ਗਾਇਕ ਤੋਂ ਐਕਟਰ ਬਣੇ ਗੁਰੀ ਜੋ ਕਿ ਬਹੁਤ ਜਲਦ ਆਪਣੀ ਨਵੀਂ ਫ਼ਿਲਮ ਲਵਰ ਦੇ ਨਾਲ ਦਰਸ਼ਕਾਂ ਦੇ ਰੂਬਰੂ ਹੋਣ ਜਾ ਰਹੇ ਹਨ। ਲਵਰ ਫ਼ਿਲਮ ਦੇ ਪੋਸਟਰ ਤੋਂ ਬਾਅਦ ਫ਼ਿਲਮ ਦਾ ਪਹਿਲਾ ਗੀਤ ਰਿਲੀਜ਼ ਹੋ ਗਿਆ ਹੈ। Pyar Karda ਟਾਈਟਲ ਹੇਠ ਰਿਲੀਜ਼ ਹੋਇਆ ਇਹ ਗੀਤ ਸੈਡ ਜ਼ੌਨਰ ਵਾਲਾ ਗੀਤ ਹੈ। ਜਿਸ ‘ਚ ਪਿਆਰ ‘ਚ ਟੁੱਟਿਆ ਹੋਇਆ ਆਸ਼ਿਕ ਆਪਣੇ ਦਿਲ ਦਾ ਦਰਦ ਸੁਣਾ ਰਿਹਾ ਹੈ। ਇਹ ਟ੍ਰੈਕ ਟਰੇਜਿਕ ਰੋਮਾਂਟਿਕ ਥੀਮ ‘ਤੇ ਅਧਾਰਤ ਹੈ ਜਿੱਥੇ ਗੁਰੀ ਦੀ ਆਕਰਸ਼ਿਤ ਦਿੱਖ ਦੀ ਦਰਸ਼ਕਾਂ ਦੁਆਰਾ ਪ੍ਰਸ਼ੰਸਾ ਕੀਤੀ ਗਈ ਹੈ। ਸ਼ੈਰੀ ਨੇਕਸਸ ਦੁਆਰਾ ‘ਪਿਆਰ ਕਰਦਾ’ ਗੀਤ ਨੂੰ ਸੁਰੀਲੀਆ ਧੁਨਾਂ ਦਿੱਤੀਆਂ ਗਈਆਂ ਹਨ।
ਨਿਰਮਾਤਾ, ਕੇਵੀ ਢਿੱਲੋਂ ਅਤੇ ਪਰਵਰ ਨਿਸ਼ਾਨ ਸਿੰਘ ਖੁਸ਼ੀ ਜ਼ਾਹਿਰ ਕਰਦੇ ਹੋਏ ਕਹਿੰਦੇ ਹਨ, “ਅਸੀਂ ਅਜਿਹੇ ਮਾਹਰ ਅਦਾਕਾਰਾਂ ਨਾਲ ਕੰਮ ਕਰਕੇ ਖੁਸ਼ ਹਾਂ। ‘ਪਿਆਰ ਕਰਦਾ’ ਉਨ੍ਹਾਂ ਸਾਰੇ ਪ੍ਰੇਮੀਆਂ ਲਈ ਇੱਕ ਉਪਦੇਸ਼ ਹੈ ਜਿਨ੍ਹਾਂ ਨੇ ਸਦੀਵੀ ਪਿਆਰ ਕੀਤਾ ਹੈ। ‘ ਪੰਜਾਬੀ ਗਾਇਕੀ ਦੇ ਮਸ਼ਹੂਰ ਸਿੰਗਰ ਜੱਸ ਮਾਣਕ ‘ਪਿਆਰ ਕਰਦਾ’ ਵਿੱਚ ਆਪਣਾ ਜਾਦੂ ਚਲਾਉਣ ਲਈ ਬਹੁਤ ਖੁਸ਼ ਹਨ, “ਟ੍ਰੈਕ ਦੇ ਬੋਲ ਫਿਲਮ ਦੇ ਰੋਮਾਂਟਿਕ ਟੋਨ ਅਤੇ ਆਪਣੇ ਪ੍ਰੇਮੀ ਲਈ ਇੱਕ ਪ੍ਰੇਮ ਦੀ ਅਸਲ ਇੱਛਾ ਨੂੰ ਸਮਝਣ ਲਈ ਲਿਖੇ ਗਏ ਹਨ।” ਜੇ ਗੱਲ ਕਰੀਏ ਫ਼ਿਲਮ ਦੀ ਤਾਂ ਉਸਦੀ ਸਟੋਰੀ ਤੇਜ ਨੇ ਲਿਖੀ ਹੈ । ਇਸ ਫ਼ਿਲਮ ਨੂੰ ਦਿਲਸ਼ੇਰ ਸਿੰਘ ਅਤੇ ਖੁਸ਼ਪਾਲ ਸਿੰਘ ਨੇ ਮਿਲਕੇ ਡਾਇਰੈਕਟ ਕੀਤੀ ਹੈ। ਫ਼ਿਲਮ ਚ ਗੁਰੀ ਤੋਂ ਇਲਾਵਾ ਰੌਣਕ ਜੋਸ਼ੀ, ਯਸ਼ਪਾਲ ਸ਼ਰਮਾ, ਅਵਤਾਰ ਗਿੱਲ, ਰੁਪਿੰਦਰ ਰੂਪੀ ਵਰਗੇ ਨਾਮੀ ਕਲਾਕਾਰ ਫ਼ਿਲਮ ‘ਚ ਅਦਾਕਾਰੀ ਕਰਦੇ ਹੋਏ ਨਜ਼ਰ ਆਉਣਗੇ। ਫਿਲਮ,’ਲਵਰ’ 1 ਜੁਲਾਈ 2022 ਨੂੰ ਰਿਲੀਜ਼ ਹੋ ਰਹੀ ਹੈ।
