ਸਲਮਾਨ ਖਾਨ ਦੇ ਵਿਵਾਦਿਤ ਰਿਐਲਿਟੀ ਸ਼ੋਅ ਬਿੱਗ ਬੌਸ ਦਾ 16ਵਾਂ ਸੀਜ਼ਨ ਅੱਜ ਤੋਂ ਸ਼ੁਰੂ ਹੋ ਰਿਹਾ ਹੈ। ਅੱਜ ਤੋਂ ਤੁਸੀਂ ਹਰ ਰਾਤ ਹਾਈ ਪੈਕਡ ਐਕਸ਼ਨ ਡਰਾਮਾ ਦੇਖਣ ਜਾ ਰਹੇ ਹੋ। ਬਿੱਗ ਬੌਸ ਦੇ ਨਿਰਮਾਤਾਵਾਂ ਨੇ ਪ੍ਰੋਮੋ ਦੇ ਨਾਲ-ਨਾਲ ਕੁਝ ਪ੍ਰਤੀਯੋਗੀਆਂ ਦੇ ਨਾਂ ਵੀ ਸਾਂਝੇ ਕੀਤੇ ਹਨ, ਜਿਸ ਨਾਲ ਪ੍ਰਸ਼ੰਸਕਾਂ ਦਾ ਉਤਸ਼ਾਹ ਵਧ ਗਿਆ ਹੈ। ਸ਼ੋਅ ਸ਼ੁਰੂ ਹੋਣ ‘ਚ ਕੁਝ ਹੀ ਘੰਟੇ ਬਾਕੀ ਹਨ। ਅਜਿਹੇ ‘ਚ ਅਸੀਂ ਤੁਹਾਨੂੰ ਦੱਸਦੇ ਹਾਂ ਕਿ ਤੁਸੀਂ ਬਿੱਗ ਬੌਸ 16 ਕਦੋਂ, ਕਿੱਥੇ ਅਤੇ ਕਿਵੇਂ ਦੇਖ ਸਕਦੇ ਹੋ। ‘ਬਿੱਗ ਬੌਸ 16’ ਦਾ ਗ੍ਰੈਂਡ ਪ੍ਰੀਮੀਅਰ ਸ਼ਨੀਵਾਰ 1 ਅਕਤੂਬਰ ਅਤੇ ਐਤਵਾਰ 2 ਅਕਤੂਬਰ ਨੂੰ ਰਾਤ 9:30 ਵਜੇ ਕਲਰਸ ਚੈਨਲ ‘ਤੇ ਪ੍ਰਸਾਰਿਤ ਕੀਤਾ ਜਾਵੇਗਾ। ਇਸ ਤੋਂ ਇਲਾਵਾ ਸ਼ੋਅ ਦਾ ਟੈਲੀਕਾਸਟ ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 10 ਵਜੇ ਕੀਤਾ ਜਾਵੇਗਾ। ਦੂਜੇ ਪਾਸੇ, ਵੀਕੈਂਡ ਦੀ ਵਾਰ ਇਸ ਵਾਰ ਰਾਤ 9.30 ਵਜੇ ਤੋਂ ਪ੍ਰਸਾਰਿਤ ਕੀਤਾ ਜਾਵੇਗਾ ।
ਜੇਕਰ ਤੁਸੀਂ ਟੀਵੀ ‘ਤੇ ਇਸਦਾ ਪ੍ਰੀਮੀਅਰ ਨਹੀਂ ਦੇਖ ਸਕਦੇ, ਤਾਂ ਚਿੰਤਾ ਨਾ ਕਰੋ, ਸਾਡੇ ਕੋਲ ਤੁਹਾਡੇ ਲਈ ਵੀ ਚੰਗੀ ਖ਼ਬਰ ਹੈ। ਤੁਸੀਂ ਆਪਣੇ ਮੋਬਾਈਲ ‘ਤੇ ਬਿੱਗ ਬੌਸ 16 ਵੀ ਦੇਖ ਸਕਦੇ ਹੋ। ‘ਬਿੱਗ ਬੌਸ 16’ ਦੀ ਸਟ੍ਰੀਮਿੰਗ ਵੂਟ ਅਤੇ ਐਮਐਕਸ ਪਲੇਅਰ ਐਪ ‘ਤੇ ਵੀ ਹੋਵੇਗੀ। ਜੀਓ ਦੇ ਗਾਹਕ ਸ਼ੋਅ ਦੇ ਗ੍ਰੈਂਡ ਫਿਨਾਲੇ ਨੂੰ ਜੀਓ ਟੀਵੀ ‘ਤੇ ਲਾਈਵ ਦੇਖ ਸਕਦੇ ਹਨ ਜਦਕਿ ਏਅਰਟੈੱਲ ਦੇ ਗਾਹਕ ਇਸ ਨੂੰ ਏਅਰਟੈੱਲ ਐਕਸਸਟ੍ਰੀਮ ‘ਤੇ ਲਾਈਵ ਦੇਖ ਸਕਣਗੇ। ਬਿੱਗ ਬੌਸ 16 ‘ਚ ਕਈ ਬਦਲਾਅ ਕੀਤੇ ਗਏ ਹਨ। ਸਭ ਤੋਂ ਵੱਡਾ ਬਦਲਾਅ ਵੀਕੈਂਡ ਦੀ ਵਾਰ ਹੈ, ਇਹ ਹੁਣ ਸ਼ਨੀਵਾਰ, ਐਤਵਾਰ ਦੀ ਬਜਾਏ ਸ਼ੁੱਕਰਵਾਰ ਅਤੇ ਸ਼ਨੀਵਾਰ ਨੂੰ ਦਿਖਾਈ ਜਾਵੇਗੀ। ਮਤਲਬ ਹੁਣ ਸਲਮਾਨ ਖਾਨ ਵੀ ਸ਼ੁੱਕਰਵਾਰ ਨੂੰ ਮੁਕਾਬਲੇਬਾਜ਼ਾਂ ਦੀ ਕਲਾਸ ਲੈਂਦੇ ਹੋਏ ਨਜ਼ਰ ਆਉਣਗੇ। ਜਿੱਥੋਂ ਤੱਕ ਸ਼ੋਅ ਦੀ ਥੀਮ ਦਾ ਸਬੰਧ ਹੈ, ਇਸ ਬਾਰੇ ਅਜੇ ਪਤਾ ਨਹੀਂ ਲੱਗ ਸਕਿਆ ਹੈ। ਪ੍ਰੋਮੋ ‘ਚ ਸਲਮਾਨ ਇਹ ਕਹਿੰਦੇ ਹੋਏ ਨਜ਼ਰ ਆ ਰਹੇ ਸਨ ਕਿ ਇਸ ਵਾਰ ਬਿੱਗ ਬੌਸ ਆਪਣੀ ਖੇਡ ਖੇਡੇਗਾ।
