ਅਜੇ ਦੇਵਗਨ ਦੀ ਪਿਛਲੀ ਰਿਲੀਜ਼ ਫਿਲਮ ‘ਦ੍ਰਿਸ਼ਮ 2’ ਨੇ ਬਾਕਸ ਆਫਿਸ ‘ਤੇ ਰਿਕਾਰਡ ਤੋੜ ਦਿੱਤੇ ਸਨ। ਉਹੀ ਅਜੇ ਇਕ ਵਾਰ ਫਿਰ ਐਕਸ਼ਨ-ਥ੍ਰਿਲਰ ਫਿਲਮ ‘ਭੋਲਾ’ ਨਾਲ ਰਾਮ ਨੌਮੀ ਦੇ ਮੌਕੇ ‘ਤੇ ਸਿਨੇਮਾਘਰਾਂ ‘ਚ ਪਹੁੰਚੇ ਸਨ। ‘ਭੋਲਾ’ ਬਣੇ ਅਜੇ ਦੇਵਗਨ ਦੀ ਅਦਾਕਾਰੀ ਤੋਂ ਲੈ ਕੇ ਨਿਰਦੇਸ਼ਨ ਤੱਕ ਉਸ ਦੀ ਕਾਫੀ ਤਾਰੀਫ ਹੋ ਰਹੀ ਹੈ। ਇਸ ਦੌਰਾਨ ਫਿਲਮ ਦੀ ਪਹਿਲੇ ਦਿਨ ਦੀ ਕਮਾਈ ਦੇ ਸ਼ੁਰੂਆਤੀ ਅੰਕੜੇ ਵੀ ਆ ਗਏ ਹਨ। ਆਓ ਜਾਣਦੇ ਹਾਂ ਅਜੇ ਦੇਵਗਨ ਸਟਾਰਰ ਫਿਲਮ ‘ਭੋਲਾ’ ਨੇ ਪਹਿਲੇ ਦਿਨ ਟਿਕਟ ਖਿੜਕੀ ‘ਤੇ ਕਿੰਨੇ ਕਰੋੜ ਦੀ ਕਮਾਈ ਕੀਤੀ ਹੈ ? ਕਮਾਈ ਦੀ ਗੱਲ ਕਰੀਏ ਤਾਂ ਸੈਕਲਿਨ ਦੀ ਰਿਪੋਰਟ ਮੁਤਾਬਕ ‘ਭੋਲਾ’ ਨੇ ਰਿਲੀਜ਼ ਦੇ ਪਹਿਲੇ ਦਿਨ 11.50 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ।
ਹਾਲਾਂਕਿ ਇਹ ਅਜੇ ਦੀ ਪਿਛਲੀ ਰਿਲੀਜ਼ ‘ਦ੍ਰਿਸ਼ਯਮ 2’ ਦੇ ਓਪਨਿੰਗ ਕਲੈਕਸ਼ਨ ਤੋਂ ਘੱਟ ਹੈ। ਦਰਅਸਲ ‘ਦ੍ਰਿਸ਼ਯਮ 2’ ਨੇ ਰਿਲੀਜ਼ ਦੇ ਪਹਿਲੇ ਦਿਨ 15.38 ਕਰੋੜ ਰੁਪਏ ਦਾ ਕਲੈਕਸ਼ਨ ਕੀਤਾ ਸੀ। ਮੇਕਰਸ ਨੂੰ ਉਮੀਦ ਹੈ ਕਿ ਵੀਕੈਂਡ ‘ਚ ਫਿਲਮ ਦੇ ਕਲੈਕਸ਼ਨ ‘ਚ ਹੋਰ ਵਾਧਾ ਹੋਵੇਗਾ। ਭੋਲਾ ‘ਚ ਅਜੇ ਦੇਵਗਨ ਅਤੇ ਤੱਬੂ ਤੋਂ ਇਲਾਵਾ ਦੀਪਕ ਡੋਬਰਿਆਲ, ਸੰਜੇ ਮਿਸ਼ਰਾ, ਅਮਲਾ ਪਾਲ ਅਤੇ ਗਜਰਾਜ ਰਾਓ ਸਮੇਤ ਕਈ ਕਲਾਕਾਰਾਂ ਨੇ ਸ਼ਾਨਦਾਰ ਐਕਟਿੰਗ ਕੀਤੀ ਹੈ। ਇਹ ਫਿਲਮ 2019 ਵਿੱਚ ਰਿਲੀਜ਼ ਹੋਈ ਤਾਮਿਲ ਫਿਲਮ ‘ਕੈਥੀ’ ਦਾ ਅਧਿਕਾਰਤ ਹਿੰਦੀ ਰੀਮੇਕ ਹੈ।
