Jugjugg Jeeyo box office collection day 4: ਵਰੁਣ ਧਵਨ ਅਤੇ ਕਿਆਰਾ ਅਡਵਾਨੀ ਦੀ ਫਿਲਮ ਜੁਗ ਜੁਗ ਜੀਓ ਬਾਕਸ ਆਫਿਸ ‘ਤੇ ਸੁਸਤ ਹੁੰਦੀ ਜਾ ਰਹੀ ਹੈ। ਫਿਲਮ ਆਪਣੇ ਪਹਿਲੇ ਸੋਮਵਾਰ ਦੇ ਟੈਸਟ ਵਿੱਚ ਅਸਫਲ ਰਹੀ। ਫਿਲਮ ਨੇ ਰਿਲੀਜ਼ ਦੇ ਦਿਨ ਉਮੀਦ ਤੋਂ ਘੱਟ ਕਮਾਈ ਕੀਤੀ। ਹਾਲਾਂਕਿ ਹਫਤੇ ਦੇ ਅੰਤ ‘ਚ ਫਿਲਮ ਦੇ ਕਾਰੋਬਾਰ ‘ਚ ਉਛਾਲ ਦੇਖਣ ਨੂੰ ਮਿਲਿਆ। ਦੱਸ ਦੇਈਏ ਕਿ ਨੀਤੂ ਕਪੂਰ ਇਸ ਫਿਲਮ ਨਾਲ ਸੱਤ ਸਾਲ ਬਾਅਦ ਵੱਡੇ ਪਰਦੇ ‘ਤੇ ਵਾਪਸੀ ਕੀਤੀ ਹੈ। ਰਾਜ ਮਹਿਤਾ ਦੇ ਨਿਰਦੇਸ਼ਨ ‘ਚ ਬਣੀ ਜੁਗ ਜੁਗ ਜੀਓ ਨੇ ਬਾਕਸ ਆਫਿਸ ‘ਤੇ ਪਹਿਲੇ ਦਿਨ 9.28 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਦੂਜੇ ਦਿਨ ਇਸ ਨੇ 12-12.25 ਕਰੋੜ ਦਾ ਕਾਰੋਬਾਰ ਕੀਤਾ। ਇਸ ਦੇ ਨਾਲ ਹੀ ਵੀਕੈਂਡ ‘ਤੇ ਫਿਲਮ ਨੇ ਬੰਪਰ ਓਪਨਿੰਗ ਕਰਦੇ ਹੋਏ ਕਰੀਬ 14.50 ਕਰੋੜ ਦਾ ਕਲੈਕਸ਼ਨ ਕੀਤਾ।
ਹੁਣ ਆਪਣੇ ਪਹਿਲੇ ਸੋਮਵਾਰ ਜਾਂ ਫਿਰ ਚੌਥੇ ਦਿਨ ਫਿਲਮ ਨੇ ਸਿਰਫ 4.80 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਜਿਸ ਤੋਂ ਬਾਅਦ ਫਿਲਮ ਦਾ ਕੁਲ ਕਲੈਕਸ਼ਨ 41.73 ਕਰੋੜ ਹੋ ਗਿਆ ਹੈ। ਫਿਲਮ ਦੇ ਕਲੈਕਸ਼ਨ ‘ਚ 50 ਫੀਸਦੀ ਦੀ ਗਿਰਾਵਟ ਆਈ ਹੈ। ਫਿਲਮ ਮੁੰਬਈ ਅਤੇ ਦਿੱਲੀ ਵਿਚ ਚੰਗਾ ਪ੍ਰਦਰਸ਼ਨ ਕਰ ਰਹੀ ਹੈ, ਪਰ ਹੋਰ ਥਾਵਾਂ ‘ਤੇ ਖਾਸ ਤੌਰ ‘ਤੇ ਮਾਸ ਸਰਕਟ ਵਿਚ ਵੱਡੀ ਗਿਰਾਵਟ ਆਈ ਹੈ। ਫਿਲਮ ਦੀ ਕਹਾਣੀ ਦੀ ਗੱਲ ਕਰੀਏ ਤਾਂ ਇਹ ਕੁਕੂ (ਵਰੁਣ) ਅਤੇ ਨੈਨਾ (ਕਿਆਰਾ ਅਡਵਾਨੀ) ਦੀ ਹੈ। ਦੋਵਾਂ ਦਾ ਵਿਆਹ ਹੋ ਜਾਂਦਾ ਹੈ ਅਤੇ ਕਹਾਣੀ ਪੰਜ ਸਾਲ ਅੱਗੇ ਵਧਦੀ ਹੈ। ਹੁਣ ਉਨ੍ਹਾਂ ਵਿਚਕਾਰ ਪਿਆਰ ਖਤਮ ਹੋ ਗਿਆ ਹੈ ਅਤੇ ਦੂਰੀ ਆ ਗਈ ਹੈ। ਹੁਣ ਉਹ ਤਲਾਕ ਲੈਣਾ ਚਾਹੁੰਦਾ ਹੈ। ਕੁਕੂ ਦੀ ਭੈਣ ਗਿੰਨੀ (ਪ੍ਰਜਾਕਤਾ) ਦੇ ਵਿਆਹ ਦਾ ਟਰੈਕ ਕਹਾਣੀ ਨੂੰ ਅੱਗੇ ਲਿਜਾਣ ਲਈ ਆਉਂਦਾ ਹੈ।
