ਸ਼ਾਹਰੁਖ ਖਾਨ ਦੀ ਪਤਨੀ ਗੌਰੀ ਖਾਨ ਨੇ ਹਾਲ ਹੀ ‘ਚ ਆਪਣਾ ਪਹਿਲਾ ਰੈਸਟੋਰੈਂਟ ‘ਟੋਰੀ’ ਖੋਲ੍ਹਿਆ ਹੈ। ਇਹ ਰੈਸਟੋਰੈਂਟ ਮੁੰਬਈ ਦੇ ਬਾਂਦਰਾ ਦੇ ਪਾਲੀ ਹਿੱਲ ਇਲਾਕੇ ‘ਚ ਸਥਿਤ ਹੈ। ਇਸ ਮੌਕੇ ਗੌਰੀ ਖਾਨ ਆਪਣੇ ਦੋਸਤਾਂ ਨਾਲ ਸੈਲੀਬ੍ਰੇਟ ਕਰਦੀ ਨਜ਼ਰ ਆਈ।
ਦੱਸ ਦਈਏ ਕਿ ਗੌਰੀ ਖਾਨ ਇੱਕ ਫਿਲਮ ਨਿਰਮਾਤਾ ਅਤੇ ਇੱਕ ਸ਼ਾਨਦਾਰ ਇੰਟੀਰੀਅਰ ਡਿਜ਼ਾਈਨਰ ਹੈ। 2002 ਵਿੱਚ, ਉਸਨੇ ਆਪਣੇ ਪਤੀ ਸ਼ਾਹਰੁਖ ਖਾਨ ਨਾਲ ਰੈੱਡ ਚਿਲੀਜ਼ ਐਂਟਰਟੇਨਮੈਂਟ ਨਾਮ ਦਾ ਇੱਕ ਪ੍ਰੋਡਕਸ਼ਨ ਹਾਊਸ ਸ਼ੁਰੂ ਕੀਤਾ ਹੈ।
ਨਾਲ ਹੀ ਗੌਰੀ ਨੇ ਕਈ ਮਸ਼ਹੂਰ ਹਸਤੀਆਂ ਦੇ ਘਰ ਵੀ ਡਿਜ਼ਾਈਨ ਕੀਤੇ ਹਨ। ਇੱਕ ਇੰਟੀਰੀਅਰ ਡਿਜ਼ਾਈਨਰ ਵਜੋਂ, ਗੌਰੀ ਖਾਨ ਨੇ ਮੁਕੇਸ਼ ਅੰਬਾਨੀ, ਕਰਨ ਜੌਹਰ, ਆਲੀਆ ਭੱਟ ਅਤੇ ਰਾਲਫ਼ ਲੌਰੇਨ ਵਰਗੀਆਂ ਮਸ਼ਹੂਰ ਹਸਤੀਆਂ ਦੇ ਘਰਾਂ ਨੂੰ ਡਿਜ਼ਾਈਨ ਕੀਤਾ ਹੈ। ਹੁਣ ਗੌਰੀ ਨੇ ਆਪਣਾ ਪਹਿਲਾ ਰੈਸਟੋਰੈਂਟ ‘ਟੋਰੀ’ ਵੀ ਖੋਲ੍ਹਿਆ ਹੈ। ਉਸ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ‘ਟੋਰੀ’ ਦੀ ਝਲਕ ਦਿਖਾਈ ਹੈ। ਗੌਰੀ ਨੇ ਕੈਪਸ਼ਨ ਲਿਖਿਆ- ਮੇਰਾ ਪਹਿਲਾ ਰੈਸਟੋਰੈਂਟ ‘ਟੋਰੀ’ ਮੁੰਬਈ ‘ਚ ਤੁਹਾਡੇ ਲਈ ਖੋਲ੍ਹਿਆ ਗਿਆ ਹੈ।
