ਰਿਤਿਕ ਰੋਸ਼ਨ ਨੇ ਗਣੇਸ਼ ਚਤੁਰਥੀ ਦੇ ਮੌਕੇ ‘ਤੇ ਮੁੰਬਈ ਸਥਿਤ ਆਪਣੇ ਘਰ ‘ਚ ਗਣਪਤੀ ਦੀ ਸਥਾਪਨਾ ਕੀਤੀ ਸੀ। ਹੁਣ ਹਾਲ ਹੀ ‘ਚ ਅਦਾਕਾਰ ਨੇ ਪੂਰੇ ਪਰਿਵਾਰ ਨਾਲ ਬੱਪਾ ਨੂੰ ਵਿਦਾਈ ਦਿੱਤੀ ਹੈ, ਜਿਸ ਦੀਆਂ ਕੁਝ ਤਸਵੀਰਾਂ ਅਤੇ ਵੀਡੀਓਜ਼ ਉਨ੍ਹਾਂ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਸ਼ੇਅਰ ਕੀਤੀਆਂ ਹਨ। ਇਸ ਨੂੰ ਸ਼ੇਅਰ ਕਰਦੇ ਹੋਏ ਅਦਾਕਾਰ ਨੇ ਕੈਪਸ਼ਨ ‘ਚ ਲਿਖਿਆ- ਗਣਪਤੀ ਬੱਪਾ ਮੋਰਿਆ। ਇਹ ਸਾਡੇ ਘਰਾਂ ਅਤੇ ਦਿਲਾਂ ਨੂੰ ਖੁਸ਼ੀਆਂ ਅਤੇ ਮੋਦਕਾਂ ਨਾਲ ਭਰਨ ਦਾ ਮੌਸਮ ਹੈ।
ਰਿਤਿਕ ਦੀ ਪ੍ਰੇਮਿਕਾ ਸਬਾ ਆਜ਼ਾਦ ਨੇ ਵੀ ਗਣਪਤੀ ਵਿਸਰਜਨ ‘ਚ ਹਿੱਸਾ ਲਿਆ। ਇਨ੍ਹਾਂ ਤਸਵੀਰਾਂ ‘ਚ ਰਿਤਿਕ ਆਪਣੇ ਪਿਤਾ ਰਾਕੇਸ਼ ਰੋਸ਼ਨ, ਮਾਂ ਪਿੰਕੀ ਰੋਸ਼ਨ, ਭੈਣ ਅਤੇ ਮਾਸੀ ਨਾਲ ਪੋਜ਼ ਦਿੰਦੇ ਨਜ਼ਰ ਆ ਰਹੇ ਹਨ। ਰਿਤਿਕ ਦੁਆਰਾ ਸ਼ੇਅਰ ਕੀਤੀ ਗਈ ਵੀਡੀਓ ਵਿੱਚ ਉਹ ਆਪਣੀ ਭਤੀਜੀ ਸੁਰਣਿਕਾ ਰੋਸ਼ਨ ਨਾਲ ਗਣਪਤੀ ਵਿਸਰਜਨ ਕਰ ਰਹੇ ਹਨ।
ਦੱਸ ਦਈਏ ਕਿ ਰਿਤਿਕ ਨੂੰ ਸਫੇਦ ਟੀ-ਸ਼ਰਟ ਅਤੇ ਬੇਜ ਪੈਂਟ ਦੇ ਨਾਲ ਸਲੇਟੀ ਰੰਗ ਦੀ ਜੈਕੇਟ ਵਿੱਚ ਦੇਖਿਆ ਗਿਆ। ਉਸ ਨੇ ਟੋਪੀ ਵੀ ਪਾਈ ਹੋਈ ਸੀ। ਜਦਕਿ ਸਬਾ ਆਜ਼ਾਦ ਪੀਲੇ ਸਲਵਾਰ ਸੂਟ ‘ਚ ਨਜ਼ਰ ਆਈ। ਰਿਤਿਕ ਦੇ ਪਿਤਾ ਰਾਕੇਸ਼ ਰੋਸ਼ਨ ਕੈਜ਼ੂਅਲ ਲੁੱਕ ‘ਚ ਨਜ਼ਰ ਆਏ। ਬਾਕੀ ਸਾਰੀਆਂ ਔਰਤਾਂ ਨੇ ਪਰੰਪਰਾਗਤ ਕਪੜੇ ਪਾਏ ਹੋਏ ਸਨ।