ਅਭਿਨੇਤਰੀ ਮੌਨੀ ਰਾਏ ਅਤੇ ਸੂਰਜ ਨਾਂਬਿਆਰ ਹਮੇਸ਼ਾ ਲਈ ਇਕ-ਦੂਜੇ ਦੇ ਹੋ ਗਏ ਹਨ। ਸੂਰਜ ਅਤੇ ਮੌਨੀ ਲੰਬੇ ਸਮੇਂ ਤੋਂ ਇੱਕ ਦੂਜੇ ਨੂੰ ਡੇਟ ਕਰ ਰਹੇ ਸਨ। ਵਿਆਹ ਤੋਂ ਬਾਅਦ ਮੌਨੀ ਨੂੰ ਹਰ ਪਾਸੇ ਤੋਂ ਵਧਾਈਆਂ ਮਿਲ ਰਹੀਆਂ ਹਨ। ਦੋਵਾਂ ਦੀ 27 ਜਨਵਰੀ ਨੂੰ ਗੋਆ ‘ਚ ਡੈਸਟੀਨੇਸ਼ਨ ਵੈਡਿੰਗ ਸੀ, ਜਿਸ ‘ਚ ਕਈ ਸਿਤਾਰਿਆਂ ਨੇ ਵੀ ਸ਼ਿਰਕਤ ਕੀਤੀ ਸੀ। ਵਿਆਹ ਤੋਂ ਬਾਅਦ ਹੁਣ ਮੌਨੀ ਮੁੰਬਈ ਵਾਪਸ ਆ ਗਈ ਹੈ।ਹਾਲ ਹੀ ‘ਚ ਮੌਨੀ ਰਾਏ ਨੂੰ ਮੁੰਬਈ ਏਅਰਪੋਰਟ ‘ਤੇ ਨਵ-ਵਿਆਹੀ ਦੁਲਹਨ ਦੇ ਲੁੱਕ ‘ਚ ਸਪੌਟ ਕੀਤਾ ਗਿਆ ਸੀ।ਨਾਲ ਹੀ ਉਨ੍ਹਾਂ ਦੇ ਪਤੀ ਸੂਰਜ ਨੰਬਿਆਰ ਵੀ ਮੌਜੂਦ ਸਨ।
ਇੱਥੋਂ ਮੌਨੀ ਮੁੰਬਈ ‘ਚ ਸੂਰਜ ਨੰਬਿਆਰ ਦੇ ਘਰ ਪਹੁੰਚੀ, ਜਿੱਥੇ ਉਸ ਦਾ ਸ਼ਾਨਦਾਰ ਸਵਾਗਤ ਕੀਤਾ ਗਿਆ। ਪਰ ਘਰ ‘ਚ ਐਂਟਰੀ ਦੌਰਾਨ ਮੌਨੀ ਕਾਫੀ ਭਾਵੁਕ ਹੋ ਗਈ। ਆਪਣੀ ਨਵੀਂ ਦੁਲਹਨ ਨੂੰ ਭਾਵੁਕ ਹੁੰਦੇ ਦੇਖ ਸੂਰਜ ਨੰਬਰਬਾਰ ਨੇ ਉਸ ਨੂੰ ਖਾਸ ਤਰੀਕੇ ਨਾਲ ਖੁਸ਼ ਕੀਤਾ। ਦਰਅਸਲ, ਮੁੰਬਈ ਦੇ ਨਵੇਂ ਘਰ ਵਿੱਚ ਸੂਰਜ ਅਤੇ ਮੌਨੀ ਦੇ ਪਰਿਵਾਰ ਅਤੇ ਦੋਸਤਾਂ ਨੇ ਮੌਨੀ ਦੇ ਸਵਾਗਤ ਦਾ ਇੱਕ ਸ਼ਾਨਦਾਰ ਪਲਾਨ ਬਣਾਇਆ ਸੀ। ਘਰ ਦੇ ਪ੍ਰਵੇਸ਼ ਲਈ ਬਹੁਤ ਸਾਰੀਆਂ ਤਿਆਰੀਆਂ ਕੀਤੀਆਂ ਗਈਆਂ ਸਨ। ਜਿਵੇਂ ਹੀ ਮੌਨੀ ਲਾਲ ਸਾੜੀ ਵਿੱਚ ਆਉਂਦੀ ਹੈ, ਇਹ ਸਭ ਦੇਖ ਕੇ ਰੋਣ ਲੱਗ ਜਾਂਦੀ ਹੈ। ਆਪਣੀ ਪਤਨੀ ਨੂੰ ਭਾਵੁਕ ਦੇਖ ਕੇ ਸੂਰਜ ਨੰਬਿਆਰ ਨੇ ਉਸ ਨੂੰ ਬਹੁਤ ਪਿਆਰ ਕੀਤਾ।
ਉਸ ਦੇ ਮੱਥੇ ਨੂੰ ਚੁੰਮਿਆ ਅਤੇ ਫਿਰ ਭੰਗੜਾ ਪਾਉਂਦੇ ਹੋਏ ਸਵਾਗਤ ਕੀਤਾ। ਮੌਨੀ ਦੀ ਗ੍ਰਹਿ ਪ੍ਰਵੇਸ਼ ਰਸਮ ਦਾ ਵੀਡੀਓ ਵੀ ਸਾਹਮਣੇ ਆਇਆ ਹੈ, ਜਿਸ ‘ਚ ਅਭਿਨੇਤਰੀ ਨੂੰ ਪਹਿਲਾਂ ਆਪਣੇ ਪੈਰਾਂ ਤੋਂ ਚੌਲਾਂ ਨਾਲ ਭਰਿਆ ਕਲਸ਼ ਸੁੱਟ ਕੇ ਅਤੇ ਫਿਰ ਆਲਤੇ ਨਾਲ ਭਰੀ ਪਲੇਟ ‘ਤੇ ਪੈਰ ਰੱਖ ਕੇ ਘਰ ‘ਚ ਦਾਖਲ ਹੁੰਦੇ ਦੇਖਿਆ ਜਾ ਸਕਦਾ ਹੈ। ਇਸ ਸਮਾਰੋਹ ਦੌਰਾਨ ਮੌਨੀ ਦੇ ਖਾਸ ਦੋਸਤ ਵੀ ਮੌਜੂਦ ਸਨ। ਮੌਨੀ ਦੇ ਘਰ ‘ਚ ਐਂਟਰੀ ਦੀ ਵੀਡੀਓ ‘ਚ ਅਰਜੁਨ ਬਿਜਲਾਨੀ ਅਤੇ ਰਾਹੁਲ ਸ਼ੈੱਟੀ ਦੀ ਝਲਕ ਵੀ ਦੇਖੀ ਜਾ ਸਕਦੀ ਹੈ। ਵਿਆਹ ਤੋਂ ਬਾਅਦ ਮਨੋਰੰਜਨ ਜਗਤ ਦੇ ਸਿਤਾਰੇ ਸੋਸ਼ਲ ਮੀਡੀਆ ਰਾਹੀਂ ਮੌਨੀ-ਸੂਰਜ ਨੂੰ ਵਧਾਈਆਂ ਦੇ ਰਹੇ ਹਨ।
