ਬਾਦਸ਼ਾਹ ਬਾਲੀਵੁੱਡ ਅਤੇ ਪਾਲੀਵੁੱਡ ਫਿਲਮ ਇੰਡਸਟਰੀ ਦੇ ਮਸ਼ਹੂਰ ਗਾਇਕ ਅਤੇ ਰੈਪਰ ਹਨ। ਬਾਦਸ਼ਾਹ ਨੇ ਕਈ ਹਿੰਦੀ ਫਿਲਮਾਂ ‘ਚ ਆਪਣੇ ਰੈਪ ਦਾ ਜਾਦੂ ਬਿਖੇਰਿਆ ਹੈ। ਉਨ੍ਹਾਂ ਦਾ ਨਾਮ ਦੇਸ਼ ਦੇ ਨਾਲ-ਨਾਲ ਵਿਦੇਸ਼ ਵਿੱਚ ਵੀ ਧੂਮ ਮਚਾ ਰਿਹਾ ਹੈ। ਦੱਸ ਦੇਈਏ ਕਿ ਗਾਇਕ ਇੱਕ ਵਾਰ ਫਿਰ ਤੋਂ ਦਰਸ਼ਕਾਂ ਲਈ ਆਪਣਾ ਨਵਾਂ ਗੀਤ “TAUBA” ਲੈ ਕੇ ਹਾਜ਼ਿਰ ਹੋਏ ਹਨ। ਇਸ ਗੀਤ ਨੂੰ ਗਾਇਕਾ ਪਾਇਲ ਦੇਵ ਨੇ ਵੀ ਆਪਣੀ ਆਵਾਜ਼ ਦਿੱਤੀ ਹੈ। ਕਲਾਕਾਰ ਨੇ ਆਪਣੇ ਸ਼ੋਸ਼ਲ ਮੀਡੀਆ ਅਕਾਊਂਟ ਤੇ ਗੀਤ ਦੇ ਰਿਲੀਜ਼ ਹੋਣ ਦੀ ਜਾਣਕਾਰੀ ਦਿੱਤੀ ਹੈ। ਤੋਬਾ ਗੀਤ (TAUBA) ਦਾ ਵੀਡੀਓ ਕਲਿੱਪ ਸ਼ੇਅਰ ਕਰਦੇ ਹੋਏ ਬਾਦਸ਼ਾਹ ਨੇ ਲਿਖਿਆ- ਤੋਬਾ ਆਊਟ ਹੁਣ ਹਰ ਜਗ੍ਹਾ।
ਇਸ ਗੀਤ ਵਿੱਚ ਬਾਦਸ਼ਾਹ ਨਾਲ ਪਾਇਲ ਦੇ ਅੰਦਾਜ਼ ਨੂੰ ਪ੍ਰਸ਼ੰਸ਼ਕਾਂ ਦੁਆਰਾ ਬੇਹੱਦ ਪਸੰਦ ਕੀਤਾ ਜਾ ਰਿਹਾ ਹੈ। ਫੈਨਜ਼ ਗੀਤ ਲਈ ਵਧੀਆ ਕਮੈਂਟ ਕਰ ਰਹੇ ਹਨ। ਇਸ ਗੱਲ ਤੋਂ ਹਰ ਕੋਈ ਜਾਣੂ ਹੈ ਕਿ ਬਾਦਸ਼ਾਹ ਭਾਰਤ ਦੇ ਸਭ ਤੋਂ ਪ੍ਰਸਿੱਧ ਰੈਪਰਾਂ ਵਿੱਚੋਂ ਇੱਕ ਹੈ। ਬਾਦਸ਼ਾਹ ਦਾ ਸਿੰਗਲ ਟਰੈਕ ‘ਡੀਜੇ ਵਾਲੇ ਬਾਬੂ’, ਜਿਸ ਵਿੱਚ ਹਾਰਦਿਕ ਪੰਡਯਾ ਦੀ ਪਤਨੀ ਨਤਾਸਾ ਸਟੈਨਕੋਵਿਚ ਸੀ, ਇੱਕ ਸ਼ਾਨਦਾਰ ਹਿੱਟ ਸੀ। ਇਸ ਗੀਤ ਨੂੰ ਪ੍ਰਸ਼ੰਸ਼ਕਾਂ ਦਾ ਭਰਪੂਰ ਪਿਆਰ ਮਿਲਿਆ ਸੀ। ਬਾਦਸ਼ਾਹ ਦਾ ਦਾਅਵਾ ਹੈ ਕਿ ਉਸ ਦਾ ਗੈਰ-ਫ਼ਿਲਮੀ ਸੰਗੀਤ ਹਮੇਸ਼ਾ ਉਸ ਦੇ ਫ਼ਿਲਮੀ ਸੰਗੀਤ ਨਾਲੋਂ ਉੱਚਾ ਬੋਲਦਾ ਰਿਹਾ ਹੈ। ਉਹ ਦੇਸੀ ਹਿਪ ਹੌਪ, ਬਾਲੀਵੁੱਡ ਅਤੇ ਪੌਪ ਸਮੇਤ ਵੱਖ-ਵੱਖ ਗੀਤਾਂ ਵਿੱਚ ਵਧੀਆ ਪ੍ਰਦਰਸ਼ਨ ਕਰਦਾ ਹੈ। ਉਸ ਦੇ ਖਾਤੇ ‘ਤੇ ਲਗਭਗ 35 ਸੋਲੋ ਸੰਗੀਤ ਵੀਡੀਓਜ਼ ਹਨ।
