕਾ ਮਰਚੈਂਟ ਨਾਲ ਵਿਆਹ ਦੇ ਬੰਧਨ ਵਿੱਚ ਬੱਝ ਜਾਣਗੇ। ਵਿਆਹ ਦੀ ਬਰਾਤ ਅੰਬਾਨੀ ਦੀ ਮੁੰਬਈ ਸਥਿਤ ਰਿਹਾਇਸ਼ ਐਂਟੀਲੀਆ ਤੋਂ ਨਿਕਲ ਕੇ ਜੀਓ ਵਰਲਡ ਸੈਂਟਰ ਪਹੁੰਚ ਚੁੱਕੀ ਹੈ।
ਸਭ ਤੋਂ ਪਹਿਲਾਂ ਸਾਫਾ ਬੰਨ੍ਹਣ ਦੀ ਰਸਮ ਅਦਾ ਕੀਤੀ ਜਾਵੇਗੀ। ਇਸ ਤੋਂ ਬਾਅਦ ‘ਮਿਲਣੀ’ ਸਮਾਗਮ ਹੋਵੇਗਾ। ‘ਮਿਲਨੀ’ ਸਮਾਗਮ ਤੋਂ ਬਾਅਦ ਰਾਤ 8 ਵਜੇ ਵਰਮਾਲਾ ਹੋਵੇਗੀ। ਰਾਤ 9.30 ਵਜੇ ਲਗਨ, ਸੱਤ ਫੇਰੇ ਅਤੇ ਸਿੰਦੂਰ ਦਾਨ ਦੀ ਰਸਮ ਸ਼ੁਰੂ ਹੋਵੇਗੀ।
ਇਸ ਵਿਆਹ ਨੂੰ ਹੋਰ ਖਾਸ ਬਣਾਉਣ ਲਈ ਦੇਸ਼-ਵਿਦੇਸ਼ ਤੋਂ ਕਈ ਨਾਮੀ ਲੋਕ ਸ਼ਿਰਕਤ ਕਰਨ ਜਾ ਰਹੇ ਹਨ। ਜਿਸ ਵਿੱਚ ਬਾਲੀਵੁੱਡ, ਹਾਲੀਵੁੱਡ ਸਿਤਾਰੇ, ਕਈ ਰਾਜਨੇਤਾ ਅਤੇ ਮਸ਼ਹੂਰ ਕਾਰੋਬਾਰੀ ਸ਼ਾਮਲ ਹਨ। ਅਨੰਤ ਅੰਬਾਨੀ ਅਤੇ ਰਾਧਿਕਾ ਮਰਚੈਂਟ ਦੇ ਵਿਆਹ ‘ਚ ਸ਼ਾਮਲ ਹੋਣ ਲਈ ਸਿਆਸਤਦਾਨ ਲਾਲੂ ਯਾਦਵ ਆਪਣੇ ਬੇਟੇ ਤੇਜਸਵੀ ਯਾਦਵ ਨਾਲ ਮੁੰਬਈ ਪਹੁੰਚ ਗਏ ਹਨ। ਰੈਸਲਰ ਜਾਨ ਸੀਨਾ ਵੀ ਜੀਓ ਵਰਲਡ ਸੈਂਟਰ ਪਹੁੰਚ ਚੁੱਕੇ ਹਨ। ਇਸ ਦੌਰਾਨ ਖਬਰ ਹੈ ਕਿ ਅਕਸ਼ੈ ਕੁਮਾਰ ਕੋਵਿਡ-19 ਦਾ ਸ਼ਿਕਾਰ ਹੋ ਗਏ ਹਨ। ਇਸ ਕਾਰਨ ਉਹ ਹੁਣ ਵਿਆਹ ਵਿੱਚ ਸ਼ਾਮਲ ਨਹੀਂ ਹੋ ਸਕਣਗੇ। ਉਨ੍ਹਾਂ ਦੀ ਫਿਲਮ ਸਰਫੀਰਾ ਅੱਜ ਰਿਲੀਜ਼ ਹੋ ਗਈ ਹੈ ।
ਵਿਆਹ ਦੀ ਥੀਮ ਬਨਾਰਸ ਦੇ ਯਸ਼ੋਗਾਣ ‘ਤੇ ਰੱਖੀ ਗਈ ਹੈ। ਇਹ ਬਨਾਰਸ ਦੀ ਪਰੰਪਰਾ, ਧਾਰਮਿਕਤਾ, ਸੱਭਿਆਚਾਰ, ਕਲਾਅਤੇ ਪਕਵਾਨਾਂ ਰਾਹੀਂ ਮਨਾਇਆ ਜਾਵੇਗਾ। ਸਟਾਈਲਿੰਗ ਵਿਚ ਭਾਰਤੀਤਾ ਦੀ ਮਹੱਤਤਾ ‘ਤੇ ਧਿਆਨ ਦਿੱਤਾ ਜਾਵੇਗਾ। ਤਿੰਨ ਦਿਨਾਂ ਤੱਕ ਚੱਲਣ ਵਾਲੇ ਵਿਆਹ ਦੇ ਸਾਰੇ ਫੰਕਸ਼ਨ ਮੁੰਬਈ ਦੇ ਜੀਓ ਵਰਲਡ ਸੈਂਟਰ ਵਿੱਚ ਹੋਣਗੇ। ਭਾਰਤ ਅਤੇ ਵਿਦੇਸ਼ਾਂ ਤੋਂ ਕਈ ਵੀਵੀਆਈਪੀ ਮਹਿਮਾਨ ਵਿਆਹ ਵਿੱਚ ਸ਼ਾਮਲ ਹੋਣਗੇ।
