ਪੰਜਾਬੀ ਗਾਇਕ ਸੁਨੰਦਾ ਸ਼ਰਮਾ ਜਿਹਨਾਂ ਨੇ ਹੁਣ ਤੱਕ ਆਪਣੀ ਗਾਇਕੀ ਨਾਲ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤਿਆ ਹੈ ਤੇ ਜੋ ਕਿ ਸੋਸ਼ਲ ਮੀਡੀਆ ਉੱਤੇ ਕਾਫੀ ਐਕਟਿਵ ਰਹਿੰਦੀ ਹੈ। ਗਾਇਕਾ ਸੁਨੰਦਾ ਸ਼ਰਮਾ ਅੱਜ ਆਪਣੇ ਜਨਮਦਿਨ ਮਨਾ ਰਹੀ ਹੈ। ਉਨ੍ਹਾਂ ਦੇ ਫੈਨਜ਼ ਤੇ ਸਾਥੀ ਕਲਾਕਾਰ ਪੋਸਟਾਂ ਪਾ ਕੇ ਸੁਨੰਦਾ ਨੂੰ ਬਰਥਡੇਅ ਵਿਸ਼ ਕਰ ਰਹੇ ਹਨ। ਅਜਿਹੇ ‘ਚ ਸੁਨੰਦਾ ਸ਼ਰਮਾ ਦਾ ਇੱਕ ਤਾਜ਼ਾ ਵੀਡੀਓ ਸੋਸ਼ਲ ਮੀਡੀਆ ਉੱਤੇ ਖੂਬ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ‘ਚ ਉਹ ਆਪਣੀ ਦੋ ਖ਼ਾਸ ਸਹੇਲੀਆਂ ਦੇ ਨਾਲ ਨਜ਼ਰ ਆ ਰਹੀ ਹੈ। ਵੀਡੀਓ ‘ਚ ਦੇਖ ਸਕਦੇ ਹੋ ਕਿ ਸੁਨੰਦਾ ਰਮਣੀਕ ਤੇ ਸਿਮਰਿਤਾ ਦੇ ਨਾਲ ਕੇਕ ਕੱਟਦੀ ਹੋਈ ਨਜ਼ਰ ਆ ਰਹੀ ਹੈ।
ਇਸ ਖ਼ਾਸ ਮੌਕੇ ਉੱਤੇ ਦੋਵਾਂ ਸਹੇਲੀਆਂ ਨੇ ਸੁਨੰਦਾ ਦੇ ਨਾਂਅ ਦੀ ਬੋਲੀ ਵੀ ਪਾਈ ਅਤੇ ਤਿੰਨੋ ਜਣੀਆਂ ਗਿੱਧਾ ਪਾਉਂਦੀਆਂ ਹੋਈਆਂ ਨਜ਼ਰ ਆਈਆਂ।ਇਸ ਵੀਡੀਓ ਨੂੰ ਪੋਸਟ ਕਰਦੇ ਹੋਏ ਰਮਣੀਕ ਤੇ ਸਿਮਰਿਤਾ ਨੇ ਲਿਖਿਆ ਹੈ- ‘ਬਾਰੀ ਬਰਸੀ ਖੱਟਣ ਗਿਆ ਸੀ…ਖੱਟ ਕੇ ਲਿਆਂਦਾ ਰੰਦਾ….ਹੈਪੀ ਬਰਡੇ – Happy birthday ਜਨਮਦਿਨ ਦੀਆਂ ਬਹੁਤ – ਬਹੁਤ ਮੁਬਾਰਕਾਂ ਸੁਨੰਦਾ’ ਤੇ ਨਾਲ ਹੀ ਉਨ੍ਹਾਂ ਸੁਨੰਦਾ ਨੂੰ ਟੈਗ ਕੀਤਾ ਹੈ। ਗਾਇਕਾ ਦਾ ਇਹ ਅੰਦਾਜ਼ ਦਰਸ਼ਕਾਂ ਨੂੰ ਖੂਬ ਪਸੰਦ ਆ ਰਿਹਾ ਹੈ। ਪ੍ਰਸ਼ੰਸਕ ਵੀ ਕਮੈਂਟ ਕਰਕੇ ਸੁਨੰਦਾ ਨੂੰ ਬਰਥਡੇਅ ਵਿਸ਼ ਕਰ ਰਹੇ ਹਨ। ਸੁਨੰਦਾ ਸ਼ਰਮਾ ਦੇ ਹੁਣ ਤੱਕ ਬਹੁਤ ਸਾਰੀ ਗੀਤ ਆ ਚੁਕੇ ਹਨ ਜਿਹਨਾਂ ਨੇ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤਿਆ ਹੈ। ਸੁਨੰਦਾ ਦੇ ਗੀਤ – ਪਟਾਕੇ , ਜਾਨੀ ਤੇਰਾ ਨਾਮ , ਪਾਗਲ ਨਹੀਂ ਹੋਣਾ , ਦੂਜੀ ਵਾਰ ਪਿਆਰ , ਬਿੱਲੀ ਅੱਖ , ਬਾਰਿਸ਼ ਕੀ ਜਾਏ ਤੇ ਸੈਂਡਲ ਆਦਿ ਵਰਗੇ ਹਿੱਟ ਗੀਤ ਜਿਹਨਾ ਨੇ ਧਮਾਲਾਂ ਪਾਈਆਂ ਸਨ। ਸੁਨੰਦਾ ਸ਼ਰਮਾ ਗੀਤਾਂ ਦੇ ਨਾਲ – ਨਾਲ ਕੁੱਝ ਫਿਲਮਾਂ ਦੇ ਵਿੱਚ ਆ ਚੁਕੀ ਹੈ।
