ਅਦਾਕਾਰਾ ਗੀਤਾ ਬਸਰਾ ਅਤੇ ਕ੍ਰਿਕੇਟਰ ਹਰਭਜਨ ਸਿੰਘ ਨੇ ਬੀਤੀ 10 ਜੁਲਾਈ ਨੂੰ ਆਪਣੇ ਪੁੱਤਰ ਦਾ ਪਹਿਲਾ ਜਨਮਦਿਨ ਬਹੁਤ ਹੀ ਖ਼ਾਸ ਅੰਦਾਜ਼ ਦੇ ਨਾਲ ਸੈਲੀਬ੍ਰੇਟ ਕੀਤਾ ਹੈ। ਜਿਸ ਦੀਆਂ ਕੁਝ ਤਸਵੀਰਾਂ ਅਤੇ ਵੀਡੀਓ ਸੋਸ਼ਲ ਮੀਡੀਆ ਤੇ ਖੂਬ ਵਾਇਰਲ ਹੋ ਰਹੀਆ ਹਨ। ਸੋਮਵਾਰ ਨੂੰ, ਗੀਤਾ ਬਸਰਾ ਨੇ ਆਪਣੇ ਇੰਸਟਾਗ੍ਰਾਮ ਹੈਂਡਲ ‘ਤੇ ਜੋਵਨ ਦੀ ਸਤਰੰਗੀ-ਥੀਮ ਵਾਲੀ ਜਨਮਦਿਨ ਪਾਰਟੀ ਦੀ ਇੱਕ ਫੋਟੋ ਸਾਂਝੀ ਕੀਤੀ। ਤਸਵੀਰ ਵਿੱਚ, ਇੱਕ ਸੁੰਦਰ ਬਹੁ-ਰੰਗੀ ਕੇਕ ਸਤਰੰਗੀ-ਰੰਗੀ ਗੁਬਾਰਿਆਂ ਨਾਲ ਸੱਜਿਆ ਰੂਮ ਨਜ਼ਰ ਆ ਰਿਹਾ ਹੈ। ਤਸਵੀਰ ‘ਚ ਦੇਖ ਸਕਦੇ ਹੋ ਇੱਕ ਸਲੇਟ ਉੱਤੇ ‘ਹੈਪੀ 1 ਬਰਥਡੇ ਜੋਵਨ’ ਲਿਖਿਆ ਹੋਇਆ ਹੈ ਜੋ ਕੇਕ ਦੇ ਕੋਲ ਰੱਖੀ ਗਈ ਹੈ।
ਉਨ੍ਹਾਂ ਨੇ ਕੈਪਸ਼ਨ ਚ ਲਿਖਿਆ ਹੈ, ‘ਜਨਮ ਦਿਨ ਮੁਬਾਰਕ ਮੇਰੇ ਬੇਟੇ ਜੋਵਨ ਵੀਰ! ਮੈਨੂੰ ਵਿਸ਼ਵਾਸ ਨਹੀਂ ਹੋ ਰਿਹਾ ਹੈ ਕਿ ਇੱਕ ਸਾਲ ਇੰਨੀ ਜਲਦੀ ਲੰਘ ਗਿਆ ਹੈ… ਮੈਂ ਤੁਹਾਨੂੰ ਬਹੁਤ ਪਿਆਰ ਕਰਦੀ ਹਾਂ!’ ਇਸ ਪੋਸਟ ਤੇ ਕਲਾਕਾਰ ਤੇ ਪ੍ਰਸ਼ੰਸਕ ਵੀ ਕਮੈਂਟ ਕਰਕੇ ਜੋਬਨ ਨੂੰ ਬਰਥਡੇਅ ਵਿਸ਼ ਕਰ ਰਹੇ ਹਨ। ਦੱਸ ਦਈਏ ਹਰਭਜਨ ਸਿੰਘ ਨੇ 2015 ਵਿੱਚ ਅਦਾਕਾਰਾ ਗੀਤਾ ਬਸਰਾ ਨਾਲ ਵਿਆਹ ਦੇ ਬੰਧਨ ਵਿੱਚ ਬੱਝੇ ਸਨ। ਇਸ ਜੋੜੇ ਦੇ ਘਰ ਪਹਿਲੀ ਖੁਸ਼ੀ ਸਾਲ 2016 ਵਿੱਚ ਆਈ ਸੀ, ਜਦੋਂ ਇੱਕ ਧੀ ਨੇ ਜਨਮ ਲਿਆ ਸੀ, ਉਨ੍ਹਾਂ ਦੀ ਬੇਟੀ ਦਾ ਨਾਮ ਹਿਨਾਇਆ ਹੀਰ ਪਲਾਹਾ ਹੈ। ਸਾਲ 2021 ਵਿੱਚ, ਦੋਵੇਂ ਜੋਵਨ ਵੀਰ ਦੇ ਮਾਤਾ-ਪਿਤਾ ਬਣ ਗਏ।
