ਬਾਲੀਵੁੱਡ ਅਭਿਨੇਤਰੀ ਦੀਪਿਕਾ ਪਾਦੂਕੋਣ ਨੇ ਕਈ ਹਿੱਟ ਫਿਲਮਾਂ ਦਿੱਤੀਆਂ ਹਨ। ਦੀਪਿਕਾ ਪਾਦੁਕੋਣ ਨੂੰ ਬਾਲੀਵੁੱਡ ‘ਚ ਮਿਸ ਪਰਫੈਕਟ ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ ਪਰ ਇਹ ਅਭਿਨੇਤਰੀ ਆਪਣੀ ਇਕ ਆਦਤ ਤੋਂ ਕਾਫੀ ਪਰੇਸ਼ਾਨ ਹੋ ਗਈ ਹੈ। ਦੀਪਿਕਾ ਪਾਦੁਕੋਣ ਨੇ ਖੁਦ ਇੱਕ ਸ਼ੋਅ ਦੌਰਾਨ ਕਬੂਲ ਕੀਤਾ ਹੈ ਕਿ ਉਹ ਆਪਣੀ ਆਦਤ ਬਦਲਣਾ ਚਾਹੁੰਦੀ ਹੈ।ਦੀਪਿਕਾ ਪਾਦੁਕੋਣ ਅਤੇ ਕਾਰਤਿਕ ਆਰੀਅਨ ਦਾ ਇੱਕ ਪੁਰਾਣਾ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ ਜਿਸ ਵਿੱਚ ਅਦਾਕਾਰਾ ਨੇ ਆਪਣੀ ਆਦਤ ਬਾਰੇ ਦੱਸਿਆ ਹੈ।
ਦੀਪਿਕਾ ਪਾਦੁਕੋਣ ਦੇ ਵਾਇਰਲ ਵੀਡੀਓ ‘ਚ ਕਾਰਤਿਕ ਆਰੀਅਨ ਅਭਿਨੇਤਰੀ ਨੂੰ ਸਵਾਲ ਕਰਦੇ ਨਜ਼ਰ ਆ ਰਹੇ ਹਨ ਕਿ ਤੁਸੀਂ ਕਿਹੜੀ ਆਦਤ ਬਦਲਣਾ ਚਾਹੁੰਦੇ ਹੋ। ਇਸ ਸਵਾਲ ਦਾ ਜਵਾਬ ਦਿੰਦੇ ਹੋਏ ਦੀਪਿਕਾ ਦਾ ਕਹਿਣਾ ਹੈ ਕਿ ਉਹ ਸਫਾਈ ਦਾ ਬਹੁਤ ਧਿਆਨ ਦਿੰਦੀ ਹੈ। ਦੀਪਿਕਾ ਕਹਿੰਦੀ ਹੈ, ‘ਸਮੱਸਿਆ ਇਹ ਹੈ ਕਿ ਮੈਂ ਸਿਰਫ ਆਪਣੀ ਜਗ੍ਹਾ ‘ਤੇ ਹੀ ਨਹੀਂ , ਪਰ ਜਦੋਂ ਉਹ ਦੂਜਿਆਂ ਦੇ ਘਰ ਵੀ ਜਾਂਦੀ ਹੈ, ਜੇਕਰ ਮੇਜ਼ ‘ਤੇ ਕੋਈ ਟੇਢੀ ਚੀਜ਼ ਹੈ ਜਾਂ ਮੇਰੇ ਮੁਤਾਬਕ ਕਿਸੇ ਤਰ੍ਹਾਂ ਨਹੀਂ ਰੱਖੀ ਗਈ, ਤਾਂ ਮੈਂ ਉਸ ਨੂੰ ਆਪਣੇ ਹਿਸਾਬ ਨਾਲ ਰੱਖ ਦਿੰਦੀ ਹਾਂ। ਦੀਪਿਕਾ ਪਾਦੂਕੋਣ ਵੀਡੀਓ ਵਿੱਚ ਇਹ ਕਹਿੰਦੀ ਨਜ਼ਰ ਆ ਰਹੀ ਹੈ ਕਿ ਉਹ ਆਪਣੇ ਆਪ ਨੂੰ ਰੋਕਣ ਦੀ ਕੋਸ਼ਿਸ਼ ਕਰਦੀ ਹੈ ਪਰ ਉਸ ਲਈ ਇਹ ਥੋੜਾ ਮੁਸ਼ਕਲ ਹੋ ਜਾਂਦਾ ਹੈ। ਦੀਪਿਕਾ ਪਾਦੂਕੋਣ ਦੀ ਇਸ ਆਦਤ ਨੂੰ ਸੁਣ ਕੇ ਦਰਸ਼ਕਾਂ ‘ਚ ਮੌਜੂਦ ਉਨ੍ਹਾਂ ਦੇ ਪਤੀ ਅਤੇ ਅਭਿਨੇਤਾ ਰਣਵੀਰ ਸਿੰਘ ਜ਼ੋਰ-ਜ਼ੋਰ ਨਾਲ ਹੱਸਣ ਲੱਗ ਪੈਂਦੇ ਹਨ।
