‘ਬਿੱਗ ਬੌਸ’ ‘ਚ ਮਨੋਰੰਜਨ ਦੀ ਝਲਕ ਪਾਉਣ ਵਾਲੀ ਰਾਖੀ ਸਾਵੰਤ ਨੂੰ ਹਾਲ ਹੀ ‘ਚ ਮੁੰਬਈ ਏਅਰਪੋਰਟ ‘ਤੇ ਦੇਖਿਆ ਗਿਆ। ਰਾਖੀ ਨੇ ਖੁਲਾਸਾ ਕੀਤਾ ਕਿ ਉਹ ਚਾਹੁੰਦੀ ਹੈ ਕਿ ਉਸ ਦੇ ਪਤੀ ਆਦਿਲ ਖਾਨ ਦੁਰਾਨੀ ਨੂੰ ਮੈਸੂਰ ਅਦਾਲਤ ਤੋਂ ਜ਼ਮਾਨਤ ਮਿਲ ਜਾਵੇ। ਰਾਖੀ ਦਾ ਪਤੀ ਲੰਬੇ ਸਮੇਂ ਤੋਂ ਮੈਸੂਰ ਜੇਲ ‘ਚ ਬੰਦ ਹੈ। ਉਸ ‘ਤੇ ਧੋਖਾਧੜੀ ਅਤੇ ਜਬਰ ਜਨਾਹ ਸਮੇਤ ਕਈ ਦੋਸ਼ ਹਨ। ਰਾਖੀ ਦਾ ਕਹਿਣਾ ਹੈ ਕਿ ਉਹ ਆਦਿਲ ਨੂੰ ਮੁਆਫ਼ ਨਹੀਂ ਕਰ ਸਕੇਗੀ ਪਰ ਉਹ ਚਾਹੁੰਦੀ ਹੈ ਕਿ ਆਦਿਲ ਨੂੰ ਰਮਜ਼ਾਨ ਤੋਂ ਪਹਿਲਾਂ ਜ਼ਮਾਨਤ ਮਿਲ ਜਾਵੇ। ਰਾਖੀ ਸਾਵੰਤ ਨੂੰ ਪਿਛਲੇ ਦਿਨੀਂ ਏਅਰਪੋਰਟ ‘ਤੇ ਸਪਾਟ ਕੀਤਾ ਗਿਆ ਸੀ। ਰਾਖੀ ਨੇ ਪਾਪਰਾਜ਼ੀ ਨਾਲ ਗੱਲ ਕਰਦੇ ਹੋਏ ਆਦਿਲ ਨੂੰ ਜ਼ਮਾਨਤ ਦੇਣ ਦੀ ਗੱਲ ਕੀਤੀ। ਰਾਖੀ ਨੇ ਕਿਹਾ, ”ਰਮਜ਼ਾਨ ਆ ਰਿਹਾ ਹੈ। ਜਦੋਂ ਮੈਂ ਨਮਾਜ਼ ਅਦਾ ਕਰ ਰਹੀ ਸੀ ਤਾਂ ਮੈਂ ਸੋਚਿਆ ਕਿ ਰਮਜ਼ਾਨ ਸਭ ਨੂੰ ਮਾਫ਼ ਕਰਨ ਦਾ ਪਵਿੱਤਰ ਮਹੀਨਾ ਹੈ।
ਮੈਨੂੰ ਲੱਗਦਾ ਹੈ ਕਿ ਮੈਂ ਆਦਿਲ ਨੂੰ ਕਦੇ ਮੁਆਫ ਨਹੀਂ ਕਰ ਸਕਾਂਗੀ, ਪਰ ਮੈਂ ਚਾਹੁੰਦੀ ਹਾਂ ਕਿ ਉਸ ਨੂੰ ਮੈਸੂਰ ਦੀ ਅਦਾਲਤ ਤੋਂ ਜ਼ਮਾਨਤ ਮਿਲ ਜਾਵੇ। ਮੈਂ ਉਸ ਲਈ ਚੰਗੀ ਪਤਨੀ ਸੀ, ਪਰ ਉਸ ਨੇ ਮੇਰੀ ਜ਼ਿੰਦਗੀ ਬਰਬਾਦ ਕਰ ਦਿੱਤੀ। ਮੈਨੂੰ ਉਸਨੂੰ ਇੰਨਾ ਪਿਆਰ ਨਹੀਂ ਕਰਨਾ ਚਾਹੀਦਾ ਸੀ।” ਰਾਖੀ ਨੇ ਅੱਗੇ ਕਿਹਾ, ”ਮੈਂ ਚਾਹੁੰਦੀ ਹਾਂ ਕਿ ਉਹ ਜ਼ਮਾਨਤ ‘ਤੇ ਬਾਹਰ ਆਵੇ। ਹਾਲਾਂਕਿ, ਦੋਸ਼ ਬਹੁਤ ਗੰਭੀਰ ਹਨ। ਮੈਂ ਉਸ ਨੂੰ ਮੀਡੀਆ ਰਾਹੀਂ ਸੰਦੇਸ਼ ਦੇਣਾ ਚਾਹੁੰਦੀ ਹਾਂ, ‘ਆਦਿਲ, ਜੇ ਤੁਹਾਨੂੰ ਜ਼ਮਾਨਤ ਮਿਲ ਜਾਂਦੀ ਹੈ ਤਾਂ ਕਿਸੇ ਦੀ ਜ਼ਿੰਦਗੀ ਬਰਬਾਦ ਨਾ ਕਰੋ। ਆਪਣੇ ਆਪ ਨੂੰ ਬਦਲਣ ਦੀ ਕੋਸ਼ਿਸ਼ ਕਰੋ।’ ਮੈਂ ਕਦੇ ਵੀ ਉਸ ਕੋਲ ਵਾਪਸ ਨਹੀਂ ਜਾਵਾਂਗੀ । ਮੈਂ ਆਪਣੀ ਜ਼ਿੰਦਗੀ ਇਕੱਲੇ ਹੀ ਜਿਉਣਾ ਚਾਹੁੰਦੀ ਹਾਂ।
