ਮਸ਼ਹੂਰ ਟੀਵੀ ਜੋੜੇ ਦੀਪਿਕਾ ਕੱਕੜ ਅਤੇ ਸ਼ੋਏਬ ਇਬਰਾਹਿਮ ਨੇ ਆਪਣੇ ਪਹਿਲੇ ਬੱਚੇ ਦਾ ਸਵਾਗਤ ਕੀਤਾ ਹੈ। ਦੀਪਿਕਾ ਨੇ ਇਕ ਲੜਕੇ ਨੂੰ ਜਨਮ ਦਿੱਤਾ ਹੈ। ਸ਼ੋਏਬ ਨੇ ਇੰਸਟਾਗ੍ਰਾਮ ‘ਤੇ ਇਕ ਪੋਸਟ ਰਾਹੀਂ ਇਹ ਜਾਣਕਾਰੀ ਦਿੱਤੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਹ ਪ੍ਰੀ-ਮੈਚਿਓਰ ਡਿਲੀਵਰੀ ਸੀ। ਹਾਲਾਂਕਿ ਘਬਰਾਉਣ ਦੀ ਕੋਈ ਗੱਲ ਨਹੀਂ ਹੈ।
ਇੰਸਟਾਗ੍ਰਾਮ ਸਟੋਰੀਜ਼ ‘ਤੇ ਆਪਣੇ ਪ੍ਰਸ਼ੰਸਕਾਂ ਨਾਲ ਖੁਸ਼ਖਬਰੀ ਸਾਂਝੀ ਕਰਦੇ ਹੋਏ ਲਿਖਿਆ ਕਿ “ਅਲਹਮਦੁਲਿਲਾਹ ਬੇਬੀ ਬੁਆਏ ਦਾ ਜਨਮ ਸਵੇਰੇ 21 ਜੂਨ 2023 ਨੂੰ ਹੋਇਆ। ਇਹ ਪ੍ਰੀ-ਮੈਚਿਓਰ ਡਿਲੀਵਰੀ ਸੀ। ਹਾਲਾਂਕਿ ਘਬਰਾਉਣ ਦੀ ਕੋਈ ਗੱਲ ਨਹੀਂ ਹੈ। ਬੱਸ ਅਰਦਾਸ ਕਰਦੇ ਰਹੋ ਅਤੇ ਅਸੀਸਾਂ ਦਿੰਦੇ ਰਹੋ।”
ਸ਼ੋਏਬ ਅਤੇ ਦੀਪਿਕਾ ਦੀ ਮੁਲਾਕਾਤ ਟੀਵੀ ਸ਼ੋਅ ‘ਸਸੁਰਾਲ ਸਿਮਰ ਕਾ’ ਦੇ ਸੈੱਟ ‘ਤੇ ਹੋਈ ਸੀ। ਉਨ੍ਹਾਂ ਨੇ 2018 ‘ਚ ਵਿਆਹ ਕੀਤਾ ਸੀ। ਦੀਪਿਕਾ ਨੇ 2010 ‘ਚ ‘ਨੀਰ ਭਰੇ ਤੇਰੇ ਨੈਨਾ ਦੇਵੀ’ ਨਾਲ ਟੀਵੀ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਇਸ ਤੋਂ ਬਾਅਦ ‘ਸਸੁਰਾਲ ਸਿਮਰ ਕਾ’ ਨਾਲ ਉਹ ਘਰ ਘਰ ਪਹਿਚਾਣੀ ਜਾਣ ਲੱਗੀ। ਅਭਿਨੇਤਰੀ ਨੇ ‘ਬਿੱਗ ਬੌਸ 12’ ਸਮੇਤ ਕਈ ਰਿਐਲਿਟੀ ਸ਼ੋਅਜ਼ ਵਿੱਚ ਵੀ ਹਿੱਸਾ ਲਿਆ, ਜਿੱਥੇ ਉਹ ਜੇਤੂ ਵੀ ਰਹੀ।