ਗਾਇਕ-ਕੰਪੋਜ਼ਰ ਬੱਪੀ ਲਹਿਰੀ ਇਸ ਦੁਨੀਆ ‘ਚ ਨਹੀਂ ਰਹੇ। ਉਹਨਾਂ ਦੀ ਮੌਤ ਤੋਂ ਬਾਅਦ ਪਰਿਵਾਰ ਵੱਲੋਂ ਬਿਆਨ ਜਾਰੀ ਕੀਤਾ ਗਿਆ ਹੈ ਕਿ ਅੰਤਿਮ ਸੰਸਕਾਰ 17 ਫਰਵਰੀ ਨੂੰ ਹੋਵੇਗਾ। ਉਨ੍ਹਾਂ ਦਾ ਬੇਟਾ ਬੱਪਾ ਲਾਸ ਏਂਜਲਸ ਵਿੱਚ ਹੈ। ਉਹ ਕੱਲ੍ਹ ਸਵੇਰੇ ਪਹੁੰਚਣਗੇ, ਉਸ ਤੋਂ ਬਾਅਦ ਹੀ ਬੱਪੀ ਲਹਿਰੀ ਨੂੰ ਅੰਤਿਮ ਵਿਦਾਈ ਦਿੱਤੀ ਜਾਵੇਗੀ। ਬੱਪੀ ਲਹਿਰੀ ਨੂੰ ਕਈ ਸਿਹਤ ਸਮੱਸਿਆਵਾਂ ਸਨ। ਉਸ ਨੂੰ ਪਿਛਲੇ ਸਾਲ ਵੀ ਕੋਰੋਨਾ ਹੋਇਆ ਸੀ।
ਮੰਗਲਵਾਰ ਨੂੰ ਉਸ ਦੀ ਹਾਲਤ ਵਿਗੜ ਗਈ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ। ਡਾਕਟਰ ਦੀਪਕ ਨਾਮਜੋਸ਼ੀ ਨੇ ਦੱਸਿਆ ਕਿ ਉਸ ਦੀ ਮੌਤ (Obstructive Sleep Apnea) (ਓ.ਐੱਸ.ਏ.) ਨਾਂ ਦੀ ਬੀਮਾਰੀ ਕਾਰਨ ਹੋਈ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ, ਸਚਿਨ ਤੇਂਦੁਲਕਰ, ਅਜੇ ਦੇਵਗਨ, ਅਕਸ਼ੈ ਕੁਮਾਰ, ਅਨੁਪਮ ਖੇਰ ਸਮੇਤ ਕਈ ਵੱਡੀਆਂ ਹਸਤੀਆਂ ਨੇ ਬੱਪੀ ਲਹਿਰੀ ਦੇ ਦੇਹਾਂਤ ‘ਤੇ ਸੋਗ ਜਤਾਇਆ ਹੈ। ਕਾਜੋਲ, ਤਨੁਜਾ, ਅਲਕਾ ਯਾਗਨਿਕ, ਸ਼ਰਬਾਨੀ ਮੁਖਰਜੀ ਸਮੇਤ ਇੰਡਸਟਰੀ ਦੇ ਕਈ ਲੋਕ ਉਨ੍ਹਾਂ ਨੂੰ ਅੰਤਿਮ ਸ਼ਰਧਾਂਜਲੀ ਦੇਣ ਲਈ ਬੱਪੀ ਦਾ ਦੇ ਘਰ ਪਹੁੰਚੇ।
