ਆਯੁਸ਼ਮਾਨ ਖੁਰਾਨਾ ਨੇ ਥੋੜ੍ਹੇ ਹੀ ਸਮੇਂ ‘ਚ ਬਾਲੀਵੁੱਡ ‘ਚ ਆਪਣੀ ਵੱਖਰੀ ਪਛਾਣ ਬਣਾ ਲਈ ਹੈ ਅਤੇ ਇਸ ਦਾ ਕਾਰਨ ਫਿਲਮਾਂ ‘ਚ ਉਨ੍ਹਾਂ ਦੀ ਪਸੰਦ ਅਤੇ ਪ੍ਰਦਰਸ਼ਨ ਹੈ। ਜਿੱਥੇ ਪ੍ਰੋਫੈਸ਼ਨਲ ਤੌਰ ‘ਤੇ ਆਯੁਸ਼ਮਾਨ ਲਗਾਤਾਰ ਖੁਦ ਨੂੰ ਬਿਹਤਰ ਸਾਬਤ ਕਰ ਰਹੇ ਹਨ, ਉੱਥੇ ਹੀ ਉਨ੍ਹਾਂ ਦੀ ਨਿੱਜੀ ਜ਼ਿੰਦਗੀ ‘ਚ ਇਕ ਵੱਡੀ ਖਬਰ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਆਯੁਸ਼ਮਾਨ ਖੁਰਾਨਾ ਨੇ ਸੁਪਨਿਆਂ ਦੇ ਸ਼ਹਿਰ ਮੁੰਬਈ ‘ਚ ਆਪਣਾ ਘਰ ਖਰੀਦਿਆ ਹੈ।
ਰਿਪੋਰਟ ਮੁਤਾਬਕ ਸਾਲ ਦੇ ਸ਼ੁਰੂਆਤੀ ਮਹੀਨੇ ‘ਚ ਅਦਾਕਾਰ ਨੇ ਮੁੰਬਈ ‘ਚ ਨਵਾਂ ਘਰ ਖਰੀਦਿਆ ਹੈ। ਉਸ ਨੇ ਆਪਣੇ ਛੋਟੇ ਭਰਾ ਅਭਿਨੇਤਾ ਅਪਾਰਸ਼ਕਤੀ ਖੁਰਾਣਾ ਦੇ ਨਾਲ ਹਾਊਸਿੰਗ ਕੰਪਲੈਕਸ ਮੁੰਬਈ ਦੀ ਇੱਕੋ ਇਮਾਰਤ ਵਿੱਚ ਦੋ ਅਪਾਰਟਮੈਂਟ ਲਏ ਹਨ ਜਿਨ੍ਹਾਂ ਦੀ ਕੀਮਤ 19.30 ਕਰੋੜ ਰੁਪਏ ਹੈ। ਧਿਆਨ ਯੋਗ ਹੈ ਕਿ ਇਸ ਤੋਂ ਪਹਿਲਾਂ ਆਯੁਸ਼ਮਾਨ ਅਤੇ ਅਪਾਰਸ਼ਕਤੀ ਚੰਡੀਗੜ੍ਹ ਦੇ ਪੰਚਕੂਲਾ ਜ਼ਿਲੇ ‘ਚ ਬੰਗਲਾ ਖਰੀਦਣ ਨੂੰ ਲੈ ਕੇ ਸੁਰਖੀਆਂ ‘ਚ ਬਣੇ ਸਨ। ਇਹ ਦੂਜੀ ਵਾਰ ਹੈ ਜਦੋਂ ਅਦਾਕਾਰ ਨੇ ਆਪਣੇ ਭਰਾ ਨਾਲ ਨਵਾਂ ਘਰ ਲਿਆ ਹੈ। ਮਨੀ ਕੰਟਰੋਲ ਦੀ ਰਿਪੋਰਟ ਦੇ ਅਨੁਸਾਰ, ਆਯੁਸ਼ਮਾਨ-ਅਪਾਰਸ਼ਕਤੀ ਨੇ ਲੋਖੰਡਵਾਲਾ ਕੰਪਲੈਕਸ, ਅੰਧੇਰੀ ਵੈਸਟ, ਮੁੰਬਈ ਵਿੱਚ ਹਾਊਸਿੰਗ ਕੰਪਲੈਕਸ ‘ਵਿੰਡੋ ਗ੍ਰੈਂਡ ਰੈਜ਼ੀਡੈਂਸਜ਼’ ਬਿਲਡਿੰਗ ਵਿੱਚ ਦੋ ਅਪਾਰਟਮੈਂਟ ਲਏ ਹਨ, ਜੋ ਕਿ 20ਵੀਂ ਮੰਜ਼ਿਲ ‘ਤੇ ਸਥਿਤ ਹੈ।
