ਮਣੀ ਰਤਨਮ ਦੇ ਨਿਰਦੇਸ਼ਨ ‘ਚ ਬਣੀ ਫਿਲਮ ‘ਪੋਨਿਯਿਨ ਸੇਲਵਨ 1’ ਬਾਕਸ ਆਫਿਸ ‘ਤੇ ਧਮਾਲ ਮਚਾ ਰਹੀ ਹੈ। ਸਾਰੀਆਂ ਫਿਲਮਾਂ ਨੂੰ ਪਿੱਛੇ ਛੱਡਦੇ ਹੋਏ ਐਸ਼ਵਰਿਆ ਰਾਏ ਬੱਚਨ ਅਤੇ ਚਿਆਨ ਵਿਕਰਮ ਸਟਾਰਰ ਫਿਲਮ PS-1 ਨਵਾਂ ਰਿਕਾਰਡ ਕਾਇਮ ਕਰ ਰਹੀ ਹੈ। ਇਸ ਇਤਿਹਾਸਕ ਫਿਲਮ ਨੂੰ ਭਾਰਤ ਹੀ ਨਹੀਂ ਵਿਦੇਸ਼ਾਂ ‘ਚ ਵੀ ਦਰਸ਼ਕ ਕਾਫੀ ਪਿਆਰ ਦੇ ਰਹੇ ਹਨ। ਤਾਮਿਲ ‘ਚ ਇਹ ਫਿਲਮ ਕਈ ਫਿਲਮਾਂ ਨੂੰ ਪਛਾੜ ਕੇ ਅੱਗ ਵਾਂਗ ਤੇਜ਼ੀ ਨਾਲ ਅੱਗੇ ਵੱਧ ਰਹੀ ਹੈ ਪਰ ਗਲੋਬਲ ਪੱਧਰ ‘ਤੇ ਵੀ ਇਸ ਫਿਲਮ ਨੂੰ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਚੋਲਾ ਸਾਮਰਾਜ ‘ਤੇ ਆਧਾਰਿਤ ਇਹ ਫਿਲਮ ਆਪਣੇ 11ਵੇਂ ਦਿਨ ਦੁਨੀਆ ਭਰ ‘ਚ 400 ਕਰੋੜ ਦਾ ਅੰਕੜਾ ਪਾਰ ਕਰ ਚੁੱਕੀ ਹੈ ਅਤੇ ਜਲਦ ਹੀ 500 ਕਰੋੜ ਦੇ ਨੇੜੇ ਪਹੁੰਚ ਜਾਵੇਗੀ।
‘ਪੋਨੀਯਿਨ ਸੇਲਵਨ 1’ ਦੇ ਨਿਰਮਾਤਾਵਾਂ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਘੋਸ਼ਣਾ ਕੀਤੀ ਕਿ PS-1 ਅਮਰੀਕਾ, ਆਸਟ੍ਰੇਲੀਆ, ਯੂਕੇ, ਸਿੰਗਾਪੁਰ ਅਤੇ ਮਲੇਸ਼ੀਆ ਵਿੱਚ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਤਾਮਿਲ ਫਿਲਮ ਹੈ। ਐਸ਼ਵਰਿਆ ਰਾਏ, ਤ੍ਰਿਸ਼ਾ ਕ੍ਰਿਸ਼ਨਨ ਅਤੇ ਚਿਆਨ ਸਟਾਰਰ ਇਸ ਫਿਲਮ ਨੇ ਸਭ ਤੋਂ ਤੇਜ਼ ਕਮਾਈ ਦੇ ਮਾਮਲੇ ‘ਚ ਥਲਪਤੀ ਵਿਜੇ ਦੀ ‘ਬੀਸਟ’, ਰਜਨੀਕਾਂਤ ਦੀ ‘2.0’ ਅਤੇ ਪ੍ਰਭਾਸ ਦੀ ਫਿਲਮ ‘ਬਾਹੂਬਲੀ 2’ ਨੂੰ ਵੀ ਪਿੱਛੇ ਛੱਡ ਦਿੱਤਾ ਹੈ ਅਤੇ ਜਿਸ ਤਰ੍ਹਾਂ ਨਾਲ ਇਸ ਫਿਲਮ ਨੇ ਕਾਫੀ ਕਮਾਈ ਕੀਤੀ ਹੈ, ਉਸ ਤੋਂ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ। ਇਹ ਫਿਲਮ ਆਉਣ ਵਾਲੇ ਸਮੇਂ ‘ਚ ਕਈ ਫਿਲਮਾਂ ਦੇ ਰਿਕਾਰਡ ਤੋੜ ਸਕਦੀ ਹੈ।
