ਹਰਿਆਣਾ ਦੀ ਡਾਂਸਿੰਗ ਸੰਸੇਸ਼ਨ ਦੇ ਨਾਂਅ ਤੋਂ ਮਸ਼ਹੂਰ ਸਪਨਾ ਚੌਧਰੀ ਅਕਸਰ ਆਪਣੇ ਡਾਂਸ ਤੇ ਗੀਤਾਂ ਨੂੰ ਲੈ ਕੇ ਚਰਚਾ ਵਿੱਚ ਰਹਿੰਦੀ ਹੈ। ਸਾਲ ਦੇ ਪਹਿਲੇ ਮਹੀਨੇ ਵਿੱਚ ਹੀ ਸਪਨਾ ਚੌਧਰੀ ਦੇ ਇੱਕ ਤੋਂ ਬਾਅਦ ਇੱਕ ਨਵੇਂ ਵੀਡੀਓ ਗੀਤ ਰਿਲੀਜ਼ ਹੋ ਰਹੇ ਹਨ। ਸਪਨਾ ਚੌਧਰੀ ਨੇ ਫੈਨਜ਼ ਨੂੰ ਲੋਹੜੀ ‘ਤੇ ਖ਼ਾਸ ਤੋਹਫਾ ਦਿੱਤਾ ਹੈ। ਸਪਨਾ ਦੇ ਇੱਕ ਹੋਰ ਨਵੇਂ ਗੀਤ ਦਾ ਟੀਜ਼ਰ ਰਿਲੀਜ਼ ਹੋਇਆ ਹੈ। ਸਪਨਾ ਦੇ ਇਸ ਨਵੇਂ ਗੀਤ ਦਾ ਨਾਮ ਹੈ ‘kala chundad’ ਗੀਤ ਦਾ ਟੀਜ਼ਰ ਸ਼ੇਅਰ ਕਰਦੇ ਹੋਏ ਸਪਨਾ ਚੌਧਰੀ ਨੇ ਦੱਸਿਆ ਕਿ ਪੂਰਾ ਗੀਤ 17 ਜਨਵਰੀ ਨੂੰ ਆਵੇਗਾ।
ਸਪਨਾ ਨੇ ਕੈਪਸ਼ਨ ‘ਚ ਲਿਖਿਆ- ਹੈਪੀ ਲੋਹੜੀ। ਗੀਤ ਆ ਰਿਹਾ ਹੈ। 17 ਜਨਵਰੀ ਨੂੰ ਤਿਆਰ ਰਹੋ। ਗੀਤ ‘ਚ ਸਪਨਾ ਚੌਧਰੀ ਦਾ ਦੇਸੀ ਸਵੈਗ ਅਤੇ ਜ਼ਬਰਦਸਤ ਡਾਂਸ ਪ੍ਰਸ਼ੰਸਕਾਂ ਨੂੰ ਲੁੱਟ ਰਿਹਾ ਹੈ। ਇਸ ਗੀਤ ਨੂੰ ਸਪਨਾ ਚੌਧਰੀ ਅਤੇ ਮਨੀਸ਼ ਤੋਮਰ ‘ਤੇ ਫਿਲਮਾਇਆ ਗਿਆ ਹੈ। ਗੀਤ ਨੂੰ ਯੂਕੇ ਹਰਿਆਣਵੀ ਨੇ ਗਾਇਆ ਹੈ। ਗੀਤ ਦੇ ਬੋਲ ਪ੍ਰੇਮ ਜੰਗੀਰਾ ਦੇ ਹਨ। ਸਪਨਾ ਚੌਧਰੀ ਦੇ ਸਿਤਾਰੇ ਬੁਲੰਦੀਆਂ ‘ਤੇ ਹਨ। ਉਸ ਦੇ ਗੀਤ ਇਕ ਤੋਂ ਬਾਅਦ ਇਕ ਆ ਰਹੇ ਹਨ।
https://www.instagram.com/p/CYqO2JmAipd/
ਸਪਨਾ ਚੌਧਰੀ ਦੇ ਇਸ ਨਵੇਂ ਗੀਤ ਨੂੰ ਯੂਕੇ ਹਰਿਆਣਵੀ ਨੇ ਗਾਇਆ ਹੈ ਅਤੇ ਇਸ ਦੇ ਬੋਲ ਪ੍ਰੇਮ ਜੰਗੀਰਾ ਨੇ ਲਿਖੇ ਹਨ।ਇਸ ਮਿਊਜ਼ਿਕ ਵੀਡੀਓ ਦੇ ਵਿੱਚ ਸਪਨਾ ਚੌਧਰੀ ਦਾ ਦੇਸੀ ਅੰਦਾਜ਼ ਵਿਖਾਈ ਦੇ ਰਿਹਾ ਹੈ। ਦੇਸੀ ਲੁੱਕ ਤੇ ਹਰਿਆਣਵੀ ਪਹਿਰਾਵੇ ਦੇ ਵਿੱਚ ਸਪਨਾ ਹਰਿਆਣਵੀ ਡਾਂਸ ਕਰਦੀ ਹੋਈ ਵਿਖਾਈ ਦੇਵੇਗੀ। ਦੱਸ ਦਈਏ ਕਿ ਕੁਝ ਦਿਨ ਪਹਿਲਾਂ ਹੀ ਸਪਨਾ ਦਾ ਇੱਕ ਹੋਰ ਗੀਤ ਖੂੜਕਾ ਰਿਲੀਜ਼ ਹੋਇਆ ਸੀ। ਇਸ ਨੂੰ ਫੈਨਜ਼ ਨੇ ਬਹੁਤ ਪਸੰਦ ਕੀਤਾ ਹੈ। ਸਪਨਾ ਦੇ ਸਹਿ ਕਲਾਕਾਰ ਵੀ ਉਸ ਦੇ ਨਵੇਂ ਗੀਤਾਂ ‘ਚ ਉਸ ਦੀ ਅਦਾਕਾਰੀ ਦੀ ਤਾਰੀਫ ਕਰ ਰਹੇ ਹਨ।
