ਜਾਨ੍ਹਵੀ ਕਪੂਰ ਹਿੰਦੀ ਸਿਨੇਮਾ ਦੀ ਇੱਕ ਉੱਭਰਦੀ ਕਲਾਕਾਰ ਹੈ। ਉਹ ਆਖਰੀ ਵਾਰ ਫਿਲਮ ਮਿਲੀ ‘ਚ ਨਜ਼ਰ ਆਈ ਸੀ। ਇਸ ਫਿਲਮ ‘ਚ ਉਨ੍ਹਾਂ ਨੇ ਆਪਣੀ ਅਦਾਕਾਰੀ ਨਾਲ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤ ਲਿਆ ਸੀ। ਹੁਣ ਅਦਾਕਾਰਾ ਜੂਨੀਅਰ ਐਨਟੀਆਰ ਨਾਲ ਫਿਲਮ ਐਨਟੀਆਰ 30 ਵਿੱਚ ਨਜ਼ਰ ਆਵੇਗੀ। ਇਹ ਜਾਨ੍ਹਵੀ ਦੀ ਸਾਊਥ ਡੈਬਿਊ ਫਿਲਮ ਹੋਵੇਗੀ। ਹਿੰਦੀ ਸਿਨੇਮਾ ‘ਚ ਆਪਣੀ ਅਦਾਕਾਰੀ ਦਾ ਜਲਵਾ ਬਿਖੇਰਨ ਵਾਲੀ ਇਹ ਅਦਾਕਾਰਾ ਹੁਣ ਦੱਖਣ ‘ਚ ਵੀ ਆਪਣੀ ਅਦਾਕਾਰੀ ਦੇ ਜੌਹਰ ਦਿਖਾਏਗੀ। ਅੱਜ ਯਾਨੀ 3 ਅਪ੍ਰੈਲ ਨੂੰ ਜਾਹਨਵੀ ਆਪਣੀ ਭੈਣ ਖੁਸ਼ੀ ਨਾਲ ਤਿਰੁਮਾਲਾ ਮੰਦਰ ਪਹੁੰਚੀ । ਜਾਨ੍ਹਵੀ ਕਪੂਰ ਆਪਣੀ ਭੈਣ ਖੁਸ਼ੀ ਕਪੂਰ ਨਾਲ ਆਂਧਰਾ ਪ੍ਰਦੇਸ਼ ਦੇ ਤਿਰੂਪਤੀ ਪਹੁੰਚੀ ਅਤੇ ਉੱਥੇ ਤਿਰੂਮਾਲਾ ਬਾਲਾਜੀ ਮੰਦਰ ‘ਚ ਪੂਜਾ ਅਰਚਨਾ ਕੀਤੀ।
ਜਾਹਨਵੀ ਅਤੇ ਖੁਸ਼ੀ ਦਰਸ਼ਨ ਲਈ ਮੰਦਰ ਪਹੁੰਚੀਆਂ ਅਤੇ ਦੇਵਤਾ ਅੱਗੇ ਮੱਥਾ ਟੇਕਿਆ ਅਤੇ ਪੂਜਾ ਕੀਤੀ। ਇਸ ਦੌਰਾਨ ਜਾਨ੍ਹਵੀ ਅਤੇ ਖੁਸ਼ੀ ਦੇ ਨਾਲ ਉਨ੍ਹਾਂ ਦੇ ਕਰੀਬੀ ਲੋਕ ਵੀ ਮੌਜੂਦ ਸਨ। ਦੱਸ ਦੇਈਏ ਕਿ ਜਾਨ੍ਹਵੀ ਕਪੂਰ ਦੀ ਫਿਲਮ NTR 30 ਦੀ ਸ਼ੂਟਿੰਗ ਸ਼ੁਰੂ ਹੋ ਚੁੱਕੀ ਹੈ। ਇਸ ਫਿਲਮ ਦਾ ਨਿਰਦੇਸ਼ਨ ਕੋਰਤਾਲਾ ਸਿਵਾ ਕਰ ਰਹੇ ਹਨ। ਜੂਨੀਅਰ ਐਨਟੀਆਰ ਨੇ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਹੋਣ ਦੀ ਜਾਣਕਾਰੀ ਦਿੱਤੀ ਸੀ। ਸੋਸ਼ਲ ਮੀਡੀਆ ‘ਤੇ ਵੀਡੀਓ ਸ਼ੇਅਰ ਕਰਦੇ ਹੋਏ ਅਦਾਕਾਰ ਨੇ ਲਿਖਿਆ, ‘ਆ ਰਹਾ ਹਾਂ ਮੈਂ’। ਦੱਸ ਦੇਈਏ ਕਿ ਜਾਹਨਵੀ ਕਪੂਰ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਫਿਲਮ ‘ਧੜਕ’ ਰਾਹੀਂ ਕੀਤੀ ਸੀ। ਇਸ ਫਿਲਮ ‘ਚ ਉਨ੍ਹਾਂ ਦੇ ਨਾਲ ਈਸ਼ਾਨ ਖੱਟਰ ਨਜ਼ਰ ਆਏ ਸਨ।
