ਬਿੱਗ ਬੌਸ 17 ਫੇਮ ਮਨਾਰਾ ਚੋਪੜਾ ਨੇ ਬੀਤੀ ਰਾਤ ਆਪਣਾ 33ਵਾਂ ਜਨਮਦਿਨ ਮਨਾਇਆ। ਮਨਾਰਾ ਦੇ ਜਨਮਦਿਨ ‘ਤੇ ਸਿਰਫ ਪਰਿਵਾਰਕ ਮੈਂਬਰ ਅਤੇ ਕਰੀਬੀ ਦੋਸਤ ਹੀ ਨਜ਼ਰ ਆਏ।
ਦੱਸ ਦਈਏ ਕਿ ਪ੍ਰਿਅੰਕਾ ਚੋਪੜਾ ਇਨ੍ਹੀਂ ਦਿਨੀਂ ਆਪਣੇ ਪਰਿਵਾਰ ਨਾਲ ਭਾਰਤ ਆਈ ਹੋਈ ਹੈ। ਅਜਿਹੇ ‘ਚ ਭੈਣ ਮਨਾਰਾ ਦੇ ਜਨਮਦਿਨ ਦੇ ਮੌਕੇ ‘ਤੇ ਪ੍ਰਿਯੰਕਾ ਚੋਪੜਾ ਆਪਣੀ ਮਾਂ ਅਤੇ ਪਤੀ ਨਿਕ ਜੋਨਸ ਨਾਲ ਮਨਾਰਾ ਦਾ ਜਨਮਦਿਨ ਸੈਲੀਬ੍ਰੇਟ ਕਰਨ ਪਹੁੰਚੀ।
ਇਸ ਮੌਕੇ ਪ੍ਰਿਯੰਕਾ ਚੋਪੜਾ ਨੇ ਸਫੈਦ ਰੰਗ ਦਾ ਕੋਆਰਡ ਸੈੱਟ ਪਾਇਆ ਹੋਇਆ ਸੀ, ਜਿਸ ‘ਚ ਉਹ ਬੇਹੱਦ ਗਲੈਮਰਸ ਲੱਗ ਰਹੀ ਸੀ ਅਤੇ ਮੁਨਾਰਾ ਨੇ ਬੇਹੱਦ ਖੂਬਸੂਰਤ ਲਾਲ ਰੰਗ ਦੀ ਡਰੈੱਸ ਪੈ ਹੋਈ ਸੀ। ਪ੍ਰਿਅੰਕਾ ਚੋਪੜਾ ਨੇ ਮੰਨਾਰਾ ਨੂੰ ਜਨਮਦਿਨ ਦਾ ਕੇਕ ਖੁਆਇਆ। ਜਸ਼ਨ ਦੇ ਇਸ ਮਾਹੌਲ ‘ਚ ਪੂਰਾ ਪਰਿਵਾਰ ਖੁਸ਼ ਨਜ਼ਰ ਆ ਰਿਹਾ ਸੀ। ਇਹ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ।
