ਟੈਲੀਵਿਜ਼ਨ ’ਚ ਆਪਣੀ ਇਕ ਅਲੱਗ ਥਾਂ ਬਣਾਉਣ ਤੋਂ ਬਾਅਦ ਹੁਣ ਜਲਦ ਹੀ ਜੈਸਮੀਨ ਭਸੀਨ ਨੇ ਪੰਜਾਬੀ ਫਿਲਮਾਂ ਦਾ ਰੁਖ਼ ਕਰ ਲਿਆ ਹੈ। ਜੀ ਹਾਂ ਗਾਇਕ ਤੋਂ ਅਭਿਨੇਤਾ ਬਣੇ ਗਿੱਪੀ ਆਪਣੇ ਫੈਨਸ ਨੂੰ ਖੁਸ਼ ਕਰਨ ‘ਚ ਨਾਕਾਮਯਾਬ ਨਹੀਂ ਹੋਇਆ ਤੇ ਹਮੇਸ਼ਾਂ ਵਾਂਗ ਇੱਕ ਵਾਰ ਫਿਰ ਤੋਂ ਗਿੱਪੀ ਆਪਣੇ ਫੈਨਸ ਨੂੰ ਸਰਪ੍ਰਾਈਜ਼ ਕਰਨ ਲਈ ਤਿਆਰ ਹੈ। ਜਿਸ ‘ਚ ਉਸ ਦਾ ਸਾਭ ਹੋਰ ਕੋਈ ਨਹੀਂ ਸਗੋਂ ਟੀਵੀ ਐਕਟਰਸ ਜੈਸਮੀਨ ਭਸੀਨ ਦੇਣ ਵਾਲੀ ਹੈ।ਜੈਸਮੀਨ ਭਸੀਨ ਅਤੇ ਗਿੱਪੀ ਫਿਲਮ ‘ਹਨੀਮੂਨ’ ’ਚ ਕੰਮ ਕਰ ਰਹੇ ਹਨ। ਜਿਸਦੀ ਸ਼ੂਟਿੰਗ ਉਨ੍ਹਾਂ ਨੇ ਅੱਜ ਤੋਂ ਸ਼ੁਰੂ ਕਰ ਦਿੱਤੀ ਹੈ।
ਦੋਵੇਂ ਫਿਲਮ ਦੇ ਕਲੈਪ ਬੋਰਡ ਦੇ ਨਾਲ ਫਿਲਮ ਦੇ ਮਹੂਰਤ ਸ਼ਾਰਟ ’ਤੇ ਪੋਜ਼ ਦਿੰਦੇ ਨਜ਼ਰ ਆਏ। ਇਨ੍ਹਾਂ ਤਸਵੀਰਾਂ ‘ਚ ਜੈਸਮੀਨ ਭਸੀਨ ਨੀਲੇ ਰੰਗ ਦੇ ਸੂਟ ਦੇ ਨਾਲ ਗੁਲਾਬੀ ਰੰਗ ਦਾ ਸਵੈਟਰ ਪਾਈ ਨਜ਼ਰ ਆ ਰਹੀ ਹੈ। ਹੱਥਾਂ ‘ਚ ਚੂੜਾ ਪਾ ਕੇ ਅਤੇ ਵਾਲਾਂ ‘ਤੇ ਬ੍ਰੇਡਿੰਗ ਕਰਦੀ ਜੈਸਮੀਨ ਭਸੀਨ ਬੇਹੱਦ ਖੂਬਸੂਰਤ ਲੱਗ ਰਹੀ ਹੈ। ਉਨ੍ਹਾਂ ਦੀ ਨਵੀਂ ਫਿਲਮ ਦੇ ਇਸ ਲੁੱਕ ਨੂੰ ਦੇਖ ਕੇ ਉਨ੍ਹਾਂ ਦੇ ਪ੍ਰਸ਼ੰਸਕ ਵੀ ਕਾਫੀ ਉਤਸੁਕ ਹੋ ਗਏ ਹਨ। ਇਹ ਇੱਕ ਪੰਜਾਬੀ ਰੋਮ-ਕਾਮ ਫਿਲਮ ਹੈ। ਹਰਮਨ ਬਵੇਜਾ, ਵਿੱਕੀ ਬਾਹਰੀ ਨੇ ਵੀ ਫਿਲਮ ਦੇ ਸੈੱਟ ਤੋਂ ਇੱਕ ਝਲਕ ਸਾਂਝੀ ਕੀਤੀ ਹੈ, ਜਿਸ ਵਿੱਚ ਉਹ ਕਲੈਪ ਬੋਰਡ ਫੜੇ ਹੋਏ ਦਿਖਾਈ ਦੇ ਰਹੇ ਹਨ।
ਇਸ ਫਿਲਮ ਦੀ ਸ਼ੂਟਿੰਗ ਪੰਜਾਬ ‘ਚ ਹੋ ਰਹੀ ਹੈ। ਦੱਸ ਦਈਏ ਕਿ ਬਿੱਗ ਬੌਸ ਤੋਂ ਬਾਅਦ ਜੈਸਮੀਨ ਪੰਜਾਬੀ ਗੀਤਾਂ ‘ਚ ਆਪਣੀ ਅਦਾਕਾਰੀ ਦੀ ਝਲਕ ਨਾਲ ਪੰਜਾਬੀ ਪ੍ਰਸ਼ੰਸਕਾਂ ਦੇ ਦਿਲਾਂ ‘ਚ ਆਪਣੀ ਥਾਂ ਬਣਾ ਚੁੱਕੀ ਹੈ। ਇਸ ਦੇ ਨਾਲ ਹੀ ਇਸ ਫਿਲਮ ਦਾ ਸ਼ੂਟ 11 ਜਨਵਰੀ 2022 ਨੂੰ ਸ਼ੁਰੂ ਹੋਇਆ। ਹੁਣ ਪ੍ਰਸ਼ੰਸਕ ਇਸ ਫਰੈਸ਼ ਜੋੜੀ ਨੂੰ ਸਿਲਵਰ ਸਕਰੀਨ ‘ਤੇ ਵੇਖਣ ਲਈ ਕਾਫੀ ਉਤਸ਼ਾਹਿਤ ਹਨ। ਵੇਖਦੇ ਹਾਂ ਜੈਸਮੀਨ ਤੇ ਗਿੱਪੀ ਦਾ ਹਨੀਮੂਨ ਲੋਕਾਂ ਨੂੰ ਕਿੰਨਾ ਪਸੰਦ ਆਉਂਦਾ ਹੈ।
