ਟੀਵੀ ਦੀ ‘ਕੁਈਨ’ ਦੇ ਨਾਂਅ ਨਾਲ ਮਸ਼ਹੂਰ ਏਕਤਾ ਕਪੂਰ ਮੁੜ ਇੱਕ ਵਾਰ ਫੇਰ ਓਟੀਟੀ ਪਲੇਟਫਾਰਮ ਉੱਤੇ ਧਮਾਲ ਮਚਾਉਣ ਆ ਰਹੀ ਹੈ। ਇਸ ਵਾਰ ਏਕਤਾ ਦੇ ਸ਼ੋਅ ਦਾ ਫਾਰਮੈਟ ਸੱਸ ਅਤੇ ਪਰਿਵਾਰਕ ਡਰਾਮਾ ਨਹੀਂ ਹੈ, ਬਲਕਿ ਇਸ ਤੋਂ ਵੱਖ ਇੱਕ ਅਸਲੀ ਟੀਵੀ ਰਿਐਲਿਟੀ ਸ਼ੋਅ ਹੈ। ਇਹ ਸ਼ੋਅ ਦੁਨੀਆ ਦਾ ਪਹਿਲਾ ਅਜਿਹਾ ਰਿਐਲਿਟੀ ਸ਼ੋਅ ਹੈ, ਜੋ ਕਿ ਫੈਂਟੇਸੀ ਮੈਟਾਵਰਸ ਗੇਮ ‘ਤੇ ਆਧਾਰਿਤ ਹੈ। ਇਸ ਸ਼ੋਅ ਦਾ ਨਾਂਅ ਹੈ “ਲੌਕਅਪ” (LOCK UPP)।
ਬਾਲੀਵੁੱਡ ਕੁਈਨ ਕੰਗਨਾ ਰਣੌਤ ਇਸ ਸ਼ੋਅ ਦੀ ਸ਼ਾਨਦਾਰ ਹੋਸਟ ਵਜੋਂ ਨਜ਼ਰ ਆਵੇਗੀ। ‘ਲਾਕਅੱਪ’ ਇੱਕ ਦਿਲਚਸਪ ਰਿਐਲਿਟੀ ਸ਼ੋਅ ਹੈ ਜਿਸ ਵਿੱਚ ਤੁਹਾਨੂੰ ਇੱਕ ਦਲੇਰ ਸੇਲਿਬ੍ਰਿਟੀ ਹੋਸਟ, ਅਨੋਖੇ ਟਾਸਕ, ਡਰਾਮੇ ਨਾਲ ਭਰੀਆਂ ਲੜਾਈਆਂ ਅਤੇ ਦਿਲਚਸਪ ਪ੍ਰਤੀਯੋਗੀ ਜੋ ਜੇਲ੍ਹ ਵਿੱਚ ਬਚਣ ਲਈ ਕੁਝ ਵੀ ਕਰਨ ਲਈ ਤਿਆਰ ਹੋਣਗੇ। Alt Balaji ਅਤੇ MX Player ਸ਼ੋਅ ਨੂੰ 24 ਘੰਟੇ ਆਪਣੇ-ਆਪਣੇ ਪਲੇਟਫਾਰਮਾਂ ‘ਤੇ ਲਾਈਵ ਸਟ੍ਰੀਮ ਕਰਨਗੇ, ਜਿਸ ਨਾਲ ਦਰਸ਼ਕਾਂ ਨੂੰ ਪ੍ਰਤੀਯੋਗੀਆਂ ਨਾਲ ਸਿੱਧਾ ਗੱਲਬਾਤ ਕਰਨ ਦੀ ਇਜਾਜ਼ਤ ਮਿਲੇਗੀ। ਦਰਸ਼ਕਾਂ ਨੂੰ ਆਪਣੇ ਚੁਣੇ ਹੋਏ ਪ੍ਰਤੀਯੋਗੀਆਂ ਨੂੰ ਸਜ਼ਾ ਦੇਣ ਜਾਂ ਇਨਾਮ ਦੇਣ ਜਾਂ ਉਨ੍ਹਾਂ ਲਈ ਖ਼ਬਰੀ ਬਣਨ ਦਾ ਅਧਿਕਾਰ ਵੀ ਹੋਵੇਗਾ। ਐਂਡਮੋਲ ਸ਼ਾਈਨ ਇੰਡੀਆ ਦੁਆਰਾ ਨਿਰਮਿਤ, ਇਹ ਸ਼ੋਅ 27 ਫਰਵਰੀ, 2022 ਤੋਂ Alt ਬਾਲਾਜੀ ਅਤੇ MX ਪਲੇਅਰ ‘ਤੇ ਪ੍ਰੀਮੀਅਰ ਹੋਵੇਗਾ।
‘ਲਾਕਅੱਪ’ ਦੀ ਸ਼ੁਰੂਆਤ ‘ਤੇ, ਏਕਤਾ ਕਪੂਰ ਕਹਿੰਦੀ ਹੈ, ਮੈਨੂੰ ਭਾਰਤ ਦੇ ਸਭ ਤੋਂ ਵੱਡੇ ਅਤੇ ਸਭ ਤੋਂ ਨਿਡਰ ਰਿਐਲਿਟੀ ਸ਼ੋਅ ‘ਲਾਕਅੱਪ’ ਦੀ ਘੋਸ਼ਣਾ ਕਰਦੇ ਹੋਏ ਬਹੁਤ ਖੁਸ਼ੀ ਹੋ ਰਹੀ ਹੈ, ਜਿਸ ਦੀ ਮੇਜ਼ਬਾਨੀ ਕੰਗਨਾ ਕਰੇਗੀ। ਕੰਗਨਾ ਮੇਰੀ ਇਕ ਕਰੀਬੀ ਦੋਸਤ ਰਹੀ ਹੈ ਅਤੇ ਮੈਨੂੰ ਖੁਸ਼ੀ ਹੈ ਕਿ ਮੈਂ ਉਸ ਦੇ ਪਹਿਲੇ ਡਿਜੀਟਲ ਡੈਬਿਊ ‘ਤੇ ਉਸ ਦਾ ਸਮਰਥਨ ਕਰ ਰਹੀ ਹਾਂ ਅਤੇ ਮੈਂ ਉਸ ਲਈ ਉਸ ਨੂੰ ਵਧਾਈ ਦਿੰਦੀ ਹਾਂ। ਵੱਡੇ ਪੱਧਰ ‘ਤੇ ਲਾਂਚ ਕੀਤੇ ਜਾ ਰਹੇ ‘ਲਾਕਅੱਪ’ ਵਿਚ ਇਕ ਮਨੋਰੰਜਕ ਰਿਐਲਿਟੀ ਸ਼ੋਅ ਦੀਆਂ ਸਾਰੀਆਂ ਵਿਸ਼ੇਸ਼ਤਾਵਾਂ ਹਨ।
