ਯੇ ਹੈ ਮੁਹੱਬਤੇਂ ਅਤੇ ਨਾਗਿਨ ਟੀਵੀ ਸ਼ੋਅ ਦੀ ਅਦਾਕਾਰਾ ਕ੍ਰਿਸ਼ਨਾ ਮੁਖਰਜੀ ਨੇ ਆਪਣੇ ਬੁਆਏਫ੍ਰੈਂਡ ਚਿਰਾਗ ਬਾਟਲੀਵਾਲਾ ਨਾਲ ਮੰਗਣੀ ਕਰ ਲਈ ਹੈ। ਜੋੜੇ ਨੇ ਮਨਾਲੀ ਵਿੱਚ ਆਪਣੇ ਕਰੀਬੀ ਦੋਸਤਾਂ ਅਤੇ ਪਰਿਵਾਰਕ ਮੈਂਬਰਾਂ ਵਿੱਚ ਇੱਕ ਬਹੁਤ ਹੀ ਨਿੱਜੀ ਸਮਾਰੋਹ ਵਿੱਚ ਮੰਗਣੀ ਕੀਤੀ। ਅਦਾਕਾਰਾ ਦੀਆਂ ਇਸ ਰਸਮ ਦੀਆਂ ਜਾਰੀ ਹੋਈਆਂ ਪਹਿਲੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀਆਂ ਹਨ। ਤਸਵੀਰਾਂ ਦੇ ਵਿੱਚ ਤੁਸੀਂ ਵੇਖ ਸਕਦੇ ਹੋ ਕਿ ਕ੍ਰਿਸ਼ਨਾ ਨੇ ਬੇਹੱਦ ਖੂਬਸੂਰਤ ਚਿੱਟੇ ਰੰਗ ਦਾ ਗਾਊਨ ਪਾਇਆ ਹੋਇਆ ਹੈ। ਇਸ ਦੇ ਨਾਲ ਹੀ ਉਸ ਨੇ ਸਿੰਪਲ ਤੇ ਐਲੀਗੈਂਟ ਮੇਅਕਪ ਕੀਤਾ ਹੋਇਆ ਸੀ।
ਇਸ ਦੌਰਾਨ ਕ੍ਰਿਸ਼ਨਾ ਦੇ ਮੰਗੇਤਰ ਚਿਰਾਗ ਆਪਣੀ ਮਰਚੈਂਟ ਨੇਵੀ ਦੀ ਡਰੈਸ ਵਿੱਚ ਨਜ਼ਰ ਆਏ। ਮੰਗਣੀ ਦੀਆਂ ਤਸਵੀਰਾਂ ‘ਚ ਕ੍ਰਿਸ਼ਨਾ ਅਤੇ ਚਿਰਾਗ ਪੂਰੀ ਤਰ੍ਹਾਂ ਪਿਆਰ ‘ਚ ਗੁਆਚੇ ਨਜ਼ਰ ਆ ਰਹੇ ਹਨ। ਇਸ ਦੌਰਾਨ ਚਿਰਾਗ ਵੀ ਆਪਣੀ ਲਵ ਲੇਡੀ ਨੂੰ ਨੇਵੀ ਕੈਪ ਪਹਿਨਾਉਂਦੇ ਹੋਏ ਨਜ਼ਰ ਆਏ। ਕ੍ਰਿਸ਼ਨਾ ਮੁਖਰਜ਼ੀ ਦੀ ਮੰਗਣੀ ‘ਤੇ ਟੀਵੀ ਸੈਲੇਬ੍ਰਿਟੀਜ਼ ਅਲੀ ਗੋਨੀ, ਜੈਸਮੀਨ ਭਸੀਨ ਅਤੇ ਸ਼ੀਰੀਨ ਮਿਰਜ਼ਾ ਪਹੁੰਚੀਆਂ ਸਨ। ਕ੍ਰਿਸ਼ਨਾ ਮੁਖਰਜ਼ੀ ਦੀ ਮੰਗਣੀ ਤੋਂ ਇੱਕ ਭਾਵੁਕ ਨੋਟ ਸਾਂਝਾ ਕਰਦੇ ਹੋਏ, ਅਲੀ ਗੋਨੀ ਨੇ ਲਿਖਿਆ, “ਮੇਰੀਆਂ ਅੱਖਾਂ ਵਿੱਚ ਹੰਝੂ ਸਨ ਕਿਉਂਕਿ ਮੈਂ ਜਾਣਦਾ ਹਾਂ ਕਿ ਤੁਸੀਂ ਇਸ ਡਰੈੱਸ ਨਾਲ ਆਪਣੀ ਜ਼ਿੰਦਗੀ ਦੇ ਇਸ ਖਾਸ ਦਿਨ ਦਾ ਕਿੰਨਾ ਇੰਤਜ਼ਾਰ ਕਰ ਰਹੇ ਸੀ।
ਮੈਂ ਬਹੁਤ ਖੁਸ਼ ਹਾਂ ਕਿਉਂਕਿ ਤੁਹਾਨੂੰ ਆਪਣੀ ਜ਼ਿੰਦਗੀ ਦਾ ਸਭ ਤੋਂ ਵਧੀਆ ਵਿਅਕਤੀ ਮਿਲਿਆ ਹੈ ਅਤੇ ਉਹ ਬਹੁਤ ਵਧੀਆ ਵਿਅਕਤੀ ਹੈ। ਤੁਸੀਂ ਦੋਵੇਂ ਇੱਕ ਦੂਜੇ ਲਈ ਬਣੇ ਹੋ। ਰੱਬ ਤੁਹਾਨੂੰ ਦੋਵਾਂ ਨੂੰ ਅਸੀਸ ਦੇਵੇ ਅਤੇ ਅਗਲੇ ਸਾਲ ਤੁਹਾਡੇ ਵੱਡੇ ਦਿਨ ‘ਤੇ ਹੋਰ ਮਸਤੀ ਕਰੇ।”
