ਟੈਲੀਵਿਜ਼ਨ ’ਚ ਆਪਣੀ ਇਕ ਅਲੱਗ ਥਾਂ ਬਣਾਉਣ ਤੋਂ ਬਾਅਦ ਹੁਣ ਜਲਦ ਹੀ ਜੈਸਮੀਨ ਭਸੀਨ ਨੇ ਪੰਜਾਬੀ ਫਿਲਮਾਂ ਦਾ ਰੁਖ਼ ਕਰ ਲਿਆ ਹੈ। ਬਿੱਗ ਬੌਸ 14 ’ਚ ਨਜ਼ਰ ਆ ਚੁੱਕੀ ਜੈਸਮੀਨ ਭਸੀਨ ਨੇ ਘਰ ਤੋਂ ਬਾਹਰ ਆਉਣ ਤੋਂ ਬਾਅਦ ਕਈ ਪੰਜਾਬੀ ਗਾਣਿਆਂ ’ਚ ਕੰਮ ਕੀਤਾ, ਜਿਸਨੂੰ ਦਰਸ਼ਕਾਂ ਨੇ ਕਾਫੀ ਪਸੰਦ ਕੀਤਾ। ਹਾਲ ਹੀ ਵਿੱਚ ਜੈਸਮੀਨ ਭਸੀਨ ਅਤੇ ਗਿਪੀ ਗਰੇਵਾਲ ਦਾ ਨਵਾਂ ਵੀਡੀਓ ਸੋਸ਼ਲ ਮੀਡੀਆ ਉੱਤੇ ਖੂਬ ਸ਼ੇਅਰ ਹੋ ਰਿਹਾ ਹੈ। ਵੀਡੀਓ ‘ਚ ਦੇਖ ਸਕਦੇ ਹੋ ਦੋਵੇਂ ਜਣੇ ਇੱਕ ਹਾਥੀ ਦੀ ਵੱਡੀ ਮੂਰਤੀ ਦੇ ਅੱਗੇ ਖੜ੍ਹੇ ਹੋਏ ਨੇ।
ਇਸ ਵੀਡੀਓ ਵਿੱਚ ਗਿੱਪੀ ਗਰੇਵਾਲ ਹੈਰਾਨੀਜਨਕ ਨਾਲ ਜੈਸਮੀਨ ਨੂੰ ਬੋਲਦੇ ਨੇ ਕਮਾਲ ਯਾਰ ਤੂੰ ਤਾਂ ਬਹੁਤ ਪਤਲੀ ਲੱਗ ਰਹੀ ਹੈ। ਇਸ ‘ਤੇ ਜੈਸਮੀਨ ਭਸੀਨ ਖੁਸ਼ ਕਹਿੰਦੀ ਹੈ ਸ਼ੁਕਰੀਆ । ਪਰ ਕੁਝ ਸਮੇਂ ਬਾਅਦ ਗਿੱਪੀ ਕਹਿੰਦੇ ਨੇ ਕਿ ਯਾਰ ਤੂੰ ਮੈਨੂੰ ਮੋਟੀ ਲੱਗਦੀ ਪਈ ਏ। ਜੈਸਮੀਨ ਭਸੀਨ ਕਿੱਥੋਂ ਮੋਟੀ ਲੱਗ ਰਹੀ ਹਾਂ… ਇਸ ‘ਤੇ ਗਿੱਪੀ ਕਹਿੰਦੇ ਨੇ ਕਿ ਤੂੰ ਹਾਥੀ ਦੇ ਸਾਹਮਣੇ ਖੜ੍ਹੀ ਸੀ, ਇਸ ਲਈ ਤੂੰ ਪਤਲੀ ਲੱਗੀ ਜਾਂਦੀ ਸੀ। ਜਿਸ ਤੇ ਜੈਸਮੀਨ ਗੁੱਸੇ ‘ਚ ਆਪਣੇ ਪੈਰ ਪਟਕਾਉਣ ਲੱਗ ਜਾਂਦੀ।
ਦੋਵਾਂ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ ਤੇ ਹਸਾ ਵੀ ਰਿਹਾ ਹੈ। ਹਾਲ ਹੀ ‘ਚ ਉਹ ਗਿੱਪੀ ਗਰੇਵਾਲ ਨਾਲ ਪੰਜਾਬੀ ਫ਼ਿਲਮ ਹਨੀਮੂਨ ‘ਚ ਨਜ਼ਰ ਆਵੇਗੀ। ਇਸ ਕਾਮੇਡੀ ਫ਼ਿਲਮ ਵਿੱਚ ਇੱਕ ਜੋੜੇ ਦੀ ਕਹਾਣੀ ਦਿਖਾਈ ਜਾਵੇਗੀ, ਜੋ ਹਨੀਮੂਨ ‘ਤੇ ਜਾਣਾ ਚਾਹੁੰਦਾ ਹੈ, ਪਰ ਹਨੀਮੂਨ ਬਾਰੇ ਕੁਝ ਨਹੀਂ ਜਾਣਦਾ। ਫਿਰ ਸੋਲਾਂ ਜਣੇ ਇਕੱਠੇ ਹਨੀਮੂਨ ‘ਤੇ ਜਾਂਦੇ ਹਨ। ਹਾਲ ਹੀ ‘ਚ ਦੋਹਾਂ ਨੇ ਪੁਸ਼ਪਾ ਦੇ ਡਾਇਲਾਗਸ ‘ਤੇ ਵੀਡੀਓ ਵੀ ਸ਼ੇਅਰ ਕੀਤਾ ਸੀ, ਜਿਸ ਨੂੰ ਦਰਸ਼ਕਾਂ ਵੱਲੋਂ ਖੂਬ ਪਸੰਦ ਕੀਤਾ ਗਿਆ ਸੀ।
