ਟੀਵੀ ਕਾਮੇਡੀ ਸ਼ੋਅ ‘ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ’ ‘ਚ ਬਬੀਤਾ ਜੀ ਦਾ ਕਿਰਦਾਰ ਨਿਭਾਉਣ ਵਾਲੀ ਮੁਨਮੁਨ ਦੱਤਾ ਹਾਲ ਹੀ ‘ਚ ਹਾਦਸੇ ਦਾ ਸ਼ਿਕਾਰ ਹੋ ਗਈ। ਮੁਨਮੁਨ ਦਾ ਜਰਮਨੀ ਵਿੱਚ ਐਕਸੀਡੈਂਟ ਹੋਇਆ ਸੀ। ਇਸ ਗੱਲ ਦੀ ਜਾਣਕਾਰੀ ਉਨ੍ਹਾਂ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਦਿੱਤੀ ਹੈ। ਦੱਸ ਦੇਈਏ ਕਿ ਹਾਦਸੇ ਦੇ ਸਮੇਂ ਮੁਨਮੁਨ ਯੂਰਪ ਦੀ ਯਾਤਰਾ ‘ਤੇ ਸੀ ਅਤੇ ਹੁਣ ਉਹ ਇਸ ਸੱਟ ਕਾਰਨ ਭਾਰਤ ਵਾਪਸ ਆ ਰਹੀ ਹੈ। ਪਰ ਭਾਰਤ ਆਉਣ ਤੋਂ ਪਹਿਲਾਂ ਹੀ ਅਦਾਕਾਰਾ ਸਾਊਦੀ ਅਰਬ ਪਹੁੰਚ ਚੁੱਕੀ ਹੈ। ਮੁਨਮੁਨ ਦੱਤਾ ਨੇ ਆਪਣਾ ਯੂਰਪ ਦੌਰਾ ਕੁਝ ਸਮਾਂ ਪਹਿਲਾਂ ਸ਼ੁਰੂ ਕੀਤਾ ਸੀ ਪਰ ਉਸ ਨੇ ਜਰਮਨੀ ਵਿੱਚ ਉਹਨਾਂ ਦੇ ਖੱਬੇ ਗੋਡੇ ਤੇ ਸੱਟ ਲੱਗ ਗਈ ਅਤੇ ਹੁਣ ਉਹ ਘਰ ਵਾਪਸ ਜਾ ਰਹੀ ਹੈ। ਪਰ ਹਾਲ ਹੀ ‘ਚ ਮੁਨਮੁਨ ਦੱਤਾ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ਇਕ ਤਸਵੀਰ ਸ਼ੇਅਰ ਕੀਤੀ ਹੈ। ਫੋਟੋ ਵਿੱਚ ਉਹ ਸਾਊਦੀ ਦੇ ਜੇਦਾਹ ਪਹੁੰਚੀ ਹੋਈ ਹੈ। ਇੱਥੇ ਉਹ ਕਿਸੇ ਰੈਸਟੋਰੈਂਟ ਜਾਂ ਏਅਰਪੋਰਟ ਲਾਉਂਜ ਵਿੱਚ ਬੈਠੀ ਨਜ਼ਰ ਆ ਰਹੀ ਹੈ।
ਮੁਨਮੁਨ ਦੱਤਾ ਦੇ ਚਿਹਰੇ ‘ਤੇ ਮੁਸਕਰਾਹਟ ਦੱਸ ਰਹੀ ਹੈ ਕਿ ਉਹ ਯਾਤਰਾ ਦੌਰਾਨ ਆਪਣੀ ਸੱਟ ਨੂੰ ਪੂਰੀ ਤਰ੍ਹਾਂ ਭੁੱਲ ਗਈ ਹੈ। ਫੋਟੋ ‘ਚ ਤੁਸੀਂ ਦੇਖ ਸਕਦੇ ਹੋ ਕਿ ਉਸ ਨੇ ਹਰੇ ਰੰਗ ਦੀ ਕਮੀਜ਼ ਪਾਈ ਹੋਈ ਹੈ ਅਤੇ ਆਪਣੇ ਵਾਲ ਖੁੱਲ੍ਹੇ ਰੱਖੇ ਹੋਏ ਹਨ। ਮੁਨਮੁਨ ਦੀਆਂ ਇਹ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਖੂਬ ਵਾਇਰਲ ਹੋ ਰਹੀ ਹੈ । ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਮੁਨਮੁਨ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ਜੇਦਾਹ ਦੀ ਸੈਟੇਲਾਈਟ ਫੋਟੋ ਸ਼ੇਅਰ ਕੀਤੀ ਸੀ। ਇਨ੍ਹਾਂ ਤਸਵੀਰਾਂ ‘ਚ ਮੁਨਮੁਨ ਨੂੰ ਦੇਖ ਕੇ ਲੱਗਦਾ ਹੈ ਕਿ ਫਿਲਹਾਲ ਉਹ ਠੀਕ ਹੈ। ਕੁਝ ਦਿਨ ਪਹਿਲਾਂ ਮੁਨਮੁਨ ਸਵਿਟਜ਼ਰਲੈਂਡ ਦੇ ਇੰਟਰਲੇਕਨ ਤੋਂ ਟਰੇਨ ਰਾਹੀਂ ਜਰਮਨੀ ਗਈ ਸੀ। ਉਥੋਂ ਉਸ ਨੇ ਸਵਾਦਿਸ਼ਟ ਭੋਜਨ ਦੀ ਤਸਵੀਰ ਵੀ ਸਾਂਝੀ ਕੀਤੀ ਜਦੋਂ ਉਹ ਕਿਸੇ ਦੇ ਘਰ ਠਹਿਰੀ ਹੋਈ ਸੀ। ਦੱਸ ਦੇਈਏ ਕਿ ਜਰਮਨੀ ਤੋਂ ਪਹਿਲਾਂ ਮੁਨਮੁਨ ਸਵਿਟਜ਼ਰਲੈਂਡ ਵਿੱਚ ਸੀ।
