ਹਾਲੀਵੁੱਡ ਫਿਲਮ ਇੰਡਸਟਰੀ ਦੇ ਮਸ਼ਹੂਰ ਅਦਾਕਾਰ ਰਿਚਰਡ ਰਾਊਂਡਟ੍ਰੀ ਦਾ 81 ਸਾਲ ਦੀ ਉਮਰ ‘ਚ ਦਿਹਾਂਤ ਹੋ ਗਿਆ ਹੈ। ਰਿਚਰਡ ਨੇ ਸ਼ਾਫਟ ਅਤੇ ਇਸ ਦੇ ਸੀਕਵਲ ਵਿੱਚ ਆਪਣੀ ਦਮਦਾਰ ਅਦਾਕਾਰੀ ਨਾਲ ਲੋਕਾਂ ਦਾ ਦਿਲ ਜਿੱਤ ਲਿਆ ਸੀ। ਰਿਪੋਰਟਸ ਮੁਤਾਬਕ ਉਨ੍ਹਾਂ ਦੀ ਮੌਤ ਦਾ ਕਾਰਨ ਪੈਨਕ੍ਰੀਆਟਿਕ ਕੈਂਸਰ ਦੱਸਿਆ ਜਾ ਰਿਹਾ ਹੈ।
ਰਾਊਂਡਟ੍ਰੀ ਦੀ ਮੌਤ ਦੀ ਪੁਸ਼ਟੀ ਉਸਦੀ ਏਜੰਸੀ, ਕਲਾਕਾਰਾਂ ਅਤੇ ਪ੍ਰਤੀਨਿਧੀਆਂ ਅਤੇ ਪ੍ਰਬੰਧਕ ਪੈਟਰਿਕ ਮੈਕਮਿਨ ਦੁਆਰਾ ਕੀਤੀ ਗਈ। ਇਕ ਬਿਆਨ ਵਿੱਚ ਕਿਹਾ ਗਿਆ ਹੈ, “ਸਾਰੇ ਕਲਾਕਾਰ, ਸਾਡੇ ਦੋਸਤ ਅਤੇ ਪ੍ਰਸ਼ੰਸ਼ਕ ਰਿਚਰਡ ਰਾਊਂਡਟ੍ਰੀ ਦੇ ਦੇਹਾਂਤ ‘ਤੇ ਸੋਗ ਪ੍ਰਗਟ ਕਰਦੇ ਹਨ। ਰਿਚਰਡ ਨੂੰ ਯਾਦ ਕਰਦਿਆਂ ਉਨ੍ਹਾਂ ਕਿਹਾ ਕਿ ਰਾਊਂਡਟਰੀ ਨੇ ਆਪਣੇ ਅਦਾਕਾਰੀ ਕਰੀਅਰ ਦੌਰਾਨ ਦੁਨੀਆ ਭਰ ਦੇ ਮਨੋਰੰਜਨ ਦਾ ਚਿਹਰਾ ਬਦਲ ਦਿੱਤਾ ਜਿਸ ਨੂੰ ਆਉਣ ਵਾਲੀਆਂ ਪੀੜ੍ਹੀਆਂ ਯਾਦ ਰੱਖਣਗੀਆਂ। ਨਾਲ ਹੀ ਦੁੱਖ ਦਾ ਪ੍ਰਗਟਾਵਾ ਕੀਤਾ ਅਤੇ ਪਰਿਵਾਰਕ ਮੈਂਬਰਾਂ ਨੂੰ ਦਿਲਾਸਾ ਦਿੱਤਾ ਅਤੇ ਕਿਹਾ ਕਿ ਇਸ ਔਖੀ ਘੜੀ ਵਿੱਚ ਸਾਡੀ ਹਮਦਰਦੀ ਉਨ੍ਹਾਂ ਦੇ ਪਰਿਵਾਰ ਅਤੇ ਸਨੇਹੀਆਂ ਦੇ ਨਾਲ ਹੈ
ਦੱਸ ਦਈਏ ਕਿ ਰਾਉਂਡਟਰੀ ਨੇ ਸਭ ਤੋਂ ਪਹਿਲਾਂ 1971 ਦੀ ‘ਸ਼ਾਫਟ’ ਵਿੱਚ ਡਿਟੈਕਟਿਵ ਜੌਹਨ ਸ਼ਾਫਟ ਦੇ ਰੂਪ ਵਿੱਚ ਆਪਣੇ ਅਦਾਕਾਰੀ ਕਰੀਅਰ ਦੀ ਸ਼ੁਰੂਆਤ ਕੀਤੀ। ‘ਸ਼ਾਫਟ’ ਨੂੰ ਫਿਲਮ ਨਿਰਮਾਤਾ ਗੋਰਡਨ ਪਾਰਕਸ ਦੁਆਰਾ ਨਿਰਦੇਸ਼ਿਤ ਕੀਤਾ ਗਿਆ ਸੀ ਅਤੇ ਆਈਜ਼ੈਕ ਹੇਜ਼ ਦੁਆਰਾ ਰਿਕਾਰਡ ਕੀਤਾ ਗਿਆ ਇੱਕ ਕਲਾਸਿਕ ਸਾਉਂਡਟ੍ਰੈਕ ਦਿਖਾਇਆ ਗਿਆ ਸੀ।