ਬਾਲੀਵੁਡ ‘ਚ ਬਾਇਓਪਿਕ ਫਿਲਮਾਂ ਦਾ ਰੁਝਾਨ ਵੱਧ ਗਿਆ ਹੈ। ਮਸ਼ਹੂਰ ਹਸਤੀਆਂ ‘ਤੇ ਆਧਾਰਿਤ ਬਾਇਓਪਿਕ ਫਿਲਮਾਂ ਵੀ ਬਾਕਸ ਆਫਿਸ ‘ਤੇ ਚੰਗਾ ਕਾਰੋਬਾਰ ਕਰਦੀਆਂ ਹਨ। ਅਜਿਹੇ ‘ਚ ਹੁਣ ਬਾਲੀਵੁੱਡ ਅਭਿਨੇਤਰੀ ਅਨੁਸ਼ਕਾ ਸ਼ਰਮਾ ਸਟਾਰਰ ਫਿਲਮ ‘ਚੱਕਦਾ ਐਕਸਪ੍ਰੈੱਸ’ ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਦੀ ਸਾਬਕਾ ਕਪਤਾਨ ਝੂਲਨ ਗੋਸਵਾਮੀ ਦੇ ਜੀਵਨ ਅਤੇ ਕ੍ਰਿਕਟ ਸਫਰ ਤੋਂ ਪ੍ਰੇਰਿਤ ਹੈ। ਅਨੁਸ਼ਕਾ ਸ਼ਰਮਾ, ਜੋ ਫ਼ਿਲਮ ‘ਚੱਕਦਾ ਐਕਸਪ੍ਰੈੱਸ’ ਨਾਲ ਦੁਨੀਆ ਦੇ ਚੋਟੀ ਦੇ 4 ਕ੍ਰਿਕਟ ਸਟੇਡੀਅਮਾਂ ’ਚ ਸ਼ੂਟਿੰਗ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਸੂਤਰਾਂ ਦਾ ਕਹਿਣਾ ਹੈ ਕਿ ਅਨੁਸ਼ਕਾ ਲਾਰਡਸ ਸਟੇਡੀਅਮ ’ਚ ਜਾਵੇਗੀ। ਇਸ ਤੋਂ ਬਾਅਦ ਹੈਡਿੰਗਲੇ ਸਟੇਡੀਅਮ ’ਚ ਸ਼ੂਟਿੰਗ ਵੀ ਕਰ ਸਕਦੀ ਹੈ। ਅਨੁਸ਼ਕਾ ਭਾਰਤ ਦੇ ਇਕ ਚੋਟੀ ਦੇ ਸਟੇਡੀਅਮ ’ਚ ਸ਼ੂਟਿੰਗ ਕਰਨ ਦੀ ਵੀ ਯੋਜਨਾ ਬਣਾ ਰਹੀ ਹੈ।
ਚੋਟੀ ਦੇ ਉਦਯੋਗ ਦੇ ਸੂਤਰਾਂ ਦਾ ਕਹਿਣਾ ਹੈ ਕਿ ਯੌਰਕਸ਼ਾਇਰ ਕਾਊਂਟੀ ਕ੍ਰਿਕਟ ਕਲੱਬ ਨੇ ਕਰਨੇਸ਼ ਸ਼ਰਮਾ ਦੀ ਕਲੀਨ ਸਲੇਟ ਫ਼ਿਲਮਜ਼ ਨਾਲ ਇਕ ਨਵੇਂ ਸਪਾਂਸਰਸ਼ਿਪ ਸੌਦੇ ਦਾ ਐਲਾਨ ਕੀਤਾ ਹੈ, ਜੋ ਹੈਡਿੰਗਲੇ ’ਚ 2022 ਸੀਜ਼ਨ ਲਈ ਮੁੱਖ ਸਪਾਂਸਰ ਵਜੋਂ ਕੰਮ ਕਰੇਗਾ। ਇਸ ਤਰ੍ਹਾਂ ਇਹ ਤੈਅ ਹੈ ਕਿ ਅਨੁਸ਼ਕਾ ਇਸ ਆਈਕੋਨਿਕ ਸਟੇਡੀਅਮ ’ਚ ਸ਼ੂਟਿੰਗ ਕਰੇਗੀ। ‘ਚੱਕਦਾ ਐਕਸਪ੍ਰੈੱਸ’ ਝੂਲਨ ਗੋਸਵਾਮੀ ਦੀ ਪ੍ਰੇਰਨਾਦਾਇਕ ਯਾਤਰਾ ਨੂੰ ਦਰਸਾਉਂਦੀ ਹੈ, ਜਿਸ ਨੇ ਕ੍ਰਿਕਟ ਖੇਡਣ ਦੇ ਆਪਣੇ ਸੁਪਨੇ ਨੂੰ ਪੂਰਾ ਕਰਨ ਲਈ ਨਾਰੀ ਵਿਰੋਧੀ ਰਾਜਨੀਤੀ ਤੋਂ ਪੈਦਾ ਹੋਣ ਵਾਲੀਆਂ ਅਣਗਿਣਤ ਮੁਸ਼ਕਿਲਾਂ ਨੂੰ ਪਾਰ ਕੀਤਾ। ਤੁਹਾਨੂੰ ਦੱਸ ਦੇਈਏ ਕਿ ‘ਚੱਕਦਾ ਐਕਸਪ੍ਰੈਸ’ ਅਨੁਸ਼ਕਾ ਸ਼ਰਮਾ ਅਤੇ ਉਸ ਦੇ ਭਰਾ ਕਰਨੇਸ਼ ਸ਼ਰਮਾ ਦੀ ਕਲੀਨ ਸਲੇਟ ਫਿਲਮਜ਼ ਦੁਆਰਾ ਨਿਰਮਿਤ ਪ੍ਰੋਸਿਤ ਰਾਏ ਦੁਆਰਾ ਨਿਰਦੇਸ਼ਤ ਹੈ। ਫਿਲਹਾਲ ਇਸ ਫਿਲਮ ਦੀ ਰਿਲੀਜ਼ ਡੇਟ ਦਾ ਖੁਲਾਸਾ ਨਹੀਂ ਕੀਤਾ ਗਿਆ ਹੈ। ਇਹ ਫਿਲਮ ਨੈੱਟਫਲਿਕਸ ‘ਤੇ ਰਿਲੀਜ਼ ਹੋਣ ਜਾ ਰਹੀ ਹੈ, ਜਿਸ ਦੀ ਪਹਿਲੀ ਝਲਕ ਅਨੁਸ਼ਕਾ ਸ਼ਰਮਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਸ਼ੇਅਰ ਕੀਤੀ ਸੀ ।
