ਨਵੀਂ ਦਿੱਲੀ: ਅੱਜ ਬਾਲੀਵੁੱਡ ਦੀ ਕੁਈਨ ਯਾਨੀ ਕੰਗਨਾ ਰਣੌਤ ਦਾ ਜਨਮਦਿਨ ਹੈ। ਕੰਗਨਾ ਅੱਜ 36 ਸਾਲ ਦੀ ਹੋ ਗਈ ਹੈ। ਕੰਗਨਾ ਨੇ ਇਸ ਖਾਸ ਮੌਕੇ ‘ਤੇ ਇਕ ਵੀਡੀਓ ਜਾਰੀ ਕੀਤਾ ਹੈ। ਇਸ ਵੀਡੀਓ ‘ਚ ਕੰਗਨਾ ਉਨ੍ਹਾਂ ਸਾਰੇ ਲੋਕਾਂ ਦਾ ਧੰਨਵਾਦ ਕਰਦੀ ਨਜ਼ਰ ਆ ਰਹੀ ਹੈ ਜੋ ਉਸ ਨੂੰ ਪਿਆਰ ਕਰਦੇ ਹਨ ਅਤੇ ਉਸ ਦੇ ਸ਼ੁਭਚਿੰਤਕ ਹਨ। ਇਸ ਦੇ ਨਾਲ ਹੀ ਕੰਗਨਾ ਵੀਡੀਓ ‘ਚ ਆਪਣੇ ਦੁਸ਼ਮਣਾਂ ਤੋਂ ਮੁਆਫੀ ਮੰਗਦੀ ਵੀ ਨਜ਼ਰ ਆ ਰਹੀ ਹੈ। ਵੀਡੀਓ ‘ਚ ਕੰਗਨਾ ਰਣੌਤ ਕਹਿੰਦੀ ਹੈ, “ਮੇਰੇ ਦੁਸ਼ਮਨ, ਜਿਨ੍ਹਾਂ ਅੱਜ ਤੱਕ ਮੈਨੂੰ ਕਦੇ ਆਰਾਮ ਨਹੀਂ ਕਰਨ ਦਿੱਤਾ। ਚਾਹੇ ਜਿੰਨੀ ਮਰਜ਼ੀ ਕਾਮਯਾਬੀ ਮਿਲੀ, ਫਿਰ ਵੀ ਮੈਨੂੰ ਕਾਮਯਾਬੀ ਦੇ ਰਾਹ ‘ਤੇ ਚੱਲਦੇ ਰਖਿਆ। ਮੈਨੂੰ ਲੜਨਾ, ਸੰਘਰਸ਼ ਕਰਨਾ ਸਿਖਾਇਆ।” ਦੋਸਤੋਂ ਮੇਰੀ ਵੀਚਾਰਧਾਰਾ ਬਹੁਤ ਸਰਲ ਹੈ, ਮੇਰਾ ਅਚਰਣ, ਸੋਚ ਵੀ ਬਹੁਤ ਸਰਲ ਹੈ ਤੇ ਮਾਂ ਹਮੇਸ਼ਾ ਹੀ ਸਭ ਦਾ ਭਲਾ ਚਾਹੁੰਦੀ ਹਾਂ।
ਇਸ ਲਈ ਜੇਕਰ ਮੈਂ ਕਦੇ ਕਿਸੇ ਦੇ ਲਈ ਦੇਸ਼ਹਿੱਚ ‘ਚ ਜਾਂ ਲਾਰਜ ਪਿਕਚਰ ਲਈ ਮੈਂ ਕਿਸੇ ਲਈ ਕੁਝ ਕਿਹਾ ਗੋ ਅਤੇ ਉਨ੍ਹਾਂ ਨੂੰ ਇਸ ਦਾ ਦੁਖ ਹੋਇਆ ਹੋਵੇ, ਠੇਸ ਪਹੁੰਚੀ ਹੋਵੇ ਮੈਂ ਉਨ੍ਹਾਂ ਲਈ ਵੀ ਮੁਆਫ਼ੀ ਚਾਹੁੰਦੀ ਹਾਂ। ਦੱਸ ਦਈਏ ਕਿ ਕੰਗਨਾ ਆਪਣੇ ਜਨਮਦਿਨ ਮੌਕੇ ਉਦੈਪੁਰ ਵਿੱਚ ਹੈ। ਵੀਡੀਓ ਵਿੱਚ ਐਕਟਰਸ ਵੱਡੇ ਗੋਲਡਨ ਹਾਰ ਤੇ ਝੁਮਕੇ ਅਤੇ ਲਾਲ ਬਿੰਦੀ ਦੇ ਨਾਲ ਹਰੇ ਤੇ ਗੁਲਾਬੀ ਰੇਸ਼ਮੀ ਸਾੜੀ ਵਿੱਚ ਨਜ਼ਰ ਆ ਰਹੀ ਹੈ। ਉਸਨੇ ਆਪਣੇ ਮੈਸੇਜ ਦੀ ਸ਼ੁਰੂਆਤ ਆਪਣੀ ਮਾਂ ਤੇ ਪਿਤਾ ਦੇ ਸਮਰਥਨ ਲਈ ਤੇ ਉਸਦੇ ਗੁਰੂਆਂ (ਸਦਗੁਰੂ ਅਤੇ ਸਵਾਮੀ ਵਿਵੇਕਾਨੰਦ) ਦੀਆਂ ਸਿੱਖਿਆਵਾਂ ਲਈ ਧੰਨਵਾਦ ਕਰਕੇ ਕੀਤੀ। ਦੱਸ ਦਈਏ ਕਿ ਬੀਤੇ ਦਿਨੀ ਕੰਗਨਾ ਨੇ ਟਵਿਟਰ ‘ਤੇ ਸਿੰਗਰ-ਐਕਟਰ ਦਿਲਜੀਤ ਦੋਸਾਂਝ ‘ਤੇ ਨਿਸ਼ਾਨਾ ਸਾਧਿਆ ਸੀ। ਉਸਨੇ ਇਸ਼ਾਰਾ ਕੀਤਾ ਕਿ ਪੁਲਿਸ ਜਲਦੀ ਹੀ ਉਸਨੂੰ ਖਾਲਿਸਤਾਨੀਆਂ ਦੇ ਸਮਰਥਨ ਲਈ ਗ੍ਰਿਫਤਾਰ ਕਰੇਗੀ। ਉਹ ਇਸ ਤੋਂ ਪਹਿਲਾਂ ਆਲੀਆ ਭੱਟ, ਸਵਰਾ ਭਾਸਕਰ, ਆਮਿਰ ਖ਼ਾਨ ਤੇ ਤਾਪਸੀ ਪੰਨੂ ਨਾਲ ਵੀ ਝਗੜਾ ਕਰ ਚੁੱਕੀ ਹੈ।
