ਬਾਲੀਵੁੱਡ ਸੁਪਰਸਟਾਰ ਆਯੁਸ਼ਮਾਨ ਖੁਰਾਨਾ ਦੀ ਆਉਣ ਵਾਲੀ ਫਿਲਮ ‘ਐਨ ਐਕਸ਼ਨ ਹੀਰੋ’ ਇਨ੍ਹੀਂ ਦਿਨੀਂ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਇਸ ਫਿਲਮ ‘ਚ ਅਭਿਨੇਤਰੀ ਮਲਾਇਕਾ ਅਰੋੜਾ ਕਾਫੀ ਸਮੇਂ ਬਾਅਦ ਕਿਸੇ ਆਈਟਮ ਗੀਤ ਰਾਹੀਂ ਧਮਾਲ ਮਚਾਉਂਦੀ ਨਜ਼ਰ ਆਵੇਗੀ। ਐਕਸ਼ਨ ਹੀਰੋ ਦਾ ਮਲਾਇਕਾ ਅਰੋੜਾ ਦਾ ਨਵਾਂ ਗੀਤ ‘ਆਪ ਜੈਸਾ ਕੋਈ’ ਸ਼ਨੀਵਾਰ ਨੂੰ ਰਿਲੀਜ਼ ਹੋ ਗਿਆ ਹੈ। ਮਲਾਇਕਾ ਇਹ ਗੀਤ ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਜ਼ੀਨਤ ਅਮਾਨ ਦੇ ਮਸ਼ਹੂਰ ਗੀਤ ਦਾ ਰੀਮੇਕ ਹੈ। ਮਲਾਇਕਾ ਅਰੋੜਾ ਸ਼ਨੀਵਾਰ ਨੂੰ ਆਯੁਸ਼ਮਾਨ ਖੁਰਾਨਾ ਦੀ ਆਉਣ ਵਾਲੀ ਫਿਲਮ ‘ਐਨ ਐਕਸ਼ਨ ਹੀਰੋ’ ਦੇ ਗੀਤ ‘ਆਪ ਜੈਸਾ ਕੋਈ’ ਨਾਲ ਵਾਪਸੀ ਕਰ ਰਹੀ ਹੈ। ਮਲਾਇਕਾ ਦੇ ਆਈਟਮ ਨੰਬਰਾਂ ਦੀ ਕਾਫੀ ਸਮੇਂ ਤੋਂ ਫਿਲਮਾਂ ‘ਚ ਕਮੀ ਰਹੀ ਹੈ।
‘ਆਪ ਜੈਸਾ ਕੋਈ’ ਗੀਤ ‘ਚ ਮਲਾਇਕਾ ਅਰੋੜਾ ਆਪਣੇ ਡਾਂਸ ਮੂਵ ਨਾਲ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤ ਰਹੀ ਹੈ। ਮਲਾਇਕਾ ਦਾ ਇਹ ਨਵਾਂ ਗੀਤ ਅਦਾਕਾਰਾ ਜ਼ੀਨਤ ਅਮਾਨ ਦੀ ਫਿਲਮ ‘ਕੁਰਬਾਨੀ’ ਦੇ ਗੀਤ ‘ਆਪ ਜੈਸਾ ਕੋਈ’ ਦਾ ਰੀਮੇਕ ਹੈ। ਮਲਾਇਕਾ ਅਰੋੜਾ ਇਸ ਗੀਤ ‘ਚ ਅਭਿਨੇਤਾ ਆਯੁਸ਼ਮਾਨ ਖੁਰਾਨਾ ਨਾਲ ਜ਼ਬਰਦਸਤ ਡਾਂਸ ਕਰਦੀ ਨਜ਼ਰ ਆ ਰਹੀ ਹੈ। ਇੰਨਾ ਹੀ ਨਹੀਂ ਗਾਣੇ ‘ਚ ਮਲਾਇਕਾ ਅਰੋੜਾ ਦੇ ਗਲੈਮਰਸ ਅੰਦਾਜ਼ ਦਾ ਜਾਦੂ ਵੀ ਤੁਸੀਂ ਆਸਾਨੀ ਨਾਲ ਦੇਖ ਸਕੋਗੇ। ਦੱਸਣਯੋਗ ਹੈ ਕਿ ਇਸ ਤੋਂ ਪਹਿਲਾਂ ਮਲਾਇਕਾ ਅਰੋੜਾ ‘ਮੁੰਨੀ ਬਦਨਾਮ’, ‘ਹੋਠ ਰਸੀਲੇ’ ਅਤੇ ‘ਅਨਾਰਕਲੀ ਡਿਸਕੋ ਚਲੀ’ ਵਰਗੇ ਕਈ ਆਈਟਮ ਗੀਤਾਂ ‘ਚ ਆਪਣੇ ਡਾਂਸ ਦਾ ਜਲਵਾ ਬਿਖੇਰ ਚੁੱਕੀ ਹੈ।
