ਟੀਵੀ ਅਦਾਕਾਰਾ ਕਰਿਸ਼ਮਾ ਤੰਨਾ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਸੀਰੀਅਲ ‘ਕਿਉਂਕਿ ਸਾਸ ਭੀ ਕਭੀ ਬਹੂ ਥੀ’ ਨਾਲ ਕੀਤੀ ਸੀ ਅਤੇ ਹੁਣ ਉਹ ਛੋਟੇ ਪਰਦੇ ਦੀਆਂ ਸਭ ਤੋਂ ਸਫਲ ਅਭਿਨੇਤਰੀਆਂ ਵਿੱਚੋਂ ਇੱਕ ਹੈ। ਉਹ ਅਕਸਰ ਲਾਈਮਲਾਈਟ ‘ਚ ਰਹਿੰਦੀ ਹੈ। ਪੇਸ਼ੇਵਰ ਫਰੰਟ ਤੋਂ ਇਲਾਵਾ, ਉਹ ਆਪਣੀ ਨਿੱਜੀ ਜ਼ਿੰਦਗੀ ਵੱਲ ਵੀ ਸਾਰਿਆਂ ਦਾ ਧਿਆਨ ਖਿੱਚਦੀ ਹੈ। ਅਦਾਕਾਰਾ ਪਤੀ ਵਰੁਣ ਬੰਗੇਰਾ ਨਾਲ ਛੁੱਟੀਆਂ ਮਨਾਉਣ ਦੇ ਮੂਡ ਵਿੱਚ ਹੈ। ਹੋਰ ਮਸ਼ਹੂਰ ਹਸਤੀਆਂ ਵਾਂਗ ਕਰਿਸ਼ਮਾ ਤੰਨਾ ਵੀ ਆਪਣੇ ਪਤੀ ਦੇਵ ਵਰੁਣ ਬੰਗੇਰਾ ਨਾਲ ਗਰਮੀਆਂ ਦੀਆਂ ਛੁੱਟੀਆਂ ਦਾ ਆਨੰਦ ਮਾਣ ਰਹੀ ਹੈ।
ਅਦਾਕਾਰਾ ਨੇ ਆਪਣੀ ਛੁੱਟੀਆਂ ਲਈ ਸਪੇਨ ਨੂੰ ਚੁਣਿਆ ਹੈ। ਹਾਲ ਹੀ ‘ਚ ਕਰਿਸ਼ਮਾ ਤੰਨਾ ਨੇ ਆਪਣੀ ਇੰਸਟਾ ਸਟੋਰੀ ‘ਤੇ ਯਾਟ ‘ਤੇ ਮਸਤੀ ਕਰਨ ਦੀਆਂ ਝਲਕੀਆਂ ਸਾਂਝੀਆਂ ਕੀਤੀਆਂ ਹਨ, ਜਿਸ ‘ਚ ਅਭਿਨੇਤਰੀ ਨੂੰ ਆਪਣੇ ਪਤੀ ਵਰੁਣ ਨਾਲ ਰੋਮਾਂਟਿਕ ਕਰਦੇ ਦੇਖਿਆ ਜਾ ਸਕਦਾ ਹੈ। ਇਹ ਝਲਕੀਆਂ ਸਪੇਨ ਦੇ ਪਾਲਮਾ ਬੀਚ ਦੀਆਂ ਹਨ। ਕਰਿਸ਼ਮਾ ਤੰਨਾ ਚਿੱਟੇ-ਨੀਲੇ ਰੰਗ ਦੀ ਮਿਡੀ ਡਰੈੱਸ ‘ਚ ਸ਼ਾਨਦਾਰ ਲੱਗ ਰਹੀ ਸੀ, ਜਦਕਿ ਵਰੁਣ ਟੀ-ਸ਼ਰਟ ਅਤੇ ਸ਼ਾਰਟ ‘ਚ ਖੂਬਸੂਰਤ ਲੱਗ ਰਹੇ ਸਨ।
‘ਕਿਉਂਕੀ ਸਾਸ ਭੀ ਕਭੀ ਬਹੂ ਥੀ’ ਤੋਂ ਇਲਾਵਾ ਅਦਾਕਾਰਾ ਕਰਿਸ਼ਮਾ ‘ਨਾਗਿਨ’ ਅਤੇ ‘ਕਯਾਮਤ ਕੀ ਰਾਤ’ ਵਰਗੇ ਸੀਰੀਅਲਾਂ ‘ਚ ਵੀ ਕੰਮ ਕਰ ਚੁੱਕੀ ਹੈ। ਇੰਨਾ ਹੀ ਨਹੀਂ, ਉਹ ‘ਜ਼ਾਰਾ ਨੱਚਕੇ ਦੀਖਾ 1’, ‘ਨੱਚ ਬਲੀਏ 7’, ‘ਝਲਕ ਦਿਖਲਾ ਜਾ 9’ ਵਰਗੇ ਰਿਐਲਿਟੀ ਸ਼ੋਅ ਦਾ ਹਿੱਸਾ ਰਹਿ ਚੁੱਕੀ ਹੈ। ਉਹ ਸਟੰਟ ਆਧਾਰਿਤ ਰਿਐਲਿਟੀ ਸ਼ੋਅ ‘ਖਤਰੋਂ ਕੇ ਖਿਲਾੜੀ 10’ ਦਾ ਖਿਤਾਬ ਵੀ ਜਿੱਤ ਚੁੱਕੀ ਹੈ।
