ਸਲਮਾਨ ਖਾਨ ਦੇ ਕਲੈਕਸ਼ਨ ‘ਚ ਹੁਣ ਇਕ ਹੋਰ ਲਗਜ਼ਰੀ ਆਈਟਮ ਜੁੜ ਗਈ ਹੈ, ਜੋ ਕਿ ਗੁੱਟ ਘੜੀ ਹੈ। ਉਨ੍ਹਾਂ ਦੇ ਗੁੱਟ ‘ਤੇ ਬੱਝੀ ਗੋਲਡਨ ਕਲਰ ਦੀ ਚਮਕਦਾਰ ਰੋਲੇਕਸ ਘੜੀ ਦੀ ਕੀਮਤ ਲੱਖਾਂ ‘ਚ ਹੈ, ਇੰਨੇ ਪੈਸੇ ‘ਚ ਕੋਈ ਵੀ ਲਗਜ਼ਰੀ ਕਾਰ ਵੀ ਖਰੀਦ ਸਕਦਾ ਹੈ। ਖਬਰਾਂ ਮੁਤਾਬਕ ਭਾਈਜਾਨ ਦੀ ਇਸ ਘੜੀ ਦੀ ਕੀਮਤ ਕਰੀਬ 57,200 ਡਾਲਰ ਹੈ। ਭਾਰਤੀ ਕਰੰਸੀ ਦੇ ਹਿਸਾਬ ਨਾਲ ਇਸ ਦੀ ਕੀਮਤ 47 ਲੱਖ ਰੁਪਏ ਹੈ।
ਡੀਐਨਏ ਦੀਆਂ ਰਿਪੋਰਟਾਂ ਮੁਤਾਬਕ ਰੋਲੇਕਸ ਕੰਪਨੀ ਦੀ ਇਹ ਲਗਜ਼ਰੀ ਘੜੀ ਉੱਚ ਦਰਜੇ ਦੇ ਮੈਟੀਰੀਅਲ ਨਾਲ ਬਣੀ ਹੈ। ਇਹ ਇੱਕ Oyster Perpetual Day-Date 36 ਡਾਇਲ ਘੜੀ ਹੈ। ਇਸ ਨੂੰ ਲਗਭਗ 18 ਕੈਰੇਟ ਪੀਲੇ ਅਤੇ ਚਿੱਟੇ ਸੋਨੇ ਤੋਂ ਤਿਆਰ ਕੀਤਾ ਗਿਆ ਹੈ, ਇਸ ਦੇ ਨਾਲ ਹੀਰੇ ਵੀ ਇਸ ਵਿੱਚ ਜੜੇ ਹੋਏ ਹਨ। ਕੁਝ ਦਿਨ ਪਹਿਲਾਂ ਭਾਈਜਾਨ ਨੇ ਆਪਣੀ ਫੋਟੋ ਪੋਸਟ ਕੀਤੀ ਸੀ, ਜਿਸ ‘ਚ ਉਨ੍ਹਾਂ ਦੇ ਹੱਥ ‘ਚ ਇਹ ਘੜੀ ਨਜ਼ਰ ਆ ਰਹੀ ਸੀ। ਇਸ ਤੋਂ ਇਲਾਵਾ ਸਲਮਾਨ ਨੇ ਫਿਲਮਫੇਅਰ ਐਵਾਰਡ ਦੀ ਪ੍ਰੈੱਸ ਕਾਨਫਰੰਸ ਦੌਰਾਨ ਵੀ ਇਹ ਘੜੀ ਪਾਈ ਦੇਖੀ ਗਈ ਸੀ।