‘ਬਿੱਗ ਬੌਸ 16’ ਨੇ ਸ਼ਾਨਦਾਰ ਸ਼ੁਰੂਆਤ ਕੀਤੀ ਹੈ। ਬਿੱਗ ਬੌਸ ਦੇ ਘਰ ‘ਚ ਐਂਟਰੀ ਕਰਨ ਵਾਲੇ ਕਈ ਨਾਵਾਂ ‘ਤੇ ਪਰਦਾ ਚੁੱਕਿਆ ਗਿਆ ਹੈ ਅਤੇ ਹੁਣ ਲੋਕ ਸ਼ੋਅ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹੋ ਗਏ ਹਨ। ਹੁਣ ਤੱਕ ਗੌਤਮ ਵਿੱਜ, ਨਿਮਰਤ ਕੌਰ ਆਹਲੂਵਾਲੀਆ, ਮਾਨਿਆ ਸਿੰਘ, ਸ਼ਾਲੀਨ ਭਨੋਟ, ਸੁੰਬਲ ਤੌਕੀਰ ਖਾਨ, ਅੰਕਿਤ ਗੁਪਤਾ, ਟੀਨਾ ਦੱਤਾ ਵਰਗੇ ਸਿਤਾਰੇ ਇਸ ਸ਼ੋਅ ‘ਚ ਐਂਟਰੀ ਕਰ ਚੁੱਕੇ ਹਨ। ਇਸ ਲਿਸਟ ‘ਚ ਮਸ਼ਹੂਰ ਨਿਰਦੇਸ਼ਕ ਸਾਜਿਦ ਖਾਨ ਦਾ ਨਾਂ ਵੀ ਸ਼ਾਮਲ ਹੈ ਪਰ ਸ਼ੋਅ ‘ਚ ਆਉਣ ਤੋਂ ਬਾਅਦ ਹੁਣ ਸਾਜਿਦ ਖਾਨ ਨੂੰ ਜ਼ਬਰਦਸਤ ਟ੍ਰੋਲਿੰਗ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਦਰਅਸਲ ਹਾਲ ਹੀ ‘ਚ ਇਕ ਵੀਡੀਓ ਸਾਹਮਣੇ ਆਇਆ ਹੈ ਜਿਸ ‘ਚ ਸਾਜਿਦ ਖਾਨ ‘ਬਿੱਗ ਬੌਸ 16’ ਦੇ ਘਰ ‘ਚ ਐਂਟਰੀ ਲੈਂਦੇ ਨਜ਼ਰ ਆ ਰਹੇ ਹਨ।
ਇਸ ਦੌਰਾਨ ਇਸ ਵੀਡੀਓ ‘ਚ ਸਲਮਾਨ ਖਾਨ ਦੀ ਬਜਾਏ ਸਾਜਿਦ ਖਾਨ ਸ਼ੋਅ ਨੂੰ ਹੋਸਟ ਕਰਦੇ ਨਜ਼ਰ ਆਏ। ਇਸ ਨੂੰ ਦੇਖ ਕੇ ਕੁਝ ਲੋਕਾਂ ਨੂੰ ਭੁਲੇਖਾ ਪੈ ਗਿਆ ਕਿ ਕੀ ਇਸ ਵਾਰ ਸਲਮਾਨ ਖਾਨ ਦੀ ਬਜਾਏ ਸਾਜਿਦ ਖਾਨ ਸ਼ੋਅ ਨੂੰ ਹੋਸਟ ਕਰਨ ਜਾ ਰਹੇ ਹਨ, ਪਰ ਇਸ ਤੋਂ ਬਾਅਦ ਉਨ੍ਹਾਂ ਦਾ ਭੁਲੇਖਾ ਦੂਰ ਹੋ ਗਿਆ। ਨਾਲ ਹੀ ਸਾਜਿਦ ਖਾਨ ਨੂੰ ਦੇਖ ਕੇ ਕਈ ਯੂਜ਼ਰਸ ਉਨ੍ਹਾਂ ਨੂੰ ਸੋਸ਼ਲ ਮੀਡੀਆ ‘ਤੇ ਜ਼ਬਰਦਸਤ ਟ੍ਰੋਲ ਕਰ ਰਹੇ ਹਨ। ਬਿੱਗ ਬੌਸ ਦੇ ਘਰ ‘ਚ ਸਾਜਿਦ ਖਾਨ ਦੀ ਐਂਟਰੀ ਤੋਂ ਬਾਅਦ ਹੁਣ ਸੋਸ਼ਲ ਮੀਡੀਆ ‘ਤੇ ਕਈ ਲੋਕਾਂ ਨੇ ਉਨ੍ਹਾਂ ਨੂੰ ਬੁਰੀ ਤਰ੍ਹਾਂ ਨਾਲ ਟ੍ਰੋਲ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਨਾਲ ਹੀ ਕੁਝ ਯੂਜ਼ਰ ਮਜ਼ਾਕੀਆ ਟਿੱਪਣੀਆਂ ਕਰਕੇ ਉਨ੍ਹਾਂ ਦਾ ਮਜ਼ਾਕ ਉਡਾ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ, ‘ਕਿਤੇ ਕਲਰਜ਼ ਚੈਨਲ ਹੁਣ ਸਾਜਿਦ ਖਾਨ ਨੂੰ ਘਰ ਜਮਾਈ ਨਾ ਰੱਖ ਦੇਵੇ।’
ਤਾਂ ਕਿਸੇ ਨੇ ਲਿਖਿਆ, ‘ਫਰਾਹ ਖਾਨ ਨੇ ਸਾਜਿਦ ਖਾਨ ਨੂੰ ਬਿੱਗ ਬੌਸ ਦੇ ਘਰ ਭੇਜਿਆ ਹੋਵੇਗਾ।’ ਇਨ੍ਹਾਂ ਮਜ਼ਾਕੀਆ ਟਿੱਪਣੀਆਂ ਦੇ ਵਿਚਕਾਰ ਕੁਝ ਗੰਭੀਰ ਟਿੱਪਣੀਆਂ ਵੀ ਆ ਰਹੀਆਂ ਹਨ। ਦਰਅਸਲ ਸਾਜਿਦ ਖਾਨ ‘ਤੇ ਕਈ ਕੁੜੀਆਂ ਨੇ MeToo ਵਰਗੇ ਇਲਜ਼ਾਮ ਲਾਏ ਸਨ, ਜਿਸ ਕਾਰਨ ਸਾਜਿਦ ਖਾਨ ਦਾ ਨਾਂ ਕਾਫੀ ਸੁਰਖੀਆਂ ‘ਚ ਆਇਆ ਸੀ। ਕਈ ਲੋਕਾਂ ਦਾ ਮੰਨਣਾ ਹੈ ਕਿ ਸ਼ੋਅ ਦੇ ਮੇਕਰਸ ਨੇ ਕਿਸ ਤਰ੍ਹਾਂ ‘ਬਿੱਗ ਬੌਸ 16’ ਦੇ ਘਰ ‘ਚ MeToo ਦੇ ਦੋਸ਼ੀ ਨੂੰ ਐਂਟਰੀ ਦਿੱਤੀ। ਇਸ ਦੇ ਨਾਲ ਹੀ ਕੁਝ ਲੋਕਾਂ ਦਾ ਕਹਿਣਾ ਹੈ ਕਿ ਸਾਜਿਦ ਖਾਨ ਆਪਣੀ ਇਮੇਜ ਸੁਧਾਰਨ ਲਈ ਹੀ ਸ਼ੋਅ ‘ਚ ਆਏ ਹਨ।