ਰੈਸਟੋਰੈਂਟ ਦੇ ਉਦਘਾਟਨ ਮੌਕੇ ਗੌਰੀ ਖਾਨ ਬਲੂ ਅਤੇ ਬਲੈਕ ਆਊਟਫਿਟ ‘ਚ ਨਜ਼ਰ ਆਈ। ਇਸ ਮੌਕੇ ਫਿਲਮ ਇੰਡਸਟਰੀ ਦੀਆਂ ਕਈ ਮਸ਼ਹੂਰ ਹਸਤੀਆਂ ਵੀ ਨਜ਼ਰ ਆਈਆਂ। ਗੌਰੀ ਦੇ ਦੋਸਤ ਮਹੀਪ ਕਪੂਰ, ਭਾਵਨਾ ਪਾਂਡੇ, ਸੀਮਾ ਸਜਦੇਹ, ਨੀਲਮ ਕੋਠਾਰੀ ਅਤੇ ਕਰਨ ਜੌਹਰ ਨੇ ਵੀ ਸ਼ਿਰਕਤ ਕੀਤੀ।
ਇਸਤੋਂ ਇਲਾਵਾ ਸ਼ਾਹਰੁਖ ਖਾਨ ਨੂੰ ਬੀਤੀ ਰਾਤ ਮੁੰਬਈ ਏਅਰਪੋਰਟ ‘ਤੇ ਦੇਖਿਆ ਗਿਆ। ਅਭਿਨੇਤਾ ਨੂੰ ਆਪਣੇ ਮੋਢੇ ‘ਤੇ ਬੈਗ ਲੈ ਕੇ ਇੱਕ ਆਮ ਲੁੱਕ ਵਿੱਚ ਦੇਖਿਆ ਗਿਆ ਸੀ। ਸ਼ਾਹਰੁਖ ਨੇ ਉੱਥੇ ਮੌਜੂਦ ਪੈਪਰਾਜ਼ੀ ਅਤੇ ਪ੍ਰਸ਼ੰਸਕਾਂ ਨਾਲ ਹੱਥ ਮਿਲਾਇਆ ਅਤੇ ਮੁਸਕਰਾ ਕੇ ਉਨ੍ਹਾਂ ਦਾ ਸਵਾਗਤ ਵੀ ਕੀਤਾ। ਉਸ ਨੂੰ ਆਪਣੀ ਮੈਨੇਜਰ ਪੂਜਾ ਦਦਲਾਨੀ ਨਾਲ ਏਅਰਪੋਰਟ ਦੇ ਅੰਦਰ ਜਾਂਦੇ ਦੇਖਿਆ ਗਿਆ।
ਸ਼ਾਹਰੁਖ ਖਾਨ ਨੂੰ ਫਿਲਮ ‘ਡਿੰਕੀ’ ‘ਚ ਦੇਖਿਆ ਗਿਆ ਸੀ। ਰਾਜਕੁਮਾਰ ਹਿਰਾਨੀ ਦੇ ਨਿਰਦੇਸ਼ਨ ਹੇਠ ਬਣੀ ਇਸ ਫਿਲਮ ਨੇ ਬਾਕਸ ਆਫਿਸ ‘ਤੇ ਚੰਗਾ ਕਲੈਕਸ਼ਨ ਕੀਤਾ ਸੀ। ਸ਼ਾਹਰੁਖ ਜਲਦ ਹੀ ਐਕਸ਼ਨ-ਥ੍ਰਿਲਰ ਫਿਲਮ ‘ਕਿੰਗ’ ‘ਚ ਬੇਟੀ ਸੁਹਾਨਾ ਨਾਲ ਕੈਮਿਓ ਕਰਦੇ ਨਜ਼ਰ ਆਉਣਗੇ। ਇਸ ਫਿਲਮ ‘ਚ ਸੁਹਾਨਾ ਇਕ ਜਾਸੂਸ ਦੀ ਭੂਮਿਕਾ ਨਿਭਾਉਂਦੀ ਨਜ਼ਰ ਆਵੇਗੀ। ਇਸ ਫਿਲਮ ਦੇ ਨਿਰਦੇਸ਼ਕ ਸੁਜੋਏ ਘੋਸ਼ ਹੋਣਗੇ।
