ਬਾਲੀਵੁੱਡ ਅਦਾਕਾਰਾ ਪਾਇਲ ਰੋਹਤਗੀ ਅਤੇ ਉਸ ਦੇ ਬੁਆਏਫ੍ਰੈਂਡ ਸੰਗਰਾਮ ਸਿੰਘ ਨੇ ਹਾਲ ਹੀ ਵਿੱਚ ਖੁਲਾਸਾ ਕੀਤਾ ਸੀ ਕਿ ਉਹ ਇਸ ਸਾਲ ਜੁਲਾਈ ਵਿੱਚ ਵਿਆਹ ਕਰਨਗੇ। ਪਹਿਲਾਂ ਇਹ ਤਰੀਕ 21 ਜੁਲਾਈ ਦੱਸੀ ਜਾ ਰਹੀ ਸੀ। ਪਰ ਹੁਣ ਇਹ ਵਿਆਹ 9 ਜੁਲਾਈ ਨੂੰ ਹੋਵੇਗਾ। ਸੰਗਰਾਮ ਨੇ ਦੱਸਿਆ ਕਿ ਉਹ ਦੋਵੇਂ ਇਸ ਵਿਆਹ ਨੂੰ ਲੈ ਕੇ ਕਾਫੀ ਘਬਰਾਏ ਹੋਏ ਹਨ। ‘ਅਸੀਂ ਦੋਵੇਂ ਉਤਸ਼ਾਹਿਤ ਵੀ ਹਾਂ ਅਤੇ ਘਬਰਾਹਟ ਵੀ। ਅਸੀਂ ਲੰਬੇ ਸਮੇਂ ਤੋਂ ਇਕੱਠੇ ਹਾਂ। ਵਿਆਹ ਸਾਡੇ ਜੀਵਨ ਦਾ ਇੱਕ ਮਹੱਤਵਪੂਰਨ ਪਹਿਲੂ ਹੈ ਅਤੇ ਅਸੀਂ ਇਕੱਠੇ ਇੱਕ ਨਵੀਂ ਯਾਤਰਾ ਸ਼ੁਰੂ ਕਰਨ ਦੇ ਨਾਲ ਖੁਸ਼ ਰਹਿਣ ਦੀ ਉਮੀਦ ਕਰਦੇ ਹਾਂ। ਪਾਇਲ ਅਤੇ ਮੇਰਾ ਵਿਆਹ 9 ਜੁਲਾਈ ਨੂੰ ਹੋਵੇਗਾ।
ਮੇਰੀ ਮਾਂ ਅਤੇ ਭੈਣ ਨੇ ਤਾਰੀਖ ਤੈਅ ਕਰਨ ਵਿੱਚ ਸਾਡੀ ਮਦਦ ਕੀਤੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਹ ਦੋਵੇਂ ਸਟਾਰ ਪਲੱਸ ਦੇ ਆਉਣ ਵਾਲੇ ਰਿਐਲਿਟੀ ਸ਼ੋਅ ‘ਸਰਵਾਈਵਰ ਇੰਡੀਆ’ ‘ਚ ਮਿਲੇ ਸਨ। 2011 ਵਿੱਚ ਆਏ ਇਸ ਸ਼ੋਅ ਦੌਰਾਨ ਹੀ ਉਨ੍ਹਾਂ ਨੂੰ ਪਿਆਰ ਹੋ ਗਿਆ ਸੀ। ਇਕ ਸਾਲ ਬਾਅਦ ਪਾਇਲ ਨੇ ਇੰਸਟਾਗ੍ਰਾਮ ‘ਤੇ ਆਪਣੇ ਰਿਸ਼ਤੇ ਬਾਰੇ ਅਪਡੇਟ ਦਿੱਤੀ। ਫਿਰ 2014 ਵਿੱਚ ਉਨ੍ਹਾਂ ਦੀ ਮੰਗਣੀ ਹੋ ਗਈ। 12 ਸਾਲ ਇਕੱਠੇ ਰਹਿਣ ਤੋਂ ਬਾਅਦ ਹੁਣ ਉਹ ਸੱਤ ਫੇਰੇ ਲੈਣ ਜਾ ਰਹੇ ਹਨ। ਹਾਲਾਂਕਿ ਅਜਿਹਾ ਨਹੀਂ ਹੈ ਕਿ ਉਨ੍ਹਾਂ ਨੇ ਪਹਿਲਾਂ ਵਿਆਹ ਕਰਨ ਬਾਰੇ ਨਹੀਂ ਸੋਚਿਆ ਸੀ, ਪਰ ਕੁਝ ਅਜਿਹਾ ਹੋਇਆ ਕਿ ਉਨ੍ਹਾਂ ਨੂੰ ਆਪਣਾ ਵਿਆਹ ਮੁਲਤਵੀ ਕਰਨਾ ਪਿਆ। ਸਾਡਾ ਇੱਕ ਡੈਸਟੀਨੇਸ਼ਨ ਵਿਆਹ ਹੋਵੇਗਾ ਜੋ ਅਹਿਮਦਾਬਾਦ ਜਾਂ ਉਦੈਪੁਰ ਹੋਵੇਗਾ। ਇਸ ਵਿੱਚ ਬਹੁਤ ਘੱਟ ਲੋਕ ਸ਼ਾਮਲ ਹੋਣਗੇ। ਸੰਗਰਾਮ ਸਿੰਘ ਦਾ ਕਹਿਣਾ ਹੈ ਕਿ ਉਹ ਆਪਣੇ ਦੋਸਤਾਂ ਲਈ ਮੁੰਬਈ ‘ਚ ਰਿਸੈਪਸ਼ਨ ਪਾਰਟੀ ਦਾ ਆਯੋਜਨ ਕਰਨਗੇ।
