ਨਿਕ ਜੋਨਸ ਇਨ੍ਹੀਂ ਦਿਨੀਂ ਆਪਣੇ ਕੰਸਰਟ ਟੂਰ ਕਾਰਨ ਸੁਰਖੀਆਂ ‘ਚ ਹਨ। ਇਸ ਦੇ ਨਾਲ ਹੀ ਹਾਲ ਹੀ ‘ਚ ਇਕ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ ‘ਚ ਸਿੰਗਰ ਆਪਣੇ ਮਨਪਸੰਦ ਭਾਰਤੀ ਪਕਵਾਨਾਂ ਬਾਰੇ ਦੱਸਦੇ ਹੋਏ ਨਜ਼ਰ ਆ ਰਹੇ ਹਨ। ਵੀਡੀਓ ਵਿੱਚ, ਕੰਟੈਂਟ ਨਿਰਮਾਤਾ ਰੇਬੇਕਾ ਟੰਡਨ ਨਾਲ ਗੱਲਬਾਤ ਦੌਰਾਨ ਨਿਕ ਨੇ ਆਪਣੇ ਪਸੰਦੀਦਾ ਪਕਵਾਨਾਂ ਬਾਰੇ ਗੱਲ ਕੀਤੀ। ਗਾਇਕ ਨੇ ਦੱਸਿਆ ਕਿ ਉਸ ਨੂੰ ਪਨੀਰ, ਬਿਰਯਾਨੀ ਅਤੇ ਡੋਸਾ ਬਹੁਤ ਪਸੰਦ ਹੈ।
ਵਾਇਰਲ ਵੀਡੀਓ ‘ਚ ਨਿਕ ਜੋਨਸ ਨਾਲ ਗੱਲ ਕਰਦੇ ਹੋਏ ਰੇਬੇਕਾ ਨੇ ਪੁੱਛਿਆ- ਮੈਂ ਜਾਣਨਾ ਚਾਹੁੰਦੀ ਹਾਂ ਕਿ ਤੁਹਾਡਾ ਮਨਪਸੰਦ ਭਾਰਤੀ ਭੋਜਨ ਕੀ ਹੈ? ਜਵਾਬ ‘ਚ ਨਿਕ ਨੇ ਕਿਹਾ- ਮੈਨੂੰ ਪਨੀਰ, ਲੈਂਬ ਬਿਰਯਾਨੀ (ਮਟਨ ਬਿਰਯਾਨੀ) ਅਤੇ ਡੋਸਾ ਪਸੰਦ ਹੈ।
ਰੇਬੇਕਾ ਨੇ ਇਸ ਵੀਡੀਓ ਨੂੰ ਆਪਣੇ ਇੰਸਟਾਗ੍ਰਾਮ ਹੈਂਡਲ ‘ਤੇ ਵੀ ਸ਼ੇਅਰ ਕੀਤਾ ਹੈ। ਉਸਨੇ ਨਿਕ ਦਾ ਇਹ ਵੀਡੀਓ ਬੈਕ ਸਟੇਜ ‘ਤੇ ਬਣਾਇਆ ਜਦੋਂ ਉਹ ਜੋਨਸ ਬ੍ਰਦਰਜ਼ ਕੰਸਰਟ ਵਿੱਚ ਪਹੁੰਚੀ। ਰੇਬੇਕਾ ਅਤੇ ਨਿਕ ਦੀ ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ ‘ਤੇ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਇਸ ਵੀਡੀਓ ‘ਤੇ ਪ੍ਰਸ਼ੰਸਕ ਕਾਫੀ ਪ੍ਰਤੀਕਿਰਿਆ ਦੇ ਰਹੇ ਹਨ।