ਬਾਲੀਵੁੱਡ ਦਾ ਨਵਾਂ ਵਿਆਹਿਆ ਜੋੜਾ ਵਿੱਕੀ ਕੌਸ਼ਲ ਅਤੇ ਕੈਟਰੀਨਾ ਕੈਫ ਉਨ੍ਹਾਂ ਲੋਕਾਂ ‘ਚੋਂ ਇਕ ਹੈ, ਜੋ ਆਪਣੇ ਕੰਮ ਨੂੰ ਪਹਿਲ ਦਿੰਦੇ ਹਨ। ਇਸੇ ਲਈ ਵਿੱਕੀ ਕੌਸ਼ਲ ਵਿਆਹ ਤੋਂ ਤੁਰੰਤ ਬਾਅਦ ਸ਼ੂਟਿੰਗ ਕਰਨ ਲਈ ਇੰਦੌਰ ਪਹੁੰਚ ਗਏ ਸਨ। ਇਸ ਦੇ ਨਾਲ ਹੀ ਕੈਟਰੀਨਾ ਕੈਫ ਫਿਰ ਤੋਂ ਕੰਮ ‘ਤੇ ਵਾਪਸੀ ਕਰਨ ਜਾ ਰਹੀ ਹੈ। ਬਾਲੀਵੁੱਡ ਸੁਪਰਸਟਾਰ ਸਲਮਾਨ ਖਾਨ ਅਤੇ ਕੈਟਰੀਨਾ ਕੈਫ ਸ਼ਨੀਵਾਰ ਤੋਂ ਮੁੰਬਈ ‘ਚ ‘ਟਾਈਗਰ 3’ ਦੀ ਸ਼ੂਟਿੰਗ ਦੁਬਾਰਾ ਸ਼ੁਰੂ ਕਰਨਗੇ।
ਇਸ ਤੋਂ ਇਲਾਵਾ ਦੋਵੇਂ 14 ਫਰਵਰੀ ਤੋਂ ਫਿਲਮ ਦੇ ਆਖਰੀ ਵੱਡੇ ਆਊਟਡੋਰ ਸ਼ੈਡਿਊਲ ਨੂੰ ਪੂਰਾ ਕਰਨ ਲਈ ਦਿੱਲੀ ਵੀ ਜਾਣਗੇ। ਇੱਕ ਸੂਤਰ ਦੇ ਅਨੁਸਾਰ, ਆਨ-ਸਕਰੀਨ ਹਿੱਟ ਜੋੜੀ, ਸਲਮਾਨ-ਕੈਟਰੀਨਾ 14 ਫਰਵਰੀ ਤੋਂ ਦਿੱਲੀ ਦੇ ਅਹਿਮ ਸ਼ੈਡਿਊਲ ਦੀ ਸ਼ੂਟਿੰਗ ਕਰਨਗੇ। ਕੋਰੋਨਾ ਵਾਇਰਸ ਕਾਰਨ ਇਸ ਫ਼ਿਲਮ ਦੀ ਸ਼ੂਟਿੰਗ ਰੋਕ ਦਿੱਤੀ ਗਈ ਸੀ । ਹੁਣ ਮਹਿਜ਼ ਇਸ ਫ਼ਿਲਮ ਦੇ ਅਖ਼ੀਰਲੇ ਹਿੱਸੇ ਦੀ ਸ਼ੂਟਿੰਗ ਬਾਕੀ ਹੈ। ਦੱਸ ਦੇਈਏ ਕਿ ਵਿੱਕੀ ਅਤੇ ਕੈਟਰੀਨਾ ਦੇ ਵਿਆਹ ਨੂੰ ਦੋ ਮਹੀਨੇ ਵੀ ਨਹੀਂ ਹੋਏ ਹਨ। ਦੋਵਾਂ ਨੇ 9 ਦਸੰਬਰ ਨੂੰ ਜੈਪੁਰ ਦੇ ਸਵਾਈ ਮਾਧੋਪੁਰ ਸਥਿਤ ਹੋਟਲ ‘ਸਿਕਸ ਸੈਂਸ ਫੋਰਟ ਬਰਵਾਰਾ’ ‘ਚ ਵਿਆਹ ਕੀਤਾ ਹੈ । ਵਿਆਹ ਵਿੱਚ ਦੋਵਾਂ ਦੇ ਪਰਿਵਾਰ ਅਤੇ ਕਰੀਬੀ ਦੋਸਤਾਂ ਨੇ ਸ਼ਿਰਕਤ ਕੀਤੀ ਸੀ ।
