ਡਿਜ਼ਨੀ+ ਹੌਟਸਟਾਰ ਦਾ ‘ਕੌਫੀ ਵਿਦ ਕਰਨ ਸੀਜ਼ਨ 7’ ਪੂਰੇ ਜ਼ੋਰਾਂ ‘ਤੇ ਚੱਲ ਰਿਹਾ ਹੈ। ਸਾਰਾ ਅਲੀ ਖਾਨ ਤੋਂ ਲੈ ਕੇ ਅਨੰਨਿਆ ਪਾਂਡੇ ਅਤੇ ਸਿਧਾਰਥ ਮਲਹੋਤਰਾ ਤੱਕ, ਸਾਰੇ ਸਿਤਾਰਿਆਂ ਨੇ ਕਾਉਚ ‘ਤੇ ਬੈਠ ਆਪਣੇ ਦਿਲ ਦਾ ਪ੍ਰਗਟਾਵਾ ਕੀਤਾ। ਹੁਣ ਸੀਜ਼ਨ ਦੇ ਨੌਵੇਂ ਐਪੀਸੋਡ ‘ਚ ਦੋ ਅਜਿਹੇ ਸਿਤਾਰੇ ਨਜ਼ਰ ਆਉਣ ਵਾਲੇ ਹਨ, ਜਿਨ੍ਹਾਂ ਨੇ ਇਕੱਠੇ ਇੰਡਸਟਰੀ ‘ਚ ਡੈਬਿਊ ਕੀਤਾ ਸੀ ਅਤੇ ਹੁਣ ਦਰਸ਼ਕਾਂ ਦੇ ਦਿਲਾਂ ‘ਚ ਖਾਸ ਜਗ੍ਹਾ ਬਣਾ ਲਈ ਹੈ। ਅਸੀਂ ਗੱਲ ਕਰ ਰਹੇ ਹਾਂ ਐਕਸ਼ਨ ਸਟਾਰ ਟਾਈਗਰ ਸ਼ਰਾਫ ਅਤੇ ਬਹੁਤ ਹੀ ਪ੍ਰਤਿਭਾਸ਼ਾਲੀ ਕ੍ਰਿਤੀ ਸੈਨਨ ਦੀ ਜੋ ਸ਼ੋਅ ਵਿੱਚ ਇਕੱਠੇ ਨਜ਼ਰ ਆਉਣ ਵਾਲੇ ਹਨ। ਕ੍ਰਿਤੀ ਅਤੇ ਟਾਈਗਰ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਫਿਲਮ ‘ਹੀਰੋਪੰਤੀ’ ਨਾਲ ਕੀਤੀ ਸੀ। ਅਜਿਹੇ ‘ਚ ਜਦੋਂ ਕ੍ਰਿਤੀ ਅਤੇ ਟਾਈਗਰ ਕਰਨ ਦੇ ਸ਼ੋਅ ‘ਚ ਇਕੱਠੇ ਪਹੁੰਚੇ ਤਾਂ ਸ਼ੋਅ ਦੇ ਹੋਸਟ ਕਰਨ ਨੇ ਹੀਰੋਪੰਤੀ ਜੋੜੀ ਦੇ ਰੂਪ ‘ਚ ਉਨ੍ਹਾਂ ਦਾ ਸਵਾਗਤ ਕੀਤਾ।
ਕ੍ਰਿਤੀ ਅਤੇ ਟਾਈਗਰ ਨੇ ਕਰਨ ਦੇ ਨਾਲ ਕੌਫੀ ਪੀਂਦੇ ਹੋਏ ਕਈ ਰਾਜ਼ ਖੋਲ੍ਹੇ ਹਨ।ਕੁਝ ਸਮਾਂ ਪਹਿਲਾਂ ਸਾਹਮਣੇ ਆਇਆ ਇਹ ਪ੍ਰੋਮੋ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਪ੍ਰੋਮੋ ‘ਚ ਦਿਖਾਇਆ ਗਿਆ ਹੈ ਕਿ ਕਰਨ ਜੌਹਰ ਕ੍ਰਿਤੀ ਸੈਨਨ ਤੋਂ ਪੁੱਛਦੇ ਹਨ, ਕੀ ‘ਹੀਰੋਪੰਤੀ 1’ ਤੋਂ ਪਹਿਲਾਂ ਕਦੇ ਤੁਹਾਨੂੰ ਆਡੀਸ਼ਨ ‘ਚ ਰਿਜੈਕਟ ਕੀਤਾ ਗਿਆ ਸੀ? ਕ੍ਰਿਤੀ ਦਾ ਜਵਾਬ ਸੁਣ ਕੇ ਕਰਨ ਜੌਹਰ ਦੇ ਹੋਸ਼ ਉੱਡ ਗਏ। ਕ੍ਰਿਤੀ ਸੈਨਨ ਨੇ ਜਵਾਬ ਦਿੱਤਾ ਕਿ, ‘ਉਸਦਾ ਪਹਿਲਾ ਆਡੀਸ਼ਨ ਫਿਲਮ ‘ਸਟੂਡੈਂਟ ਆਫ ਦਿ ਈਅਰ’ ਲਈ ਸੀ ਅਤੇ ਉਹ ਨਿਰਾਸ਼ ਸੀ। ਕ੍ਰਿਤੀ ਸੈਨਨ ‘ਕੌਫੀ ਵਿਦ ਕਰਨ’ ਫਿਲਮ ਦੀ ਗੱਲ ਕਰ ਰਹੀ ਹੈ, ਤੁਹਾਨੂੰ ਦੱਸ ਦੇਈਏ ਕਿ ਕਰਨ ਜੌਹਰ ਨੇ ਉਸ ਫਿਲਮ ਲਈ ਆਲੀਆ ਭੱਟ ਨੂੰ ਚੁਣਿਆ ਸੀ। ਆਲੀਆ ਨੇ ਕਰਨ ਦੀ ਫਿਲਮ ‘ਸਟੂਡੈਂਟ ਆਫ ਦਿ ਈਅਰ’ ਨਾਲ ਬਾਲੀਵੁੱਡ ‘ਚ ਡੈਬਿਊ ਕੀਤਾ ਸੀ। ਆਲੀਆ ਭੱਟ ਅੱਜ ਇੰਡਸਟਰੀ ਦੀ ਟਾਪ ਅਦਾਕਾਰਾ ਹੈ।
