ਅਦਾਕਾਰ ਅਕਸ਼ੇ ਕੁਮਾਰ, ਮਾਨੁਸ਼ੀ ਛਿੱਲਰ, ਸੋਨੂੰ ਸੂਦ ਅਤੇ ਸੰਜੇ ਦੱਤ ਦੀ ਫਿਲਮ ‘ਸਮਰਾਟ ਪ੍ਰਿਥਵੀਰਾਜ’ 3 ਜੂਨ, 2022 ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋ ਚੁੱਕੀ ਹੈ। ਫਰਸਟ ਡੇਅ ਫਸਟ ਸ਼ੋਅ ਦੇਖਣ ਵਾਲੇ ਦਰਸ਼ਕ ਵੀ ਟਵਿੱਟਰ ‘ਤੇ ‘ਸਮਰਾਟ ਪ੍ਰਿਥਵੀਰਾਜ ਟਵਿਟਰ ਰਿਵਿਊ’ ਦੀ ਸਮੀਖਿਆ ਕਰਨ ਲੱਗ ਪਏ ਹਨ। ਅਕਸ਼ੈ ਕੁਮਾਰ ਦੀ ਫਿਲਮ ਨੂੰ ਦੇਖ ਕੇ ਪ੍ਰਸ਼ੰਸਕ ਸੋਸ਼ਲ ਮੀਡੀਆ ‘ਤੇ ਉਨ੍ਹਾਂ ਦੀ ਐਕਟਿੰਗ, ਫਿਲਮ ਦੀ ਕਹਾਣੀ, ਸੈੱਟ ਤੋਂ ਲੈ ਕੇ ਨਿਰਦੇਸ਼ਨ ਤੱਕ ਚਰਚਾ ਕਰ ਰਹੇ ਹਨ। ਟਵਿਟਰ ‘ਤੇ ਹੈਸ਼ਟੈਗ ‘ਸਮਰਾਟ ਪ੍ਰਿਥਵੀਰਾਜ’ ਟ੍ਰੈਂਡ ਕਰ ਰਿਹਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ‘ਸਮਰਾਟ ਪ੍ਰਿਥਵੀਰਾਜ’ ਦਾ ਨਿਰਦੇਸ਼ਨ ਚੰਦਰਪ੍ਰਕਾਸ਼ ਦਿਵੇਦੀ ਨੇ ਕੀਤਾ ਹੈ ਅਤੇ ਯਸ਼ਰਾਜ ਫਿਲਮਜ਼ ਦੇ ਪ੍ਰੋਡਕਸ਼ਨ ਹੇਠ ਬਣੀ ਹੈ।
ਇਸ ਕਹਾਣੀ ਨੂੰ ਪੇਸ਼ ਕਰਨ ਲਈ ਪ੍ਰੋਡਕਸ਼ਨ ਹਾਊਸ ਨੇ 300 ਕਰੋੜ ਰੁਪਏ ਖਰਚ ਕੀਤੇ ਹਨ। ਇਹ ਫਿਲਮ ਅਕਸ਼ੈ ਕੁਮਾਰ ਲਈ ਵੀ ਕਾਫੀ ਮਾਇਨੇ ਰੱਖਦੀ ਹੈ। ਉਨ੍ਹਾਂ ਦੀ ਪਿਛਲੀ ਫਿਲਮ ਬੱਚਨ ਪਾਂਡੇ ਫਲਾਪ ਰਹੀ ਸੀ ਅਤੇ ਹੁਣ ਦੇਖਣਾ ਇਹ ਹੈ ਕਿ ‘ਸਮਰਾਟ ਪ੍ਰਿਥਵੀਰਾਜ’ ਕਿਸ ਤਰ੍ਹਾਂ ਦਾ ਪ੍ਰਦਰਸ਼ਨ ਕਰਦੀ ਹੈ। ਅਕਸ਼ੈ ਕੁਮਾਰ ਦੀਆਂ ਲਗਾਤਾਰ ਫਲਾਪ ਫਿਲਮਾਂ ਤੋਂ ਨਿਰਮਾਤਾਵਾਂ ਦਾ ਮੋਹ ਭੰਗ ਹੋ ਰਿਹਾ ਹੈ। ਅਕਸ਼ੇ ਕੁਮਾਰ ਦੀ ਪਿਛਲੀ ਰਿਲੀਜ਼ ਫਿਲਮ ‘ਬੱਚਨ ਪਾਂਡੇ’ ਬਾਕਸ ਆਫਿਸ ‘ਤੇ ਵੱਡੀ ਫਲਾਪ ਸਾਬਤ ਹੋਈ ਸੀ। ਹਾਲਾਂਕਿ ਅਕਸ਼ੇ ਅਤੇ ਮਾਨੁਸ਼ੀ ਨੇ ਫਿਲਮ ਦੀ ਪ੍ਰਮੋਸ਼ਨ ਲਈ ਪੂਰੀ ਜਾਨ ਲਗਾ ਦਿੱਤੀ ਹੈ ਪਰ ਬਾਕਸ ਆਫਿਸ ‘ਤੇ ਪਹਿਲੇ ਦਿਨ ਦੀ ਕਮਾਈ ‘ਸਮਰਾਟ ਪ੍ਰਿਥਵੀਰਾਜ’ ਲਈ ਅੱਗੇ ਦਾ ਰਸਤਾ ਤੈਅ ਕਰੇਗੀ।
