ਬਾਲੀਵੁੱਡ ਅਭਿਨੇਤਾ ਅਭਿਸ਼ੇਕ ਬੱਚਨ ਇਨ੍ਹੀਂ ਦਿਨੀਂ ਆਪਣੀ ਆਉਣ ਵਾਲੀ ਫਿਲਮ ਦਸਵੀ ਦੇ ਪ੍ਰਮੋਸ਼ਨ ‘ਚ ਰੁੱਝੇ ਹੋਏ ਹਨ। ਦਸਵੀਂ ਇੱਕ ਅਜਿਹੇ ਵਿਅਕਤੀ ਦੀ ਕਹਾਣੀ ਹੈ ਜੋ ਭ੍ਰਿਸ਼ਟਾਚਾਰ ਵਿੱਚ ਫਸ ਕੇ ਜੇਲ੍ਹ ਜਾਂਦਾ ਹੈ ਅਤੇ ਫਿਰ ਜੇਲ੍ਹ ਵਿੱਚੋਂ ਹੀ ਦਸਵੀਂ ਦੀ ਪ੍ਰੀਖਿਆ ਦਿੰਦਾ ਹੈ। ਅਭਿਸ਼ੇਕ ਬੱਚਨ ਇਨ੍ਹੀਂ ਦਿਨੀਂ ਇਸ ਫਿਲਮ ਨੂੰ ਲੈ ਕੇ ਕਾਫੀ ਚਰਚਾ ‘ਚ ਹਨ। ਇਸ ਦੌਰਾਨ ਨਿਰਮਾਤਾਵਾਂ ਨੇ ਆਉਣ ਵਾਲੀ ਫਿਲਮ ਦਸਵੀ ਦਾ ਨਵਾਂ ਗੀਤ ਰਿਲੀਜ਼ ਕੀਤਾ ਹੈ। ‘ਘਨੀ ਟਰਿਪ’ ’ਚ ਅਭਿਸ਼ੇਕ ਬੱਚਨ ਨੂੰ ਸ਼ਾਹੀ ਰੌਅਬ ਦੇ ਨਾਲ ਇਸ ਸਪੈਸ਼ਲ ਸਾਂਗ ’ਚ ਚੌਧਰਾਹਟ ਦੀ ਤਾਕਤ ਦਿਖਾਉਂਦੇ ਦੇਖਿਆ ਜਾ ਸਕਦਾ ਹੈ। ਅਦਾਕਾਰ ਜਦੋਂ ਫੰਕੀ ਸ਼ੇਡਸ ’ਤੇ ਫੰਕੀ ਠੁਮਕੇ ਦਿਖਾਉਂਦੇ ਹਨ ਤਾਂ ਉਨ੍ਹਾਂ ਦਾ ਸੀਟੀ ਮਾਰ ਗ੍ਰੈਂਡ ਵੈਲਕਮ ਹੁੰਦਾ ਹੈ।
ਗਾਣੇ ’ਚ ਯਾਮੀ ਗੌਤਮ ਨੂੰ ਆਪਣੇ ਟਰੇਡਮਾਰਕ ਸਖ਼ਤ ਆਈ. ਪੀ. ਐੱਸ. ਅਫਸਰ ਅੰਦਾਜ਼ ’ਚ ਦੇਖਿਆ ਜਾ ਸਕਦਾ ਹੈ। ਸਚਿਨ-ਜਿਗਰ ਦੁਆਰਾ ਕੰਪੋਜ਼ ਕੀਤੇ ਗਏ ਇਸ ਗਾਣੇ ਦੇ ਬੋਲ ਗਾਏ ਹਨ। ਮੈਲੋ ਡੀ., ਕੀਰਤੀ ਸਗਥਿਆ ਤੇ ਸਚਿਨ-ਜਿਗਰ ਤੇ ਆਸ਼ੀਸ਼ ਪੰਡਿਤ ਦੁਆਰਾ ਇਸ ਨੂੰ ਲਿਖਿਆ ਗਿਆ ਹੈ। ਜਿਓ ਸਟੂਡੀਓਜ਼ ਐਂਡ ਦਿਨੇਸ਼ ਨਿਰਜਨ ਵਲੋਂ ਪੇਸ਼ ‘ਦਸਵੀਂ’ ਮੈਡਾਕ ਫ਼ਿਲਮਜ਼ ਪ੍ਰੋਡਕਸ਼ਨ, ਤੁਸ਼ਾਰ ਜਲੋਟਾ ਵਲੋਂ ਨਿਰਦੇਸ਼ਿਤ, ਦਿਨੇਸ਼ ਨਿਰੰਜਨ ਤੇ ਬੇਕ ਮਾਈ ਕੇਕ ਫ਼ਿਲਮਜ਼ ਦੁਆਰਾ ਨਿਰਮਿਤ, ਜਿਓ ਸਿਨੇਮਾ ਐਂਡ ਨੈੱਟਫਲਿਕਸ ’ਤੇ 7 ਅਪ੍ਰੈਲ, 2022 ਨੂੰ ਰਿਲੀਜ਼ ਹੋ ਰਹੀ ਹੈ।
