ਸਲਮਾਨ ਖਾਨ ਦੀ ਈਦ ਪਾਰਟੀ ਸਾਲ ਦੀਆਂ ਖਾਸ ਪਾਰਟੀਆਂ ਵਿੱਚੋਂ ਇੱਕ ਹੈ। ਇਸ ਦੌਰਾਨ ਉਹ ਸਾਰੇ ਸਿਤਾਰਿਆਂ ਨੂੰ ਆਪਣੇ ਘਰ ਬੁਲਾਉਂਦੇ ਹਨ ਅਤੇ ਮਸਤੀ ਕਰਦੇ ਹਨ । ਇਸ ਪਾਰਟੀ ‘ਚ ਫਿਲਮੀ ਸਿਤਾਰੇ ਬਿਹਤਰੀਨ ਆਊਟਫਿਟਸ ‘ਚ ਨਜ਼ਰ ਆਉਂਦੇ ਹਨ। ਪਰ ਸ਼ਾਇਦ ਇਸ ਵਾਰ ਈਦ ਪਾਰਟੀ ਦੇ ਮੇਜ਼ਬਾਨ ਅਤੇ ਸਥਾਨ ਦੋਵਾਂ ਨੂੰ ਬਦਲਣ ਵਾਲੀ ਹੈ। ਖਬਰਾਂ ਮੁਤਾਬਕ ਸਲਮਾਨ ਖਾਨ ਨੇ ਆਪਣੇ ਘਰ ਈਦ ਪਾਰਟੀ ਨਾ ਰੱਖ ਕੇ ਇਸ ਵਾਰ ਦੀ ਜ਼ਿੰਮੇਵਾਰੀ ਆਪਣੀ ਭੈਣ ਅਰਪਿਤਾ ਖਾਨ ਅਤੇ ਜੀਜਾ ਆਯੂਸ਼ ਸ਼ਰਮਾ ਨੂੰ ਸੌਂਪ ਦਿੱਤੀ ਹੈ।
ਇਸ ਵਾਰ ਉਹ ਈਦ ਦੇ ਮੌਕੇ ‘ਤੇ ਆਪਣੇ ਘਰ ਵੀ ਨਹੀਂ ਹੋਣਗੇ। ਉਹ ਈਦ ਮਨਾਉਣ ਭੈਣ ਅਰਪਿਤਾ ਅਤੇ ਜੀਜਾ ਆਯੂਸ਼ ਦੇ ਘਰ ਜਾਣਗੇ। ਦੱਸ ਦੇਈਏ ਕਿ ਜਦੋਂ ਤੋਂ ਅਰਪਿਤਾ ਅਤੇ ਆਯੂਸ਼ ਦਾ ਵਿਆਹ ਹੋਇਆ ਹੈ, ਉਦੋਂ ਤੋਂ ਖਾਨ ਪਰਿਵਾਰ ਇਕੱਠੇ ਤਿਉਹਾਰ ਮਨਾਉਂਦੇ ਹਨ। ਅਰਪਿਤਾ ਅਤੇ ਆਯੂਸ਼ ਕੁਝ ਸਮਾਂ ਪਹਿਲਾਂ ਮਾਤਾ-ਪਿਤਾ ਬਣੇ ਸਨ, ਉਦੋਂ ਤੋਂ ਇਹ ਲੋਕ ਲਗਭਗ ਹਰ ਤਿਉਹਾਰ ਪਰਿਵਾਰ ਅਤੇ ਬੱਚਿਆਂ ਨਾਲ ਮਨਾਉਂਦੇ ਹਨ।
ਸੂਤਰਾਂ ਮੁਤਾਬਿਕ ਪਾਰਟੀ ਹਰ ਸਾਲ ਦੀ ਤਰ੍ਹਾਂ ਸ਼ਾਨਦਾਰ ਅਤੇ ਸਿਤਾਰਿਆਂ ਨਾਲ ਭਰੀ ਹੋਵੇਗੀ, ਪਰ ਇਸ ਸਾਲ ਸਲਮਾਨ ਨੇ ਆਪਣੇ ਬਿਹਾਫ ‘ਤੇ ਭੈਣ ਅਰਪਿਤਾ ਨੂੰ ਪਾਰਟੀ ਦੀ ਮੇਜ਼ਬਾਨੀ ਕਰਨ ਦਾ ਮੌਕਾ ਦਿੱਤਾ ਹੈ। ਸੂਤਰ ਨੇ ਅੱਗੇ ਕਿਹਾ ਕਿ ਪਾਰਟੀ ‘ਚ ਪੂਰਾ ਖਾਨ ਪਰਿਵਾਰ ਅਤੇ ਸਲਮਾਨ ਦੇ ਕਰੀਬੀ ਦੋਸਤ ਸ਼ਾਮਲ ਹੋਣਗੇ। ਅਰਪਿਤਾ ਅਤੇ ਆਯੂਸ਼ ਨੇ ਬੀਤੇ ਦਿਨੀ ਸਾਰੇ ਮਹਿਮਾਨਾਂ ਨੂੰ ਸੱਦਾ ਪੱਤਰ ਵੀ ਭੇਜੇ ਹਨ।