‘ਤਾਰਕ ਮਹਿਤਾ ਕਾ ਉਲਟ ਚਸ਼ਮਾ’ ‘ਚ ਦਯਾਬੇਨ ਦਾ ਕਿਰਦਾਰ ਨਿਭਾਉਣ ਵਾਲੀ ਅਦਾਕਾਰਾ ਦਿਸ਼ਾ ਵਕਾਨੀ ਦੂਜੀ ਵਾਰ ਮਾਂ ਬਣ ਗਈ ਹੈ। ਦਿਸ਼ਾ ਨੇ ਕੁਝ ਦਿਨ ਪਹਿਲਾਂ ਬੇਟੇ ਨੂੰ ਜਨਮ ਦਿੱਤਾ। ਇਸ ਖਬਰ ਦੀ ਪੁਸ਼ਟੀ ਉਨ੍ਹਾਂ ਦੇ ਪਤੀ ਅਤੇ ਕਾਰੋਬਾਰੀ ਮਯੂਰ ਪਾਡੀਆ ਅਤੇ ਉਨ੍ਹਾਂ ਦੇ ਭਰਾ ਅਭਿਨੇਤਾ ਮਯੂਰ ਵਕਾਨੀ ਨੇ ਵੀ ਕੀਤੀ ਹੈ। ਦੂਜੇ ਪਾਸੇ ਦਿਸ਼ਾ ਦੇ ਪ੍ਰਸ਼ੰਸਕ ਇਸ ਖੁਸ਼ਖਬਰੀ ਤੋਂ ਕਾਫੀ ਖੁਸ਼ ਹਨ ਅਤੇ ਉਨ੍ਹਾਂ ਨੂੰ ਬਹੁਤ-ਬਹੁਤ ਵਧਾਈ ਦੇ ਰਹੇ ਹਨ।
ਦੱਸ ਦਈਏ ਕਿ ਦਿਸ਼ਾ 2008 ਤੋਂ ‘ਤਾਰਕ ਮਹਿਤਾ ਕਾ ਉਲਟ ਚਸ਼ਮਾ’ ‘ਚ ਕੰਮ ਕਰ ਰਹੀ ਸੀ। ਉਸਨੇ ਸਤੰਬਰ 2017 ਵਿੱਚ ਜਣੇਪਾ ਲਈ ਛੁੱਟੀ ਲਈ ਸੀ ਅਤੇ ਫਿਰ ਕਿਹਾ ਜਾ ਰਿਹਾ ਸੀ ਕਿ ਉਹ 5 ਮਹੀਨਿਆਂ ਬਾਅਦ ਸ਼ੋਅ ਵਿੱਚ ਵਾਪਸ ਆਵੇਗੀ। ਫਿਰ ਨਵੰਬਰ 2017 ‘ਚ ਦਿਸ਼ਾ ਨੇ ਬੇਟੀ ਨੂੰ ਜਨਮ ਦਿੱਤਾ ਪਰ ਉਸ ਨੂੰ ਸ਼ੋਅ ਤੋਂ ਛੁੱਟੀ ਲਏ 5 ਸਾਲ ਹੋ ਗਏ ਹਨ।
ਹਾਲ ਹੀ ਵਿੱਚ, ਸ਼ੋਅ ਦੇ ਨਿਰਮਾਤਾ ਅਸਿਤ ਮੋਦੀ ਨੇ ਪੁਸ਼ਟੀ ਕੀਤੀ ਹੈ ਕਿ ਉਹ ਦਯਾਬੇਨ ਨੂੰ ਸ਼ੋਅ ਵਿੱਚ ਵਾਪਸ ਲਿਆਉਣ ਦੀ ਯੋਜਨਾ ਬਣਾ ਰਹੇ ਹਨ। ਪਰ ਅਜਿਹੇ ‘ਚ ਦਿਸ਼ਾ ਦੇ ਹੁਣ ਸ਼ੋਅ ‘ਤੇ ਆਉਣ ਦੀ ਉਮੀਦ ਘੱਟ ਹੈ।
