ਲਾਕਅੱਪ ਫੇਮ ਪਾਇਲ ਰੋਹਤਗੀ ਨੇ ਹਾਲ ਹੀ ‘ਚ ਸੋਸ਼ਲ ਮੀਡੀਆ ‘ਤੇ ਕੰਗਨਾ ਰਣੌਤ ਦੀ ਹਾਲ ਹੀ ‘ਚ ਰਿਲੀਜ਼ ਹੋਈ ਫਿਲਮ ‘ਧਾਕੜ’ ਦੀ ਖਰਾਬ ਸ਼ੁਰੂਆਤ ਦਾ ਮਜ਼ਾਕ ਉਡਾਇਆ ਹੈ। ਦਰਅਸਲ ਪਾਇਲ ਹਾਲ ਹੀ ‘ਚ ਇਸ ਫਿਲਮ ਦੇ ਪ੍ਰੀਮੀਅਰ ‘ਤੇ ਪਹੁੰਚੀ ਸੀ ਪਰ ਬਾਅਦ ‘ਚ ਉਸ ਨੇ ਖੁਲਾਸਾ ਕੀਤਾ ਕਿ ਉੱਥੇ ਕੰਗਨਾ ਨੇ ਉਸ ਨਾਲ ਬਹੁਤ ਬੁਰਾ ਵਿਵਹਾਰ ਕੀਤਾ ਸੀ। ਪਾਇਲ ਰੋਹਤਗੀ ਨੇ ਇੰਸਟਾਗ੍ਰਾਮ ‘ਤੇ ਦੋ ਸਕਰੀਨਸ਼ਾਟ ਸ਼ੇਅਰ ਕੀਤੇ ਹਨ। ਪਹਿਲੇ ਸਕਰੀਨ ਸ਼ਾਟ ‘ਚ ਕੰਗਨਾ ਦੀ ਫਿਲਮ ‘ਧਾਕੜ’ ਦਾ ਕਲੈਕਸ਼ਨ ਦਿਖਾਇਆ ਗਿਆ ਹੈ, ਜਿਸ ਮੁਤਾਬਕ ਫਿਲਮ ਨੇ ਪਹਿਲੇ ਦਿਨ 50 ਲੱਖ ਰੁਪਏ ਦੀ ਕਮਾਈ ਕੀਤੀ ਹੈ। ਪਾਇਲ ਨੇ ਮੁਨੱਵਰ ਫਾਰੂਕੀ ਦੇ ਪੁਰਾਣੇ ਟਵੀਟ ਦਾ ਸਕਰੀਨ ਸ਼ਾਟ ਸ਼ੇਅਰ ਕੀਤਾ ਹੈ।
ਜਿਸ ‘ਚ ਲਿਖਿਆ ਕਿ ‘ਉਹ 2 ਤਰ੍ਹਾਂ ਦੇ ਭਾਰਤ ‘ਚ ਰਹਿੰਦਾ ਹੈ, ਇਕ 1947 ਤੋਂ ਬਾਅਦ ਦਾ ਅਤੇ ਦੂਜਾ 2014 ਤੋਂ ਬਾਅਦ ਦਾ’। ਦੱਸਣਯੋਗ ਹੈ ਕਿ ਕੁਝ ਸਮਾਂ ਪਹਿਲਾਂ ਕੰਗਨਾ ਰਣੌਤ ਦੇ ਰਿਐਲਿਟੀ ਸ਼ੋਅ ‘ਲਾਕਅੱਪ’ ਦਾ ਗ੍ਰੈਂਡ ਫਿਨਾਲੇ ਹੋਇਆ ਸੀ, ਜਿਸ ‘ਚ ਮੁਨੱਵਰ ਫਾਰੂਕੀ ਨੂੰ ਜੇਤੂ ਐਲਾਨਿਆ ਗਿਆ ਸੀ। ਪਾਇਲ ਇਸ ਸ਼ੋਅ ‘ਚ ਦੂਜੇ ਨੰਬਰ ‘ਤੇ ਸੀ ਅਤੇ ਪਾਇਲ ਨੂੰ ਇਹ ਗੱਲ ਪਸੰਦ ਨਹੀਂ ਆਈ, ਉਦੋਂ ਤੋਂ ਹੀ ਉਹ ਮੁਨੱਵਰ ਅਤੇ ਕੰਗਨਾ ‘ਤੇ ਨਿਸ਼ਾਨਾ ਸਾਧ ਰਹੀ ਹੈ। ਸ਼ੋਅ ਨੂੰ ਏਕਤਾ ਕਪੂਰ ਨੇ ਪ੍ਰੋਡਿਊਸ ਕੀਤਾ ਸੀ। ਸ਼ੋਅ ‘ਚ ਪੂਨਮ ਪਾਂਡੇ, ਕਰਨਵੀਰ ਬੋਹਰਾ, ਜ਼ੀਸ਼ਾਨ ਖਾਨ, ਸਾਰਾ ਖਾਨ, ਨਿਸ਼ਾ ਰਾਵਲ ਵਰਗੇ ਕਈ ਸਿਤਾਰੇ ਮੁਕਾਬਲੇਬਾਜ਼ ਦੇ ਰੂਪ ‘ਚ ਨਜ਼ਰ ਆਏ।
